​អាង​ហែល​ទឹក​ស្រុក​កោះធំ បញ្ចប់​ការសាងសង់​

ដោយ​៖ រ៉ូ​ហ្សា
​ភ្នំពេញ​៖
អាង​ហែល​ទឹក​ស្រុក​កោះធំ ខេត្តកណ្តាល ដែល​សាងសង់ឡើង តាម​លក្ខណៈ​ស្តង់ដារ​នោះ ពេលនេះ បានបញ្ចប់​ការសាងសង់ ជា​ស្ថាពរ​ហើយ បន្ទាប់ពី​ការកែសម្រួល បច្ចេកទេស​រួចរាល់ ។​

​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន និង​ជា​ប្រធាន​សហព័ន្ធ​ខ្មែរ កីឡាហែលទឹក បាន​ដឹកនាំ​សមាជិក សហព័ន្ធ​ខ្មែរ​កីឡាហែលទឹក រួម​ដំណើរ​ជាមួយ​មន្ត្រី ក្រសួង​សាធារណការ បាន​ចុះទៅ​ត្រួតពិនិត្យ កាលពី​ចុង​សប្ដាហ៍​កន្លងមក ។​

លោក ស៊ុន ចាន់ថុល ពិនិត្យមើល​អាងទឹក​ស្រុក​កោះធំ​

លោក ហែម គី​រី អគ្គលេខាធិការ សហព័ន្ធ​ខ្មែរ​កីឡាហែលទឹក បាន​ប្រាប់​ឲ្យ​ដឹងថា ការសាងសង់ អាង​ហែល​ទឹក​ស្រុក​កោះធំ បានបញ្ចប់​ជា​ផ្លូវការ​ហើយ ទៅតាម​ស្តង់ដារ អាង​ហែល​ទឹក កម្រិត​អន្តរជាតិ​ខ្នាតតូច​។ អាង​ហែល​ទឹក​នេះ សាងសង់ឡើង​ទៅតាម​ស្តង់ដារ បច្ចេកទេស និង​ទំហំ មាន​ទទឹង ២០ ម៉ែត្រ បណ្តោយ ២៥ ម៉ែត្រ តាម​ខ្នាត ដែល​អាច​រៀបចំ​ការប្រកួត កម្រិត​អន្តរជាតិ​ខ្នាតតូច និង​សម្រាប់​ការហ្វឹកហាត់ របស់​កីឡាករ​-​កីឡាការិនី​ហែល​ទឹក ស្រុក​កោះធំ ខេត្តកណ្តាល ក្នុង​ការត្រៀម​ការប្រកួត​កីឡា​ជាតិ លើក​ទី​៣ ដែល​នឹង​ប្រព្រឹត្តធ្វើ ចាប់​ថ្ងៃទី​៤ ដល់​ថ្ងៃទី​១៥ ខែឧសភា ឆ្នាំ​២០២០ ។​

លោក ស៊ុន ចាន់ថុល ពិនិត្យមើល​អាងទឹក​ស្រុក​កោះធំ​

​លោក​បាន​បន្តថា អាង​ហែល​ទឹក​នេះ មាន​បន្ទប់ទឹក សម្រាប់​កីឡាករ​-​កីឡាការិនី ហែល​ទឹក​ប្រើប្រាស់ ការិយាល័យ​ធ្វើការ​របស់​មន្ត្រី បន្ទប់​បច្ចេកទេស (​ប្រើប្រាស់​សម្រាប់ បញ្ជាការ​ប្រកួត​) និង​ទីលាន​អង្គុយ​ទស្សនា ដែលមាន​ដំបូល​ការប្រកួត​។​

​គួរ​បញ្ជាក់ថា អាង​ហែល​ទឹក​នេះ ស្ថិតនៅក្នុង​បរិវេណ​កីឡដ្ឋាន ស្រុក​កោះធំ ក្នុងភូមិ​ព្រែក​ថ្មី ឃុំ​ព្រែក​ថ្មី ស្រុក​កោះធំ ខេត្តកណ្តាល ដែល​ចំណាយ​ថវិកា អស់​សរុប​ប្រមាណ ៣០ ម៉ឺន​ដុល្លារ​អាម៉េរិក សម្រាប់​សិស្សានុសិស្ស ក៏ដូចជា​កីឡាករ​ហែល​ទឹក អាចហ្វឹក ហាត់​កីឡា ដើម្បី​សុខភាព និង ត្រៀម​ចូលរួម​ប្រកួត កីឡា​ស៊ី​ហ្គេម ដែល​កម្ពុជា ធ្វើជា​ម្ចាស់ផ្ទះ នៅ​ឆ្នាំ​២០២៣​នោះ​៕v

លោក ស៊ុន ចាន់ថុល ពិនិត្យមើល​អាងទឹក​ស្រុក​កោះធំ​

ទីតាំងផ្សាយពាណិជ្ជកម្ម

- Advertisment -

Most Popular

អណ្ដូងទឹក​ចំនួន​ជាង​៤០០​ក...

ដោយ​: គូលែន / សៀមរាប​: អណ...

បុរស​ម្នាក់​ស្លាប់​និង​ម្...

ដោយ​: ស​រិ​ទ្ធ / កំពង់ឆ្ន...

ផ្សព្វផ្សាយ​ស្ដីពី​ការបិទ...

ដោយ​: គូលែន​/​សៀមរាប​: នៅ...

ប្រជុំ​ប្រចាំខែ​របស់​លេខា...

​ដោយ​: គូលែន / សៀមរាប​: ន...