ចាប់ខ្លួន​ក្រុមចោរ​កាច់​សោ​ម៉ូតូ​បាន​២​នាក់​នៅ​ក្រុងព្រះសីហនុ​

277
ចែករម្លែក

ដោយ​៖​វណ្ណៈ​/​ព្រះសីហនុ​៖​កម្លាំង​នគរបាល​បាន​ឃាត់ខ្លួន​ជនសង្ស័យ​ចំនួន​២​នាក់​ដែល​បម្រុង​ធ្វើ​សកម្មភាព​លួច​កាច់​បំបែក​សោ​.​ក​ម៉ូតូ​នៅ​ចំណុច​ផ្លូវ​ភ្នំ​ខៀវ​ស្ថិតនៅ​ភូមិ​២​សង្កាត់​២​ក្រុង​-​ខេត្ត​ព្រះសីហនុ​កាលពី​ម៉ោង​៣​ទាបភ្លឺ​ថ្ងៃទី​២៤​ខែកុម្ភៈ​ឆ្នាំ​២០២០ ។

​ជនសង្ស័យ​១​ឈ្មោះ​អាយ​អ៊ឹ​ន​ភេទ​ប្រុស​អាយុ​៤០​ឆ្នាំ​នៅ​សង្កាត់​ទួល​សង្កែ​ខណ្ឌ​ឬ​ស្សី​កែវ​រាជធានី​ភ្នំពេញ ។​២​ឈ្មោះ​ភឹម​ហាច​ភេទ​ប្រុស​អាយុ​៣៦​ឆ្នាំ​នៅ​ភូមិ​៣​សង្កាត់​១​ក្រុង​-​ខេត្ត​ព្រះសីហនុ​។​វត្ថុតាង​ចាប់យក​បាន​៖​ម៉ូតូ​១​គ្រឿង ម៉ាក​ហុងដា​សេ​១២៥ ឆ្នាំ​២០១៥ បិទ​តែម​ឆ្នាំ​២០១៦ ពណ៌​ខ្មៅ​ស្លាក​លេខ ពោធិ៍សាត់ 1G-0693 (​ស្លាក​លេខ​ក្លែងក្លាយ​)​។​

​ជាមួយនេះ​សមត្ថកិច្ច​ដកហូត​ឧបករណ៍​ពាក់ព័ន្ធ​បទល្មើស​ជាច្រើន​កម្លាំង​នគរបាល​ព្រហ្មទណ្ឌ​កម្រិត​ស្រាល កំពុង​បន្ត​នីតិវិធី ៕S/​