ដោយ៖ក្រុមហ៊ុន ភ្នំពេញ៖ លោក ស៊ុនគួជីន ជាអ្នកជំនាញគ្រឿងចក្រ ដើរដោយចំហាយទឹក នៃក្រុមហ៊ុនថាមពលអគ្គិសនី និងប្រតិបត្ដិការហួទាន ប្រទេសចិន គ្រុបសាខាប៉ាតាន់ ប្រទេសឥណ្ឌូណេស៊ី កាលពីពេលថ្មីៗនេះ បានសំដែងការព្រួយបារម្ភ អំពីសុវត្ថិភាពរបស់សាច់ញាតិ នៅប្រទេសចិន និងតែងតែទាក់ទង ជាមួយពួកគេ តាមទូរស័ព្ទថា “វិស្សមកាលនេះ ខ្ញុំមិនត្រឡប់ទៅផ្ទះវិញទេ អ្នកទាំងអស់គ្នា ត្រូវការពារខ្លួនឱ្យបានល្អ ហើយត្រូវពាក់ម៉ាស់ ពេលចេញទៅក្រៅ ។”
លោក ស៊ុនគួជីន មានអាយុ ៥៨ ឆ្នាំ មកពីទីក្រុងអ៊ូហាន ខេត្តហឺប៉ី នៃប្រទេសចិន ។ ពីដំបូង លោកបានរៀបចំ ត្រឡប់ទៅផ្ទះវិញ ដើម្បីអបអរសាទរ បុណ្យចូលឆ្នាំចិន ឆ្នាំ២០២០ ជាមួយនឹងក្រុមគ្រួសារ ក៏ប៉ុន្តែ ដោយសារតែការកើត ជំងឺរលាកសួតប្រភទថី្ម ដែលបង្កដោយ វីរុសកូរ៉ូណា (NCP) នៅប្រទេសចិន លោកបានផ្លាស់ប្តូរផែនការ ជាបណ្តោះអាសន្ន ។
ដើម្បីធានាគម្រោងផលិតអគ្គិសនី ប៉ាតាន់ អាចប្រតិបត្តិការ ជាធម្មតា លោកបានសម្រេចចិត្ត នៅប្រចាំការ និងបន្តធ្វើការ ព្រមទាំងចូលរួម ប្រយុទ្ធប្រឆាំងនឹង “ជំងឺឆ្លង”។ ការងារប្រយុទ្ធប្រឆាំងនឹងជំងឺឆ្លង កំពុងត្រូវបានអនុវត្ត ជាបន្តបន្ទាប់ ក្រុមហ៊ុនហួទាន ប្រទេសចិន ជាសហគ្រាសសំខាន់មួយ ក្នុងការកសាង នៃគំនិតផ្តួចផ្តើម “ខ្សែក្រវាត់ និងផ្លូវ” ។
បច្ចុប្បន្ននេះ ក្រុមហ៊ុន មិនត្រឹមតែចូលរួមប្រយុទ្ធ ប្រឆាំងនឹង“ជំងឺឆ្លង”ប៉ុណ្ណោះទេ ថែមទាំងត្រូវធានា ឱ្យគម្រោងនៅក្រៅប្រទេស ផ្តល់ថាមពលអគ្គិសនី ប្រកបដោយស្ថិរភាព។ ឧទាហរណ៍ ស្ថានីយ៍វារីអគ្គីសនី ប្ញស្សីជ្រុំកម្ពុជា និងស្ថានីយ៍វារីអគ្គីសនី កោះបាលី ប្រទេសឥណ្ឌូណេស៊ី នៃក្រុមហ៊ុនហួទាន ប្រទេសចិនជាដើម សុទ្ធតែត្រូវធានាថាមពលអគ្គិសនី គ្រប់គ្រាន់ យោងតាមស្តង់ដារ នៃប្រទេសនីមួយៗ ហើយគម្រោង ដែលកំពុងសាងសង់ ក៏ត្រូវធ្វើការ ជំរុញឱ្យមាន របៀបរៀបរយផងដែរ។
