ដោយ:អង្គរតូច/សៀមរាប៖សមត្ថកិច្ចចម្រុះបានចាប់គោយន្តដឹកឈើល្មើសច្បាប់មួយគ្រឿងនៅព្រឹកថ្ងៃទី២៤ខែកុម្ភៈឆ្នាំ២២០២០នេះពេលកំពុងដឹកចូលក្នុងដេប៉ូមួយកន្លែងក្នុងឃុំអំពិលស្រុកប្រាសាទបាគង។លោកវរសេនីយ៍ទោ ម៉េង សំណាង នាយរងការិយាល័យប្រឆាំងបទល្មើសសេដ្ឋកិច្ចខេត្តបានឱ្យដឹងថា ដោយមានការសហការជាមួយកម្លាំងផ្នែករដ្ឋបាលព្រៃឈើបន្ទាយស្រីគឺបានចាប់គោយន្តដឹកឈើល្មើសច្បាប់មួយគ្រឿង។
លោកបន្តថាម្ចាស់ឈើមានឈ្មោះគាំលនភេទប្រុសអាយុ៣១រស់នៅភូមិ.ឃុំចាន់ស ស្រុកសូទ្រនិគម។ ឈើនេះបានដឹកឈើចេញពីភូមិសាស្ត្រឃុំខ្វាវស្រុកជីក្រែងយកមកលក់ឲ្យដេប៉ូដែលមានម្ចាស់ឈ្មោះតងហ៊ីងភេទប្រុសអាយុ៣១ឆ្នាំនៅភូមិគោកចាន់ឃុំអំពិលស្រុកប្រាសាទបាគង។ឈើដែលបានចាប់នេះមានចំនួន៤,៩ម៉ែត្រគូបជាឈើប្រភេទលេខ៣។ឈើទាំងនេះបានប្រគល់ឱ្យផ្នែករដ្ឋបាលព្រៃឈើបន្ទាយស្រីរក្សាទុក ដើម្បីអនុវត្តតាមផ្លូវច្បាប់៕S/
