Home ប្លែកៗ ទើប​ក្លាយជា​ប...

ទើប​ក្លាយជា​បុរស​អាយុ​ច្រើន​បំផុត​មិន​ទាន់​បាន​១​ខែ​ផង ឥឡូវ​លាចាក​លោក​បាត់ទៅហើយ​

​បុរស​ជប៉ុន​ម្នាក់ ដែល​ទើប​ត្រូវបាន​ទទួលស្គាល់​ជា​បុរស​អាយុ​ច្រើន​បំផុត​ក្នុង​លោក​នៅ​ខែ​នេះ បាន​ស្លាប់​នៅ​អាយុ​១១២​ឆ្នាំ​។​

​អង្គការ​កំណត់ត្រា​ប្លែកៗ​ពិភពលោក​Guinness World Records​ទើប​ប្រគល់​វិញ្ញាបនបត្រ​ដល់​លោកតា ជី​តេត​ស៊ូ វ៉ាត​តា​ណា​បេ កាលពី​ថ្ងៃ​១២​កុម្ភៈ​និង​កាល​​ពី​ថ្ងៃ​អង្គារ​ទី​២៥​កុម្ភៈ​បាន​ប្រកាសថា​លោកតា​បាន​លាចាក​លោក​កាលពី​ថ្ងៃអាទិត្យ តែ​មិន​បាន​បញ្ជាក់​ពី​មូលហេតុ​ទេ​។​

​បើ​តាម​ការចុះផ្សាយ​របស់​កាសែត​ជប៉ុន​Mainichi លោកតា​មិនអាច​ទទួលទាន​អាហារ ក្តៅខ្លួន​និង​ពិបាក​ដកដង្ហើម​នៅពេល​ថ្មីៗ​នេះ​។

​កាសែត​បាន​អោយដឹងថា​ក្រោយ​មរណភាព លោក​តាម​បន្សល់​ទុក​កូន​៥​នាក់ ចៅ​១២​នាក់ និង​ចៅទួត​១៦​នាក់ ព្រមទាំង​ចៅលួត​ម្នាក់​។​

​លោកតា វ៉ាត​តា​ណាបេ​បាន​កើត​នៅ​ឆ្នាំ​១៩០៧ និង​បាន​ទៅ​ធ្វើការ​នៅ​តៃវ៉ាន់​អស់​១៨​ឆ្នាំ​។ ក្រោយ​វិល​មក​ជប៉ុន​វិញ លោកតា​បាន​ធ្វើការ​អោយ​រដ្ឋាភិបាល​តំបន់​​នី​អ៊ី​ហ្កា​តា ដល់​ពេល​ចូល​និវត្តន៍​៕​ប្រែ​សម្រួល​៖​វាសនា​

​លោកតា ជី​តេត​ស៊ូ វ៉ាត​តា​ណា​បេ អាយុ​១១២​ឆ្នាំ ថត​ជាមួយ​វិញ្ញាបនបត្រ​ទទួល​ស្គាល់​ពី​អង្គការ​កំណត់ត្រា​ប្លែកៗ​ក្នុង​លោក​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...