គ្រាន់តែ​ចាក់​វ៉ាក់សាំង​បង្ការ​ជំងឺមហារីក​ស្បូន​ហើយ គឺ​អស់​អ្វី​ត្រូវ​ខ្វល់​ហើយ​មែន​ទេ​?

​ជំងឺមហារីក​មាត់ស្បូន​គឺ​នៅពេលដែល​ដុំ​សាច់​ក្នុង​មាត់ស្បូន​លូតលាស់​កាន់តែ​ធំ​ទៅៗ​។ មហារីក​មាត់ស្បូន​នេះ​កើត​ឡើងលើ​ស្ត្រី​ជា​ញឹកញាប់ និង​ច្រើនតែ​បង្កឡើង​ដោយ​ការ បង្ក​រោគ​មួយ​ដោយ​វីរុស Human Papiloomavirus (HPV)​។ ប៉ុន្តែ​ការចម្លង​របស់​វីរុស​នេះ គឺអាច​បង្ការ​បាន​។

​យោង​ទោ​តាម​ការស្រាវជ្រាវ​ថ្មី​មួយ​របស់​អាមេរិក​បាន​ឲ្យ​ដឹងថា ការចាក់​វ៉ាក់សាំង​បង្ការ​ជំងឺ មហារីក​មាត់ស្បូន​នេះ​តែម្តង​គឺមាន​ប្រសិទ្ធភាព​បង្ការ​ជំងឺមហារីក​មាត់ស្បូន​ដូចគ្នា​នឹង​ការចាក់​ច្រើន​ម្ជុ​រដែរ​។ ការស្រាវជ្រាវ​នេះ​បានធ្វើ​ទៅលើ​ស្ត្រី​អាយុ ៩ ទៅ ២៦​ឆ្នាំ ចំនួន ១៣៣០៨២​នាក់ និង​កត្តា​ជាច្រើន​ដូចជា អាយុ ប្រវត្តិ​ជំងឺ​កាមរោគ និង​ការ​មាន​ផ្ទៃពោះ​។ គេ​បាន​រកឃើញថា ស្ត្រី ៦៦៥៤១​នាក់ បាន​ចាក់​វ៉ាក់សាំង​បង្ការ​ជំងឺមហារីក​មាត់ស្បូន​ម្តង​ឬ​ច្រើនដង​ខណៈពេលដែល ខ្លះទៀត​មិនបាន​ចាក់​តែម្តង​។ ការសិក្សា​នេះ​ត្រូវបាន​ចុះផ្សាយ​ក្នុង​សារព័ត៌មាន Cancer តាម​ប្រព័ន្ធ​អ៊ី​ន​ធើ​ណេ​ត​។ ការសិក្សា​នេះ​បាន​រកឃើញថា ស្ត្រី​ដែល​ចាក់​វ៉ាក់សាំង​បង្ការ​ជំងឺ មហារីក​មាត់ស្បូន​មាន​អត្រា​នៃ​ការកើត​មហារីក​មាត់ស្បូន​ទាប​ជាង​អ្នក​ដែល​មិនបាន​ចាក់​។ ប៉ុន្តែ ការរកឃើញ​ដ៏​សំខាន់​ច្រើន​ទៀត​ក្នុង​រយៈពេល​៥​ឆ្នាំ ហើយ​ការ​ប្រឈម​នឹង​មហារីក​មាត់ ស្បូន​នេះ​មាន ៣៦​ភាគរយ​បើសិនជា​ចាក់​បាន​ម្តង ២៨​ភាគរយ​បើសិនជា​ចាក់​បាន​២​ដង និង ៣៤​ភាគ​រុយ​បើសិនជា​ចាក់​បាន​បី​ដង​។ ដូច្នេះ​ការសិក្សា​បាន​ណែនាំ​ថា គ្រាន់តែ​ចាក់​បាន ម្តង​គឺ​គ្រប់គ្រាន់​ក្នុងការ​បន្ថយ​ការ​ប្រឈម​នឹង​ជំងឺ​នេះ​ទៅហើយ​។ តើន​រណា​ទៅ​ដែល​ប្រឈម ខ្លាំង​នឹង​ជំងឺមហារីក​មាត់ស្បូន​ទៅ​?

