គម្រោង​អភិវឌ្ឍន៍​ទំនប់​សាលា​តា​អន​សម្រេចបាន​លទ្ធផល​៥០​ភាគរយ​ហើយ​

ដោយ​: ប​.​ខុន / ភ្នំពេញ​: គម្រោង​អភិវឌ្ឍន៍​ទំនប់​ស្ទាក់​ទឹក​សាលា​តា​អន​កាត់​ស្ទឹង​សង្កែ ស្ថិតនៅ​ខាងក្រោម​ក្រុង​បាត់ដំបង ដែល​ត្រូវ​ចំណាយ​ថវិកា​អស់​ប្រមាណ​ជា​៤១​លាន​ដុល្លារ បានចាប់ផ្តើម​សាងសង់ កាលពី​កណ្តាល​ឆ្នាំ​២០១៨ មកទល់​ថ្ងៃទី​២៤ ខែកុម្ភៈ ឆ្នាំ​២០២០ សម្រេចបាន​លទ្ធផល​ប្រមាណ​ជា​៥០​ភាគរយ​នៃ​គម្រោង​ដែល​នឹងត្រូវ បញ្ចប់​នៅ​ចុងឆ្នាំ​២០២១​នោះ​ហើយ​។​

​លោក ចាន់ យុ​ត្ថា អ្នកនាំពាក្យ​និង​ជា​រដ្ឋលេខាធិការ​ក្រសួង​ធនធានទឹក និង​ឧតុនិយម​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២៤​ខែកុម្ភៈ​ឆ្នាំ​២០២០​ថា គម្រោង​អភិវឌ្ឍន៍​ទំនប់​ស្ទាក់​ទឹក​សាលា​តា​អន កាត់​ស្ទឹង​សង្កែ​ផ្នែក​ខាងក្រោម​ក្រុង​បាត់ដំបង ក្នុង ភូមិ​ព្រែ​កតា​ច្រែង ឃុំ​ព្រែក​នរិន្ទ ស្រុក​ឯក​ភ្នំ ខេត្តបាត់ដំបង​មកទល់ពេលនេះ (២៤ ខែកុម្ភៈ​) សម្រេច​លទ្ធផល​ការងារ​បាន​ប្រមាណ​៥០​ភាគរយ​នៃ​គម្រោង​ហើយ​។​

​គម្រោង​អភិវឌ្ឍន៍​ទំនប់​ស្ទាក់​ទឹក​សាលា​តា​អន​កាត់​ស្ទឹង​សង្កែ​នេះ ត្រូវបាន អ្នកនាំពាក្យ​ក្រសួង​ជំនាញ​ខាងលើ​បញ្ជាក់ថា​បាន​ចាប់​អនុវត្ត​កាលពី​ក្នុង​ខែមិថុនា ឆ្នាំ​២០១៨ ដោយ​គ្រោង​បញ្ចប់​នៅ​ចុងឆ្នាំ​២០២១ ជា​គម្រោង​ប្រើប្រាស់​ហេ​រញ្ញ​ប្ប ទាន​បានមកពី​សាធារណៈរដ្ឋ​កូរ៉េ​និង​ថវិកាបដិភាគ​របស់​រា​ជ​រដ្ឋាភិបាល​សរុប​ចំនួន​ប្រមាណ​ជា​៤១​លាន​ដុល្លារ ដើម្បី​ស្ទាក់​ទឹកស្ទឹង​សង្កែ​ទុក​សម្រាប់​បម្រើ​ដល់​ការ ស្រោចស្រព​និង​ប្រើប្រាស់​នៅ​ក្រុង​បាត់ដំបង​។​

