ដោយៈសុផល/ភ្នំពេញ៖ក្រុមហ៊ុនBIMAអ្នកផ្ដល់សេវាសុខភាពតាមរយៈទូរស័ព្ទដៃនិងសេវារ៉ាប់រងឈានមុខក្នុងព្រះរាជាណាចក្រកម្ពុជា។ជាមួយនេះក្រុមហ៊ុនSmartAxiataប្រតិបត្ដិករទូរគមនាគមន៍ចល័តឈានមុខនៅកម្ពុជាបានប្រកាសនៅថ្ងៃ២៤ខែកុម្ភៈថាអតិថិជនសេវាធានារ៉ាប់រងអាយុជីវិតវ័យឆ្លាតនឹងអាចប្រើសេវាធានារ៉ាប់រងប្រសើរជាងមុន ចាប់ពីថ្ងៃទី១ ខែមេសា ឆ្នាំ២០២០តទៅ។
អតិថិជនអាចដាក់ពាក្យទាមទារ ជាមួយនឹងគម្រោងប្រសើរជាងមុន ឧទាហរណ៍រហូតដល់ ៥.០០០ ដុល្លារអាមេរិកធៀបនឹង៣.២០០ដុល្លារអាមេរិកបច្ចុប្បន្ននេះ។អត្រាហូរចូលនៃសេវាធានារ៉ាប់រងនៅកម្ពុជានៅទាបជាង១ភាគរយនៃផលិតផលសរុបក្នុងស្រុក។នេះ សបញ្ជាក់ថា ក្នុងករណីមានរឿងអកុសល ឬឧបទេវហេតុកើតឡើងប្រជាជនជាច្រើននឹងជួបវិបត្ដិការចំណាយហិរញ្ញវត្ថុ។
ផលិតផលច្នៃថ្មីរបស់BIMAជួយអតិថិជនឱ្យចុះឈ្មោះបានរហ័សដោយមិនត្រូវការឯកសារ។តាមរយៈការប្រើបច្ចេកវិទ្យាទូរស័ព្ទចល័តBIMAជួយផ្តល់អតិថិជនងាយរងគ្រោះពីមុនដែលពុំមានគណនីធនាគារឱ្យទទួលបានសេវាធានារ៉ាប់រងក៏ដូចជាសេវាសុខភាពបានយ៉ាងងាយស្រួល។ការបន្ដភាពជាដៃគូរវាងBIMAនិងSmartAxiataជួយឱ្យអតិថិជនជាច្រើនទទួលបានសេវាធំៗទាំងនេះ។
កញ្ញាគីមថុលអាមនាយកប្រតិបត្ដិនៃក្រុមហ៊ុនធានារ៉ាប់រងBIMAបានថ្លែងថា៖«គ្រួសារប្រាក់ចំណូលទាបនៅកម្ពុជាពុំមានលទ្ធភាពប្រើគម្រោងធានារ៉ាប់រងលក្ខណៈពាណិជ្ជកម្មនិងសង្គមបានទេ។ នៅBIMA យើងកំពុងធ្វើការបង្កើនប្រសិទ្ធភាពនៃផលិតផលរបស់យើងរាល់ថ្ងៃ។ដូច្នេះយើងអាចបំបាត់ភាពងាយរងគ្រោះរបស់ពួកគេបានហើយប្រែពួកគេទៅជាប្រជាជនមានប្រាក់ចំណូលមធ្យមនាថ្ងៃអនាគត។ តម្រូវការពិសេសនូវការការពារធានារ៉ាប់រងរបស់វណ្ណៈកណ្តាលដែលកំពុងរីកនេះតម្រូវឱ្យយើងបង្កើនការផ្តល់ជូនផលិតផលរបស់យើង និងផ្តល់ការធានារ៉ាប់រងប្រសើរជាងមុន»។
«ចាប់តាំងពីឆ្នាំ២០១៤មកភាពជាដៃគូររបស់យើងជាមួយSmartAxiataបានជួយឱ្យយើងផ្ដល់ដល់ប្រជាជនកម្ពុជានូវការធានារ៉ាប់រងសុខភាពមន្ទីរពេទ្យនិងអាយុជីវិតជាងមួយលាននាក់។តាមរយៈការបន្ដកិច្ចខិតខំកសាងភាពជាដៃគូនិងនវានុវត្ដន៍យើងរំពឹងថាចំនួននឹងអាចកើនឡើងហើយស្របពេលជាមួយគ្នានេះយើងរំពឹងថានឹងអាចពង្រីកការគ្របដណ្ដប់ក៏ដូចជាអាចផ្ដល់សេវាគ្រប់គ្រងហានិភ័យដ៏មានតម្លៃដល់ជនងាយរងគ្រោះផងដែរ» នេះបើតាមការបន្ថែមរបស់កញ្ញា ។
លោកStjepanUdovicicនាយកផ្នែកទីផ្សាររបស់ក្រុមហ៊ុនSmartAxiataបានមានប្រសាសន៍ថា៖ក្នុងនាមជាប្រតិបត្ដិករទូរគមនាគមន៍ទូរស័ព្ទចល័តដែលលើសពីការផ្ដល់សេវាកម្មជាទូទៅជូនអតិថិជនពួកយើងបន្ដស្វែងរកអ្វីដែលថ្មីដើម្បីច្នៃជីវិតរស់នៅរបស់អតិថិជនឱ្យបានប្រសើរឡើងតាមរយៈសេវាផ្ដល់តម្លៃបន្ថែមនានានិងគំនិតផ្ដួចផ្ដើមច្នៃប្រឌិតដូចជាការធានារ៉ាប់រងវ័យឆ្លាត។
ជាមួយBIMAយើងសង្ឃឹមថានឹងពង្រីកការផ្តល់សេវាធានាអាយុជីវិតនិងរ៉ាប់រងថ្លៃព្យាបាលខ្នាតតូចតាមរយៈវិធីទូទាត់ងាយៗនិងមិនប្រើក្រដាស់ប្រាក់។ពួកយើងក៏មានបំណងបញ្ជ្រាបពីអត្ថប្រយោជន៍ក្នុងការមានការធានារ៉ាប់រងនិងការជំរុញការពង្រីកបណ្ដាញចែកចាយការធានារ៉ាប់រងខ្នាតតូចដល់អ្នកប្រើប្រាស់ប្រែនវ័យឆ្លាតខ្លាំងខ្លា»៕S/
