ដោយៈ សាវរក្ស / ភ្នំពេញ: ផ្ទះមួយល្វែងត្រូវបានអគ្គិភ័យលេបត្របាក់អស់ទាំងស្រុង រហូតដល់ព្រឹកឡើងទើបរលត់មិនទាន់ដឹងមូលហេតុ។ ហេតុការណ៍កើតឡើងកាលពីវេលាម៉ោង ៥ទៀបភ្លឺ ថ្ងៃអង្គារ ទី២៥ ខែកុម្ភៈ ឆ្នាំ២០២០ ត្រង់ចំណុចផ្លូវលំ ស្ថិតក្នុងសង្កាត់ ស្ទឹងមានជ័យទី២ ខណ្ឌមានជ័យ។
ម្ចាស់ផ្ទះមានឈ្មោះ គង់ សុខលីន ភេទប្រុស អាយុ៥៧ឆ្នាំ មុខរបរធ្វើធ្យូងអនាម័យជាមួយអង្គការ ស្នាក់នៅកន្លែងកើតហេតុខាងលើ។ ផ្ទះដែលឆេះទំហំ៥ម៉ែត្រ គុណនិង ៧ម៉ែត្រ ជញ្ជាំងថ្មក្រោមលើឈើ ប្រក់ស័ង្កសី ត្រូវបានភ្លើងឆេះម៉ត់។
យោងតាមសម្ដីម្ចាស់ផ្ទះបានប្រាប់ឲ្យដឹងថា ដំបូងឡើយរូបគាត់ក៏ងើបមើលឃើញភ្លើងឆេះផ្ទះរបស់គាត់ខាងលើ ហើយក៏បានដាស់គ្រួសារបស់គាត់ឲ្យភ្ញាក់ឡើង ក៏នាំគ្នារត់ចេញពីភ្លើងដែលកំពុងតែឆាបឆេះយ៉ាងសន្ធោសន្ធៅ ហើយស្រែកប្រាប់ប្រជាពលរដ្ឋ ដែលរស់នៅជិតខាង មកជួយនិងរាយការណ៍ទៅសមត្ថកិច្ច បានហៅរថយន្តពន្លត់អគ្គិភ័យចុះមកកន្លែងកើតហេតុជាបន្តបន្ទាប់ចំនួន៩គ្រឿង បានបាញ់ឲ្យរលត់ទៅវិញនៅវេលាម៉ោង ៦និង១០នាទីព្រឹក នៅថ្ងៃខែឆ្នាំដដែល។ រងការខូចខាតសម្ភារៈទ្រព្យសម្បត្តិរបស់គាត់ដែលនៅក្នុងផ្ទះមួយចំនួនធំ ត្រូវអគ្គិភ័យលេបត្របាក់សល់តែផេះ យកបានតែម៉ូតូមួយគ្រឿងតែប៉ុណ្ណោះ។ ចំពោះឡានទឹក មកដល់កន្លែងកើតហេតុចំនួន៩គ្រឿង បាញ់អស់៦គ្រឿង។ មូលហេតុតាមសម្តីម្ចាស់ផ្ទះបានប្រាប់ឲ្យដឹងថា គឺសង្ស័យឆ្លងចរន្តអគ្គិសនី ឆេះពូករបស់គាត់ឆេះយ៉ាងសន្ធោសន្ធៅ។
តាមសំដីសមត្ថកិច្ចបានប្រាប់ឲ្យដឹងថា ករណីឆេះផ្ទះរបស់បុរសខាងលើនេះ គឺមិនទាន់ដឹងមូលហេតុនៅឡើយ សមត្ថកិច្ចកំពុងតែធ្វើការតាមដាន និងស្រាវជ្រាវបន្តទៀតនៅពេលក្រោយ៕ ល