​លោក ចាន់ យុ​ត្ថា បាន​និយាយ​ឱ្យដឹងទៀតថា​ការងារ​ដែល​ត្រូវ អនុវត្ត​នៅក្នុង គម្រោង​អភិវឌ្ឍន៍​ទំនប់​ស្ទាក់​ទឹក សាលា​តា​អន​នេះ រួមមាន ការសាងសង់​ប្រឡាយ​ពង្វាង​ទឹក​តាម​មាត់​ស្ទឹង​សង្កែ​ប្រវែង​២៥០​ម៉ែត្រ សាងសង់​សំណង់​ទ្វារ​ទឹក​មេ​កាត់​ស្ទឹង​សង្កែ​ប្រវែង​៧៤​ម៉ែត្រ​មួយកន្លែង សាងសង់​ប្រឡាយ​បេតុង​ចំនួន​៤​ខ្សែ​ប្រវែង ១៣.៧៨០​ម៉ែត្រ សាងសង់​សំណង់​ទ្វារ​ទឹក​ចំនួន​១២​កន្លែង សាងសង់​សំណង់​ស្ទាក់​ទឹក ប្រឡាយ​រង​ចំនួន​២​កន្លែង សាងសង់ សំណង់​លូ​ចែកចាយ​ទឹក ប្រឡាយ​មេ​ចំនួន​៨​កន្លែង សាងសង់​ស្ពាន​ឆ្លងកាត់ និង​ស្ពាន​ថ្មើរជើង​កាត់​ប្រឡាយ មេ​សរុប ចំនួន​១៨​កន្លែង និង​សាងសង់​ជណ្តើរ​ចុះ​ប្រឡាយ​មេ សម្រាប់​អ្នកភូមិ​ប្រើប្រាស់​ជាច្រើន​កន្លែង​ទៀត​។​

​ក្រោយពេល​គម្រោង​ខាងលើ​សាងសង់​រួច លោក ចាន់ យុ​ត្ថា បាន​និយាយថា គម្រោង​នេះ ផ្តល់​ទឹក​សម្រាប់​ស្រោចស្រព​ផ្ទៃដី​ស្រូវវស្សា​ចំនួន​១៥.០០០​ហិកតា និង​ផ្ទៃដី​ស្រូវប្រាំង​ចំនួន​៧.០០០​ហិកតា នៅក្នុង​ស្រុក​ឯក​ភ្នំស្រុក​សង្កែ និង​ស្រុក​ថ្មគោល​។ ទន្ទឹមនឹងនេះ​ធ្វើឱ្យ​ស្ទឹង​សង្កែ​មានទឹក​នៅក្នុង​រដូវប្រាំង​ក៏ដូចជា​វស្សា គឺមាន​ទឹក​ផ្គត់ផ្គង់​ដល់​ការផលិត​ទឹកស្អាត​សម្រាប់​ប្រើប្រាស់​នៅក្នុង​ក្រុង​បាត់ដំបង និង​លើកកម្ពស់​សោភ័ណភាព​ក្រុង​ឱ្យ​កាន់​តែមាន​ភាព​ទាក់ទាញ​ជាង​មុន ទៀតផង​។​

​លោក ចាន់ យុ​ត្ថា និយាយ​ឱ្យដឹង​ផងដែរ​ថា គម្រោង​អភិវឌ្ឍន៍​ទំនប់​ស្ទាក់​ទឹក​សាលា​តា​អន​នេះ គឺជា​គម្រោង​ទី​៣ ដែល​បាន​សាងសង់​កាត់​ស្ទឹង​សង្កែ ដើម្បី​ទាញយក​ទឹក​ដែល​ធ្លាប់តែ​ធ្លាក់​ចូលទៅ​បឹង​ទន្លេសាប​ទុក​សម្រាប់​ប្រើប្រាស់ នៅ​តំបន់ ដាំ​ដុះ​សងខាង​ស្ទឹង​ដោយ​គម្រោង​ទី​១ មានឈ្មោះ​ក​ង្ហ​ត​ក្នុងស្រុក​បាណន់ គម្រោង​ទី​២​សេក​សក​នៅក្នុង​ស្រុករ​តនៈ​មណ្ឌល និង​នៅមាន​គម្រោង​ទី​៤ មួយទៀត ដែល​កំពុង​សិក្សា ដើម្បី​ឈានទៅ​ធ្វើការ​សាង សង់​អាងទឹក​មួយ​នៅ​ស្ទឹង​ក្រញូង នៃ ក្បា ល​ស្ទឹង​សង្កែ ដែលមាន លទ្ធភាព​ស្តុក​ទឹក បាន​ប្រមាណ​ជា​២០០​លាន​ម៉ែត្រគូប​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

ដំរី​ខា​វ៉ាន់​ដែលជា​ដំរី​...

ដោយៈ មុនី​រ័ត្ន​-​ដេប៉ូ​/...

ក្រសួង​អប់រំ​ប្រកាស​ផ្អាក...

​ដោយ​: គូលែន / សៀមរាប​: ក...

សាលា​រាជធានី​ភ្នំពេញ ចេញ​...

ដោយ​៖​រ៉ា​ម៉ន​/​ភ្នំពេញ​៖...

លទ្ធផល​ពិសោធន៍ លើ​វត្ថុ​ស...

​ដោយៈ ភ្នំ​ស្វាយ​-​ទេព មង...