នៅប្រទេសកម្ពុជា ស្ថានីយ៍វារីអគ្គីសនីប្ញស្សីជ្រុំ ដែលមានកម្លាំង ៣៣,៨ ម៉ឺនគីឡូវាត់ បានបង្កើតវិធានការជាច្រើន ។ ក្រុមហ៊ុន ប្រកាន់ខ្ជាប់ទាំងផលិតកម្មផង និងជំរុញការបង្ការជំងឺឆ្លងផង ហើយធ្វើការងារបានល្អ ក្នុងការផលិតអគ្គិសនី និងថែរក្សម៉ាស៊ីនថែមទៀត ។ បុគ្គលិកចិន និងកម្ពុជា ពួតដៃគ្នាខិតខំប្រឹងប្រែង ដើម្បីធានាម៉ាស៊ីនផលិតអគ្គិសនីទាំង ៤ ក្រុម នៅខាងលើ និងក្រោម នៃស្ថានីយ៍វារីអគ្គីសនី អាចដំណើរការ យ៉ាងមានសុវត្ថិភាព ។ ជាងនេះទៅទៀត ស្ថានីយ៍វារីអគ្គីសនី ទទួលភារកិច្ចផលិតថាមពលអគ្គិសនី តាមស្តង់ដារ និងការសម្របសម្រួល របស់ប្រទេសកម្ពុជា ។ ដល់ថ្ងៃទី ១០ ខែកុម្ភៈ ឆ្នាំនេះ ស្ថានីយ៍វារីអគ្គីសនីប្ញស្សីជ្រុំ បានផលិតកម្លាំង អគ្គិសនី ១៦៨.៩២១ លានគីឡូវ៉ាត់ម៉ោង ដែលកើនឡើង ៣,៧៦% ធៀបនឹងរយៈពេលដដែល ក្នុងឆ្នាំ ២០១៩ ។
គម្រោងស្ថានីយ៍វារីអគ្គីសនី ដើរដោយធ្យូងថ្ម ខេត្តព្រះសីហនុ មានកម្លាំង២ × ៣៥ ម៉ឺនគីឡូវ៉ាត់ ដែលកំពុងតែសាងសង់ គឺជាគម្រោងស្ថានីយ៍វារីអគ្គីសនី ដើរដោយធ្យូងថ្ម ធំជាងគេ ក្នុងប្រទេសកម្ពុជា។ គម្រោងនេះប្រកាន់ខ្ជាប់ការងារបង្ការជំងឺឆ្លងផង និងជំរុញការងារការសាងសង់ហេដ្ឋារចនាសម្ព័ន្ធផង ហើយការសាងសង់ នៃគម្រោងនេះ មិនបានបញ្ឈប់ឡើយ ក្នុងអំឡុងពេលបុណ្យចូលឆ្នាំចិន ។ ឥឡូវនេះ កិច្ចការបំពេញដីលើដីគោក សម្រេចបាន ៦ ម៉ឺនម៉ែត្រគូប និងវិស្វកម្មបំពេញដី នៃតំបន់រោងចក្រ សម្រេចបាន ៨៦% ។ មិនតែប៉ុណ្ណោះ គម្រោងសម្អាតផែសមុទ្រ សម្រេចបាន ២០% ព្រមទាំងបញ្ចប់រួចរាល់ នូវការងារសម្អាតផ្ទៃដី ក្នុងតំបន់ផលិតកម្មជាដើម ហើយគម្រោងផ្សេងៗ បានដំណើរការ យ៉ាងល្អប្រសើរ ជាបន្តបន្ទាប់។
គម្រោងស្ថានីយ៍វារីអគ្គីសនី បូយ៉ា ឥណ្ឌូណេស៊ី ក៏ប្រកាន់ខ្ជាប់ ការងារបង្ការជំងឺឆ្លង និងជំរុញការសាង សង់ ហេដ្ឋារចនាសម្ព័ន្ធផងដែរ ។ ផ្នែកទី ៥ នៃរចនាសម្ព័នឡចំហាយ នៃក្រុមម៉ាស៊ីនលេខ ១ បានចាប់ផ្តើមដំឡើង និងមូលដ្ឋានគ្រឹះ នៃម៉ាស៊ីនចំហាយទឹក ដែលមានកម្ពស់ ៦,៨៥ ម៉ែត្រ បានសាងសង់រួច ។ ផ្នែកទី ៣ នៃរចនាសម្ព័នឡចំហាយ នៃក្រុមម៉ាស៊ីនលេខ២ ក៏បានចាប់ផ្តើម ដំឡើងផងដែរ និងបំពង់បញ្ចេញផ្សែងបានសាងសង់ឡើងដល់ ៤២ ម៉ែត្រ ។ ក្រៅពីនេះ ផ្នែកគ្រប់គ្រងគម្រោង បានសម្របសម្រួល អង្គភាពសាងសង់ ដើម្បីប្រើប្រាស់ធនធាន ដែលមាននៅតំបន់ស្រាប់ ព្រមទាំងធានាសុវត្ថិភាព និងស្ថេរភាព នៃការដ្ឋានសាងសង់ ។ ម្យ៉ាងទៀត ផ្នែកគ្រប់គ្រងគម្រោង បានធ្វើការវិភាគ ការឥទ្ធិពលរបស់ជំងឺឆ្លង និងបង្កើតវិធានការណ៍ពាក់ព័ន្ធ ដើម្បីកាត់បន្ថយឥទ្ធិពល ជាបន្តបន្ទាប់។
