Home ព័ត៌មានជាតិ សេដ្ឋកិច្ច ស៊ី​ឌី​ស៊ី​អន...

ស៊ី​ឌី​ស៊ី​អនុម័ត​គម្រោង​វិនិយោគ​លើទឹក​ប្រា​ក់ជាង​៦០០​លាន​ដុល្លារ​

ដោយៈ​ច្រាយ ចំណាន​/​ភ្នំពេញៈ​ក្រុមប្រឹក្សា​អភិវឌ្ឍន៍​កម្ពុជា​ឬ​ស៊ី​ឌី​ស៊ី (CDC) បានអនុម័ត​គម្រោង​វិនិយោគ​៦ មាន​ទឹកប្រាក់​ចំនួន​ជាង​៦៧៧,៩​លាន​ដុល្លារ​អាម៉េរិក ដែល​ផ្តល់ឱកាស​ការងារ​ជូន​ពលរដ្ឋ​កម្ពុជា​ច្រើន​កន្លែង​។​
​យោងតាម​ការផ្សព្វផ្សាយ​របស់​ក្រុមប្រឹក្សា​អភិវឌ្ឍន៍​កម្ពុជា (CDC) នៅ​ថ្ងៃទី ២៤ ខែកុម្ភៈ​នេះ ឱ្យដឹងថា តាម​សំណើសុំ​វិនិយោគ​របស់​ក្រុមហ៊ុន គណៈកម្មាធិការ​វិនិយោគ​កម្ពុជា​នៃ​ក្រុមប្រឹក្សា​អភិវឌ្ឍន៍​កម្ពុជា បានសម្រេច​ចេញ​វិ​ញ្ញាប​ន​ប័ត្រ​ចុះបញ្ជី​ជា​ស្ថាពរ ជូន​ដល់​ក្រុមហ៊ុន​ដូចជា ទីមួយ​. “ROYAL CAMBODIAN HOSPITAL CO., LTD”​គម្រោង​សាងសង់ និង​អាជីវកម្ម​មន្ទីរពេទ្យ​អន្តរជាតិ​ចំនួន​១.៥០០​គ្រែ ដែលមាន​ទីតាំង​វិនិយោគ​ស្ថិតនៅ​ដីឡូត៍​តាម​បណ្តោយ​មហាវិថី​សម្តេច​ហ៊ុនសែន ភូមិ​ស្រុក​ចេក​និង​ភូមិ​ព្រែក​ថ្លឹង សង្កាត់​ជើងឯក ខណ្ឌដង្កោ រាជធានី​ភ្នំពេញ មាន​ទុនវិនិយោគ​ប្រមាណ​៤៧៨​លាន​ដុល្លារ និង​អាចបង្កើត​ការងារ​បាន​ចំនួន ១.៥០០​កន្លែង​។​ទី​ពីរ​. “ CHIP MONG RETAIL CO., LTD” គម្រោង​សាងសង់​ផ្សារ​ទំនើប ដែលមាន​ទីតាំង​វិនិយោគ​ស្ថិតនៅ​ផ្លូវ​២៧១ ភូមិ​ព្រែ​កតា​នូ សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ មាន​ទុនវិនិយោគ​ប្រមាណ​១១៣,៩​លាន​ដុល្លារ​និង​អាចបង្កើត​ការងារ​បាន​ចំនួន​៨២៩​កន្លែង​។​

គំរូ​ប្លង់​ទីតាំង​វិនិយោគ​(​រូ​ស៊ី​ឌី​ស៊ី​)


​ទី​បី​. “ANGKOR WILDLIFE & AQUARIUM CO., LTD” គម្រោង​បង្កើត​រមណីយដ្ឋាន​សេវាកម្ម​ចម្រុះ​ដែលមាន​ទីតាំង​វិនិយោគ​ស្ថិតនៅ​ភូមិ​ក្បូន ឃុំ​ខ្ចាស់ ស្រុក​សូទ្រនិគម ខេត្តសៀមរាប មាន​ទុនវិនិយោគ​ប្រមាណ​៧១,៧​លាន​ដុល្លារ និង​អាចបង្កើត​ការងារ​បាន​ចំនួន​១៥១​កន្លែង​។​ទី​បួន​. “CAMINA INDUSTRIAL TECHNOLOGY CO., LTD” គម្រោង​បង្កើត​រោងចក្រ​ផលិត និង​ផ្គុំ​ដំឡើង​ឧបករណ៍​ជាង​គ្រប់​ប្រភេទ ដែលមាន​ទីតាំង​វិនិយោគ​ស្ថិតនៅ​ភូមិ​អូរ​ស្នោ ឃុំ​ស្គុះ ស្រុក​សំរោង​ទង ខេត្តកំពង់ស្ពឺ មាន​ទុនវិនិយោគ​ប្រមាណ​២,៨​លាន​ដុល្លារ និង​អាចបង្កើត​ការងារ​បាន​ចំនួន​១៦២​កន្លែង​។​
​ទី​ប្រាំ​. “V & J K DEVELOPMENT CO., LTD” គម្រោង​បង្កើត​រោងចក្រ​ផលិត​ទឹកបរិសុទ្ធ ដែលមាន​ទីតាំង​វិនិយោគ​ស្ថិតនៅ​ផ្លូវជាតិ​លេខ​២ ភូមិ​ព្រែក​ថ្លឹង សង្កាត់​ព្រែកកំពឹស ខណ្ឌដង្កោ រាជធានី​ភ្នំពេញ មាន​ទុនវិនិយោគ​ប្រមាណ​៨,៨​លាន​ដុល្លារ និង​អាចបង្កើត​ការងារ​បាន​ចំនួន ៣៧០​កន្លែង និង​ទី​ប្រាំមួយ​. “HAN WEI (CAMBODIA) CO., LTD” គម្រោង​បង្កើត​រោងចក្រ​ផលិត​គ្រឿង​បន្សំ​ស្បែកជើង ដែលមាន​ទីតាំង​វិនិយោគ​ស្ថិតនៅ​ភូមិ​ត្រាវ ឃុំ​វាល ស្រុក​គងពិសី ខេត្តកំពង់ស្ពឺ មាន​ទុនវិនិយោគ​ប្រមាណ​២,៧​លាន​ដុល្លារ និង​អាចបង្កើត​ការងារ​បាន​ចំនួន​២៧៦​កន្លែង​៕សរន

គំរូ​ប្លង់​ទីតាំង​វិនិយោគ​(​រូ​ស៊ី​ឌី​ស៊ី​)
គំរូ​ប្លង់​ទីតាំង​វិនិយោគ​(​រូ​ស៊ី​ឌី​ស៊ី​)

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...