ដោយ: អង្គរតូច / សៀមរាប: អាជ្ញាធរជាតិអប្សរា ចាប់ផ្តើមដំណើការជួសជុលកែលម្អកំណាត់ផ្លូវសម្តេចវិបុលបញ្ញាសុខ អាន (ផ្លូវ៦០ម៉ែត្រ) បន្ទាប់ពីរងការខូចខាត ដែលដំណើរនេះ បានចាប់ផ្តើមកាលពីព្រឹកថ្ងៃទី២៤ ខែកុម្ភៈ ឆ្នាំ២០២០។
លោក យិត ចាន់ដារដ្ឋ អគ្គនាយករងលអាជ្ញាធរជាតិអប្សរា បានឱ្យដឹងថា ក្រុមការងារជួសជុលផ្លូវថ្នល់នៃអាជ្ញាធរជាតិអប្សរា បានចាប់ផ្តើមបើកការដ្ឋានជួសជុលកែលម្អកំណាត់ផ្លូវ៦០ម (ផ្លូវសម្តេចវិបុលបញ្ញាសុខអាន) ចាប់ពីរង្វង់មូលអាជ្ញាធរជាតិអប្សរាមកផ្លូវជាតិលេខ៦ កំណាត់ផ្លូវនេះមានប្រវែង១៧៩៥ម៉ែត្រ ទទឹង១០ម៉ែត្រ។ លោកបន្តថា នេះគឺដើម្បីសម្រួលដល់ការធ្វើដំណើររបស់ប្រជាពលរដ្ឋ ដែលផ្លូវនេះមានការខូចខាតខ្លាំង ដោយសារអាយុកាល។ ផ្លូវនេះគ្រោងនឹងបញ្ចប់ការជួលជុលកែលម្អក្នុងរយៈពេល៣ខែ៕ ល
