Home ព័ត៌មានជាតិ សន្តិសុខ ​ផ្ទះមួយ​ខ្នង...

​ផ្ទះមួយ​ខ្នង​ត្រូវបាន​អគ្គិភ័យ​ឆេះ​អស់ទាំង​ស្រុង​នៅ​ខណ្ឌ​សែន​សុខ​

ដោយៈ​ចាន់តូ​/​ភ្នំពេញ​៖​ភ្លើង​ឆេះ​ផ្ទះមួយ​ខ្នង​ខ្ទេច​កាលពី​វេលា​ម៉ោង​១​រំលងអធ្រាត្រ​ចូល​ថ្ងៃ​អង្គារ​ទី​២៥​ខែកុម្ភៈ​ឆ្នាំ​២០២០​ត្រង់ចំណុច​ផ្លូវ​រថភ្លើង​ស្ថិតក្នុង​សង្កាត់​ភ្នំពេញ​ថ្មី​ខណ្ឌ​សែន​សុខ​។​

​ម្ចាស់ផ្ទះ​មានឈ្មោះ​លី​ម៉េង​ភេទ​ប្រុស​អាយុ​៧០​ឆ្នាំ​មុខរបរ​ជាងសំណង់​ស្នាក់នៅ​កន្លែងកើតហេតុ​។​មាន​ប្រពន្ធ​ឈ្មោះ​គឹម​ហ័ង​អាយុ​៤៥​ឆ្នាំ​មុខរបរ​កម្មករសំណង់​ស្នាក់នៅ​ជាមួយគ្នា​មានកូន​៥​នាក់​និង​ក្មួយ​ម្នាក់ទៀត​សរុប​ទាំងអស់​មួយ​គ្រួសារ​គឺ ៨​នាក់​។​ផ្ទះ​ដែល​ឆេះ​ទំហំ​៧​ម៉ែត្រ​គុណ​និង​១៥​ម៉ែត្រ ជញ្ជាំង​ឈើ ប្រក់​ស័ង្កសី ត្រូវបាន​ភ្លើង​ឆេះ​ម៉ត់​។​

​គ្រោះ​អ​គិ្គ​ភ័យ​នេះ​សមត្ថកិច្ច​បាន​ហៅ​រថយន្ត​ពន្លត់​អគ្គិភ័យ​ចុះមក​កន្លែងកើតហេតុ​ជា​បន្តបន្ទាប់​ចំនួន​៤​គ្រឿង​បាន​បាញ់​ឲ្យ​រលត់ទៅវិញ​នៅវេលា​ម៉ោង​២​រំលងអធ្រាត្រ​នៅ​ថ្ងៃខែ​ឆ្នាំ​ដដែល​។​រង​ការខូចខាត​សម្ភារ​ដូចជា​ម៉ូតូ​ពីរ​គ្រឿង​ព្រមទាំង​កង់​កូន​របស់គាត់​ដែល​ជិះ​ទៅ​រៀន​ចំនួន​៥​គ្រឿង​ទៀត​បូករួម​និង​លុយ​ចំនួន​៥.០០០​ដុល្លារ​និង​សម្ភារ​នៅក្នុង​ផ្ទះ​មួយចំនួនធំ​ត្រូវ​អគ្គិភ័យ​លេប​ត្របាក់​អស់ត​។​

​ចំពោះ​ការបាញ់ទឹក​ប្រើប្រាស់​រថយន្ត​ចំនួន​បួន​គ្រឿង​បាញ់​អស់ទាំង​៤​គ្រឿង​។​តាម​សំដី​សមត្ថកិច្ច​បាន​ប្រាប់​ឱ្យដឹងថា​ករណី​ឆេះ​ផ្ទះ​របស់​បុរស​ខាងលើនេះ​គឺ​មិនទាន់​ដឹង​មូលហេតុ​នៅឡើយ​សមត្ថកិច្ច​កំពុងតែធ្វើការ​តាមដាន​និង​ស្រាវជ្រាវ​បន្តទៀត​នៅពេល​ក្រោយ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ប៉ូលិស​ថៃ​ចោទប្រកាន់​មេដឹ...

ប្រែ​សម្រួលៈ​វាសនា​/​បាងក...

ស្ថានទូត​កម្ពុជាៈ មន្ទីរព...

ដោយៈ រ៉ា​ម៉ន / ភ្នំពេញៈ ក...

ឃាត់ខ្លួន​ជនសង្ស័យ​ម្នាក់...

​ដោយៈ ស​រិ​ទ្ធ / ភ្នំពេញៈ...

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...