​មិនមាន​សុវត្ថិភាព​ក្នុងការ​រួមភេទ​
​វីរុស​បង្ក​ជំងឺមហារីក​មាត់ស្បូន​គឺ​ឆ្លង​តាមរយៈ​ការរួម​ភេទ និង​ការអនុវត្ត​វិធី​រួមភេទ​ដែល​មិនមាន​សុវត្ថិភាព សុទ្ធតែ​អាច​ឆ្លង​បាន​ទាំងអស់​។ ការចាប់ផ្តើម​រួមភេទ​ក្នុង​វ័យក្មេង​ពេក​ការ​មាន ដៃគូ​រួមភេទ​ច្រើន​និង​រួមភេទ​ដោយ​មិនមាន​ការការពារ​សុទ្ធតែ​អាច​ប្រឈម​កាន់តែ​ខ្ពស់​នឹង ការឆ្លង​វីរុស HPV ដែល​នាំ​ឲ្យ​កើត​មហារីក​មាត់ស្បូន​។

​ប្រព័ន្ធ​ភាពស៊ាំ​ចុះខ្សោយ​
ប្រព័ន្ធ​ភាពស៊ាំ​ចុះខ្សោយ​អាច​នឹងធ្វើ​ឲ្យ​រាងកាយ​កាន់តែ​ពិបាក​សម្លាប់​វីរុស​បាន​នៅពេល​វា​ត្រូវបាន​ឆ្លង​ចូលទៅក្នុង​ខ្លួន ហើយក៏​អាច​ប្រឈម​កាន់តែ​ខ្ពស់​នឹង​ជំងឺមហារីក​មាត់ ស្បូន​បានដែរ​។

​អាយុ​
ដែល​ត្រូវបាន​ចាត់ទុកថា​ប្រឈម​ខ្ពស់​នឹង​មហារីក​មាត់ស្បូន​នោះ​គឺ​ស្ថិតក្នុង​វ័យ ២០ ទៅ ៣០​ឆ្នាំ​។ ស្ត្រី​អាយុ​ចាប់ពី ៣៥​ឆ្នាំ​ឡើងទៅ​គឺ​មិនសូវ​ប្រឈមមុខ​ឡើយ​។

​ការប្រុងប្រយ័ត្ន​សម្រាប់​ស្ត្រី​ដែលមាន​ការប្រឈមមុខ​ខ្ពស់ ដើម្បី​បង្ការ​អ្នក​ដែល​ស្ថិតក្នុង ចំណាត់ថ្នាក់​ដែល​ប្រឈមមុខ​ខ្ពស់​ខាងលើ​គួរតែមាន​ការប្រុងប្រយ័ត្ន​ដូចខាងក្រោម​នេះ ដើម្បី​បន្ថយ​ការកើត​ជំងឺមហារីក​មាត់ស្បូន​បាន​៖

​របប​អាហារ​ផ្តល់​សុខភាព បង្កើន​ប្រព័ន្ធ​ភាពស៊ាំ អាចជួយ​ប្រឆាំងនឹង​ជំងឺ​ជាច្រើន​បានរួម ទាំង​មហារីក​ផង ការពិនិត្យ​សុខភាព​ជា​ទៀងទាត់​អាចជួយ​រកឃើញ​ជំងឺ​បាន ទាន់ពេលវេលា និង​ជំរុញ​ដល់​ការព្យាបាល​កាន់​តែមាន​ប្រសិទ្ធភាព​ទៀត ឈប់​ជក់បារី និង​ធ្វើទៅ​តាមរបៀបរស់នៅ​ដែល​ផ្តល់​សុខភាព​អនុវត្ត​វិធី​រួមភេទ​ដែលមាន​សុវត្ថិភាព​ដូចជា​ការប្រើ​ស្រោមអនាម័យ ពិនិត្យ​សុខភាព​ជា​ទៀងទាត់​ដើម្បី​រកមើល​ជំងឺ​កាមរោគ​៕ ដោយៈ health.com.kh

ទីតាំងផ្សាយពាណិជ្ជកម្ម

- Advertisment -

Most Popular