ដោយសៅវ៉ាន់ឌី/ព្រះវិហារ៖គម្រោងទស្សនកិច្ចសិក្សារបស់និស្សិតឆ្នាំទី២ជំនាន់ទី១៩និងឆ្នាំទី៣ជំនាន់ទី១៨និងឆ្នាំទី៤ជំនាន់ទី១៧ទៅខេត្តព្រះវិហារចាប់ពីថ្ងៃទី២៤ដល់ថ្ងៃទី២៨ខែកុម្ភៈឆ្នាំ២០២០១នៃសាកលវិទ្យាល័យភូមិន្ទកសិកម្ម,មហាវិទ្យាល័យសេដ្ឋកិច្ចកសិកម្ម,និងអភិវឌ្ឍន៍ជនបទ។
និសិត្សម្នាក់បានឱ្យដឹងថាទិដ្ឋភាពទូទៅការចុះកម្មសិក្សាដើរតួនាទីយ៉ាងសំខាន់ក្នុងការបង្កើនសមត្ថភាពចំណេះដឹងនិងផ្លាស់ប្ដូរបទពិសោធន៍របស់និស្សិតក្នុងការផ្សារភ្ជាប់ទំនាក់ទំនងទ្រឹស្ដីនិងការអនុវត្តន៍ជាក់ស្ដែងនៃមុខវិជ្ជាដែលបានរៀននៅមហាវិទ្យាល័យ។ជាមួយគ្នានេះដែរទស្សនកិច្ចសិក្សាសម្រាប់និស្សិតក៏ដើម្បីបំពេញក្រេឌីតដែលមានក្នុងកម្មវិធីរបស់មហាវិទ្យាល័យ។
និសិត្សដដែលបានបន្តថាខេត្តព្រះវិហារគឺជាខេត្តដែលមានវិសាលភាពផ្ទៃដីធំមានភោគសម្បត្តិធម្មជាតិនិងមានសម្បត្តិវប្បធម៌បុរាណជាច្រើនដ៏ល្បីល្បាញព្រមទាំងមានការរីកចម្រើនខាងវិស័យកសិកម្មផលិតកម្មស្រូវ-អង្ករនិងទេសចរណ៍ផងដែរ។ប្រជាជននៅខេត្តព្រះវិហារភាគច្រើនជាជនជាតិខ្មែរនិងមានជនជាតិភាគតិចគួយមានមុខរបរធ្វើស្រែចម្ការ រកជ័រ វល្លិ៍ លក់ដូរ និងនេសាទបន្ដិចបន្ដួច។
ខេត្ដព្រះវិហារស្ថិតនៅក្នុងភូមិសាស្ដ្រទិសឧត្តរដែលមានចម្ងាយពីភ្នំពេញប្រមាណ ២៩៤គីឡូម៉ែត្រ ជាខេត្តនៅតំបន់ខ្ពង់រាបតំបន់ព្រៃភ្នំភូមិសាស្ដ្រមានភាពទូលាយសម្បូរព្រៃឈើធំៗជាជម្រកសត្វព្រៃគ្រប់ប្រភេទរ៉ែធនធានធម្មជាតិនិងសំណង់ប្រវត្តិសាស្ដ្រប្រាសាទបុរាណ។
ដូច្នេះខេត្តព្រះវិហារជាខេត្តដែលមានសក្ដានុពលទាក់ទាញសម្រាប់ធ្វើទស្សនកិច្ចសិក្សាទៅលើសេដ្ឋកិច្ចកសិកម្មនិងអភិវឌ្ឍន៍ជនបទដែលអាចឱ្យនិស្សិតធ្វើការសិក្សាស្វែងយល់ដកស្រង់នូវបទពិសោធន៍ជាក់ស្ដែងដែលកើតមាននូវមូលដ្ឋានផ្ទាល់និងផ្សារភ្ជាប់ទ្រឹស្ដីដែលបានសិក្សានៅក្នុងមហាវិទ្យាល័យកន្លងមក។
និស្សិតបានបន្តថាការសិក្សាឈ្វេងយល់ដឹងអំពីការគ្រប់គ្រងសហគមន៍ការពារសក្ដានុពលទេសចរណ៍ការអភិរក្សជីវៈចម្រុះនិងធនធានធម្មជាតិក្នុងតំបន់ការពារ-យល់ដឹងអំពីដំណើរការអភិវឌ្ឍដំណាំកសិ-ឧស្សាហកម្មម្រេចនិងកៅស៊ូបឹងទន្លេម្រេច។យល់ដឹងពីការអភិវឌ្ឍសង្វាក់តម្លៃនិងការធ្វើពិពិធកម្មឆ្លើយតបតម្រូវការទីផ្សារក្នុងតំបន់-យល់ដឹងពីសង្វាក់ផលិតកម្មដំណាំស្វាយចន្ទី។
យល់ដឹងបានធ្វើពិពិធកម្មគ្រប់គ្រាន់លើផលិតផលកសិកម្មដំណាំស្រូវសរីរាង្គតាមកិច្ចសន្យា-យល់ដឹងចង្វាក់តម្លៃទីផ្សារនិងបញ្ហាប្រឈមនានារបស់សហគមន៍កសិកម្មស្រូវសរីរាង្គ(កសិកម្មបៃតង)-យល់ដឹងពីការលើកកម្ពស់ភាពធន់របស់សហគមន៍ឱ្យមានលក្ខណៈប្រកួតប្រជែងបរិយាប័នធន់នឹងការប្រែប្រួលអាកាសធាតុ។
យល់ដឹងការធ្វើកសិកម្មបៃតងតាមលក្ខណៈធម្មជាតិកសិករវៃឆ្លាត-បង្កើននិងផ្សារភ្ជាប់ទំនាក់ទំនងនិស្សិតមហាវិទ្យាល័យជាមួយភាគីពាក់ព័ន្ធនៅមូលដ្ឋាន-បង្កើនបាននូវចំណេះដឹងដល់និស្សិតក្នុងការស្វែងយល់នូវទំនាក់ទំនងទ្រឹស្ដីនិងការអនុវត្តជាក់ស្ដែង៕S/
