ដោយៈចាន់តូ/ភ្នំពេញ:បង្គោលភ្លើងបំភ្លឺផ្លូវមួយដើមបានបាក់បន្ទាប់ពីមានរថយន្តម៉ាកព្រូសបើកលឿនបែកកង់វិលទៅប៉ះទទឹងរថយន្តកាលពីវេលាម៉ោង១០យប់ថ្ងៃទី២៤ខែកុម្ភៈឆ្នាំ២០២០ត្រង់ចំណុចមុខវត្តអរុណវត្តី តាមបណ្ដោយផ្លូវជាតិលេខ ៤ក្នុងសង្កាត់កន្ទោកខណ្ឌកំបូល ។រថយន្តបង្កម៉ាកព្រូស ពណ៌ទឹកប្រាក់ ពាក់ស្លាក លេខភ្នំពេញ2AO.8953 ។
ប្រភពបានឱ្យដឹងថាដំបូងឡើយគេឃើញបុរសម្នាក់បើករថយន្តតូយូតាព្រូសយ៉ាងលឿនតាមបណ្ដោយផ្លូវជាតិលេខ៤ខណៈមកដល់ចំណុចកើតហេតុបានវ៉ាជែងខាងស្តាំរថយន្ត១គ្រឿងទៀតបណ្ដាលឱ្យបែកកង់រ៉េចង្កូតវិលជាច្រើនជុំមកប៉ះជាមួយនឹងបង្គោលភ្លើងបំភ្លឺផ្លូវបណ្ដាលឱ្យបាក់អស់ ១ដើម។ ចំណែកឯរថយន្តរងការខូចខាតមួយចំហៀងខាងស្ដាំយ៉ាងដំណំតែមិនបង្កឱ្យមានអ្នកណាម្នាក់រងគ្រោះថ្នាក់នោះទេ៕S/