គម្រោងដំណាក់កាលទី ២ គឺគម្រោងដែលហៅថា Supercritical coal-fired unit កម្លាំង ២ × ៦៦ ម៉ឺនគីឡូវ៉ាត់ នៃស្ថានីយ៍វារីអគ្គីសនី ឆ្នេរសមុទ្រ ប្រទេសវៀតណាម ជាគម្រោងក្រៅប្រទេស ធំបំផុតរបស់ក្រុមហ៊ុនហួទាន ប្រទេសចិន ឥឡូវនេះ គម្រោងនេះ បានឈានចូលដំណាក់កាលសំខាន់។ ដើម្បីកាត់បន្ថយឥទ្ធិពល ពីជំងឺឆ្លង ក្រុមហ៊ុន បានទាក់ទងជាមួយនឹងក្រសួងឧស្សាហកម្ម និងពាណិជ្ជកម្ម ប្រទេសវៀតណាម ព្រមទាំងស្ថានទូតចិន ប្រចាំនៅប្រទេសវៀតណាម ជាដើម យ៉ាងសកម្ម ។ ជាងនេះទៅទៀត ក្រុមហ៊ុនខិតខំបង្កើតលក្ខខណ្ឌ ដើម្បីនាំអ្នកគ្រប់គ្រង និងកម្មករ ត្រឡប់មកការដ្ឋាន សាងសង់វិញ ដោយចែកជាក្រុមៗ ហើយសម្រួលក្រុមកម្មករ ភាគីវៀតណាម ចូលធ្វើការឡើងវិញ ដើម្បីជំរុញការកសាង នៃគម្រោង យ៉ាងសស្រាក់សស្រាំ ។
ក្រុមហ៊ុនហួទាន ប្រទេសចិន ជាសហគ្រាសសំខាន់មួយ ក្នុងការកសាង នៃគំនិតផ្តួចផ្តើម “ខ្សែក្រវាត់ និងផ្លូវ” និងជាសហគ្រាសចិន នៅក្នុងដំណើរការ នៃសាកលភាវូបនីយកម្មផងដែរ ។ ក្រុមហ៊ុន មានភារកិច្ច ក្នុងការធានាឱ្យគម្រោង ដំណើរការទៅបាន ជាធម្មតា រក្សាស្ថេរភាព នៃសមត្ថភាពផលិតកម្មសកល និងខ្សែសង្វាក់ឧស្សាហកម្ម ទូទាំងពិភពលោក ។
នៅខែ វិច្ឆិកា ឆ្នាំ ២០១១ ចាប់តាំងពីស្ថានីយ៍វារីអគ្គីសនី អាសាហាន ឥណ្ឌូណេស៊ី នៃក្រុមហ៊ុនហួទាន ប្រទេសចិន បានដាក់ដំណើរការ អាជីវកម្មជាផ្លូវការ ក្រុមហ៊ុន បានអនុវត្តយុទ្ធសាស្ត្រ “ដើរចេញទៅក្រៅ” និងទទួលបានលទ្ធផល ជោគជ័យជាច្រើនផងដែរ ។ បច្ចុប្បន្ននេះ ក្រុមហ៊ុនហួទាន ប្រទេសចិន មានគម្រោងស្ថានីយ៍វារីអគ្គីសនី កំពុងសាងសង់មានកម្លាំង សរុប ៥,៤៣ លានគីឡូវ៉ាត់ ដំណើរការ និងថែរក្សាកម្លាំងអគ្គីសនី ៦,២ លានគីឡូវ៉ាត់ និងមានគម្រោងសំខាន់ៗ និងគម្រោងត្រូវបានកំណត់រួច ជាង ១៥ លានគីឡូវ៉ាត់ ។ អាជីវកម្មរបស់ក្រុមហ៊ុន គ្របដណ្តប់លើប្រទេស និងតំបន់ចំនួន ៣៤ នៅតាមបណ្តោយគំនិតផ្តួចផ្តើម “ ខ្សែក្រវាត់ និងផ្លូវ” ៕v
