ក្រុមឃ្លាំមើលស្ថានការណ៍បាននិយាយកាលពីថ្ងៃអង្គារទី២៥កុម្ភៈថាយ៉ាងហោចណាស់ជនស៊ីវិល២០នាក់បានស្លាប់នៅក្នុងការវាយប្រហាររបស់របបស៊ីរីទៅលើគោលដៅជាច្រើនដោយរួមទាំងសាលារៀនផងដែរ នៅក្នុងវាយរុលលឿនទៅមុខឥតឈប់ប្រឆាំងទីតាំងធំចុងក្រោយរបស់ក្រុមប្រឆាំងនៅប្រទេសនេះ។
ក្រុមអ្នកឃ្លាំមើលសិទ្ធិមនុស្សស៊ីរី Observatoryបាននិយាយថាការទម្លាក់គ្រាប់បែកគាំទ្ររបបនេះបានសម្លាប់កុមារយ៉ាងហោចណាស់ ៩នាក់នៅពេលកងកម្លាំងស៊ីរីដែលគាំទ្រដោយរុស្ស៊ីនេះបានធ្វើការវាយលុកយ៉ាងខ្លាំងក្លាដើម្បីដណ្តើមកាន់កាប់ទីក្រុងអ៊ីតលីបដែលជាទឹកដីចុងក្រោយពីក្រុមឧទ្ទាមនិងក្រុមជីហាដនៅស៊ីរី។
ក្រុមអ្នកឃ្លាំមើលសិទ្ធិមនុស្សស៊ីរីនេះបាននិយាយថា យ៉ាងតិចណាស់ក្មេង៦នាក់បានស្ថិតនៅក្នុងចំណោមជនស៊ីវិល១០នាក់ដែលត្រូវបានសម្លាប់នៅទីប្រជុំជនមួយភាគខាងជើងនៃទីក្រុងអ៊ីតលីប។ មនុស្ស៤នាក់ផ្សេងទៀត ដោយរួមទាំងម្តាយម្នាក់និងកូន២នាក់របស់គាត់បានស្លាប់នៅក្នុងការបាញ់ដោយរបបស៊ីរីទៅលើតំបន់ប៊ីននីសភាគីឦសាននៃទីក្រុងអ៊ីតលីប។
ក្រោយមកក្រុមអ្នកឃ្លាំមើលនេះ បានរាយការណ៍ថាកងកម្លាំងរបបនេះបានកាន់កាប់ទីប្រជុំជនក្រុងនិងភូមិសរុបចំនួន១៩ ឡើងវិញ ក្នុងរយៈពេលជាង ៤៨ ម៉ោង៕ប្រែសម្រួលសុខា/sn
ផ្សែងហុយលើអគារន្ទាប់ពីមានការវាយប្រហារតាមអាកាសដោយកងកម្លាំងគាំទ្ររបបស៊ីរីទៅលើភូមិមួយ ប្រទេសស៊ីរី ភាគពាយព្យ កាលពីថ្ងៃអង្គារ