ដោយៈសុផល/ភ្នំពេញៈ គ្រឿងសង្ហារឹមដែលល្បីឈ្មោះនៅបណ្តាប្រទេសអឺរ៉ុបម៉ាកMUUTOនិងDistrict Eight បានចូលមកដល់ទីផ្សារកម្ពុជា បន្ទាប់ពីមើលឃើញសក្តានុពលលើវិស័យនេះ។ក្រុមហ៊ុន OVER UNDERFURNITUREដែលជាក្រុមហ៊ុនដៃគូជាមួយប្រទេសដាណឺម៉ាកបែលហ្ស៊ិកវៀតណាមក្នុងការលក់និងចែកចាយគ្រឿងសង្ហារឹមនៅកម្ពុជាបានបើកដំណើរការដាក់តាំងបង្ហាញគ្រឿងសង្ហារឹមនៅ ទីតាំងនៅផ្ទះ លេខ ១៧ ផ្លូវ ៣១០ សង្កាត់បឹងកេងកង ១ ខណ្ឌចំការមន រាជធានីភ្នំពេញ ។
ក្រុមហ៊ុនOVERUNDERFURNITUREនេះមានគ្រឿងសង្ហារឹមចំនួនពីរប្រ៊េនដែលល្បីឈ្មោះមកពីក្រៅប្រទេសដែលទីមួយឈ្មោះMUUTOមកពីដាណឺម៉ាក,ប្រ៊េនទីពីរឈ្មោះDistrictEightមកពីវៀតណាមនិងក្រដាសបិទជញ្ជាំងដែលមានគុណភាពខ្ពស់ផលិតនៅប្រទេសបែលហ្ស៊ិក។ពិធីដាក់តាំងបង្ហាញគ្រឿងសង្ហារឹមនេះបានធ្វើឡើងកាលពីពេលថ្មីៗនេះដោយមានការចូលរួមពីភ្ញៀវកិត្តិយសជាច្រើននាក់។
អ្នកនាងហ៊ុនចិន្តាដែលជាដៃគូគ្រប់គ្រងក្រុមហ៊ុនOVERUNDERFURNITUREបានឱ្យដឹងថាក្រុមហ៊ុនOVERUNDERFURNITUREមិនគ្រាន់តែលក់គ្រឿងសង្ហារឹមប៉ុណ្ណោះទេ។តែក៏ជាតំណាងរបស់ប្រ៊េនខាងលើហើយក៏ជាអ្នកផ្តល់សិទ្ធិចែកចាយផ្តាច់មុខនៅក្នុងស្រុកខ្មែរផងដែរ។
អ្វីដែលធ្វើឱ្យអ្នកចូលរួមចាប់អារម្មណ៍នាឱកាសថ្ងៃបើកដំណើរការតាំងបង្ហាញនេះគឺពេលចូលមកដល់ភ្លាមទទួលបាននូវអារម្មណ៍ស្រស់ថ្លា។ជាមួយភាពកក់ក្តៅក្នុងបរិយាកាសសប្បាយរីករាយជាមួយនឹងការលេងហ្គេមកម្សាន្តការចាប់រង្វាន់ដែលការសប្បាយរីករាយទាំងនេះស្ថិតនៅកន្លែងមួយដែលមានតាំងបង្ហាញគ្រឿងសង្ហារឹមដ៏ប្រណីតៗ ប្រ៊េនដ៏ល្បីៗ និងមាន គុណភាពខ្ពស់ថែមទៀតផង ៕S/
