អតីតទាហានម៉ារីនអាម៉េរិកអាយុ ៦២ ឆ្នាំបំបែកឯតទគ្គកម្មពិភពលោកហ្គីណេសសម្រាប់ការហាត់ប្រាណក្បាច់ Planking បានជាង៨ម៉ោង

434
ចែករម្លែក

បុរសអាយុ ៦២ ឆ្នាំមកពីរដ្ឋអ៊ីលលីនណយបានបំបែកឯតទគ្គកម្មពិភពលោកហ្គីណេស ក្នុងនាមជាបុរសដែលចំណាយពេលយូរបំផុតក្នុងទប់លំនឹងខ្លួនក្នុងជំហរហាត់ប្រាណក្បាច់ Planking (ដេកផ្អឹបដីដោយប្រើចុងម្រាមជើងទាំងពីរនិងកំភួនដៃទាំងពីរទប់លំនឹងខ្លួន)។

កាលពីថ្ងៃទី ១៥ ខែកុម្ភៈ លោកចច ហ៊ូដ មកពីទីក្រុងណេបភើវីល បានទប់ជំហរខ្លួនក្នុងក្បាច់ Planking បានរយៈពេល ៨ ម៉ោង ១៥ នាទី និង ១៥ វិនាទី។

វាមានរយៈពេលយូរជាងរឿងភាគ Stranger Things របស់ទូរទស្សន៍ Netflix រដូវកាលទី ៣ ទៅទៀត។

លោកហ៊ូដបានកាន់កាប់តំណែងនេះកាលពីឆ្នាំ ២០១១ ហើយបន្ទាប់ពីបាត់វាក្នុងឆ្នាំ ២០១៦ កូនប្រុសទាំងបីរបស់គាត់បានជំរុញគាត់ឱ្យព្យាយាមបំបែកឯតទគ្គកម្មនេះម្តងទៀត។

ជោគជ័យនេះបានមកពីការហ្វឹកហាត់ ៧ ម៉ោងក្នុងមួយថ្ងៃក្នុងរយៈពេល ១៨ ខែចុងក្រោយនេះ ក្នុងនោះរួមមានការឈរអង្គុយចុះឡើងចំនួន ៦៧៤.០០០ ដង ការអាវ៉ង់ចំនួន ២៧០.០០០ ដង និង ការហាត់ក្បាច់ Planking រយៈពេល ១០ ម៉ោង៕ ដោយ៖កញ្ញាដាលីស

អាជ្ញាប័ណ្ណចែកចាយផ្តាច់មុខ