សហគមន៍​ព្រៃឈើ​ទឹក​ជប់​ខ្នារ​ពោធិ៍ មាន​ភ្ញៀវ​ជាតិ និង​ឣ​ន្ត​រ​ជាតិ មកកម្សាន្ត​យ៉ាងច្រើន​

425
ចែករម្លែក

ដោយ​: គូលែន / សៀមរាប​: សហគមន៍​ព្រៃឈើ​ទឹក​ជប់​ខ្នារ​ពោធិ៍ ដែល​ស្ថិតក្នុង​ឃុំ​ខ្នារ​ពោធិ៍ ស្រុក​សូទ្រនិគម ខេត្តសៀមរាប មាន​ភ្ញៀវ​ជាតិ និង​ឣ​ន្ត​រ​ជាតិ មក​កម្សាន្ត​យ៉ាងច្រើន​គួរ​ឲ្យ​កត់សម្គាល់​។ នេះ​គឺជា​ការបញ្ជាក់​ឲ្យដឹងពី​លោក ឌឿ​ម ឌន់ ប្រធាន​សហគមន៍​ព្រៃឈើ​ទឹក​ជប់​ខ្នារ​ពោធិ៍ នា​ថ្ងៃទី​២៦ ខែកុម្ភ​: ឆ្នាំ​២០២០​នេះ​។​

​លោក ឌឿ​ម ឌន់ ប្រធាន​សហគមន៍​ព្រៃឈើ​ទឹក​ជប់​ខ្នារ​ពោធិ៍ បាន​និយាយថា សហគមន៍​ព្រៃឈើ​ទឹក​ជប់​ខ្នារ​ពោធិ៍​នេះ មាន​ភាពល្បីល្បាញ និង​មាន​ភ្ញៀវ​ជាតិ និង​ឣ​ន្ត​រ​ជាតិ មក​កម្សាន្ត​យ៉ាងច្រើន​គួរ​ឲ្យ​កត់សំគាល់ ហើយសហគមន៍​នេះ​ឣ​ភិ​វឌ្ឍន៍​ខ្លួន​មកជា​ស្រស់បំព្រង​បាន​យ៉ាង​ឆាប់រហ័ស​។​

​លោក​បាន​បន្តថា ឣ​ស់​រយៈកាល​ជាច្រើន​ឆ្នាំកន្លងមក ក្នុងនោះ​ផងដែរ​ក៏មាន​ការចូលរួម​ឧបត្ថម្ភ​ជា​ថវិកា សម្ភារ ស្មារតី និង សម្មភាព​របស់​ភ្ញៀវ​ទេសចរ​ដែល​មក​កម្សាន្ត​ផងដែរ សហគមន៍​ព្រៃឈើ​ទឹក​ជប់​ខ្នារ​ពោធិ៍ បាននិងកំពុង​រៀបចំ​ព្រៃកោងកាង​ឣា​ច​និយាយបានថា​មាន​ព្រៃកោងកាង​ទឹកសាប​តែមួយគត់​ក្នុង​ខេត្តសៀមរាប ចំនួន ៩០​ហិកតា ក្នុងចំណោម​ផ្ទៃដី​ទំហំ ១០២២​ហិកតា​របស់ សហគមន៍ ឱ្យក្លាយ​ទៅជា​តំបន់​ទេសចរណ៍​ដ៏​ទាក់ទាញ នេះ​បើតាម​ការបញ្ជាក់​ពី​ប្រធាន​សមាគមន៍​ព្រៃឈើ​ទឹក​ជប់​ខ្នារ​ពោធិ៍ ។​

​លោក​បាន​បន្តទៀតថា សហគមន៍​នេះ មាន​សក្ដានុពល​ទេសចរណ៍​ជាច្រើន ដូចជា ព្រៃកោងកាង​ទឹកសាប ទឹក​ជប់​ហូរ​ខួបប្រាំងខួបវស្សា មាន​ផ្កា​ព្រៃ​រីក​ស្រស់បំព្រង មាន​ចម្ការ​ឫស្សី ដែល​រៀបចំ​យ៉ាង​ស្រស់ស្អាត រួមជាមួយ​ធនធានធម្មជាតិ​ជាច្រើន​ប្រភេទ​ទៀត​។ បច្ចុប្បន្ននេះ សហគមន៍​បាននិងកំពុង​តែ​ធ្វើ​ស្ពាន សម្រាប់​ឱ្យ​អ្នកទេសចរ​ដើរ​ទស្សនា​ព្រៃកោងកាង និង​ផ្កា​ព្រៃ​, សាងសង់​កន្លែង​សម្រាប់​សម្រាក និង​កន្លែង​សម្រាប់​ទទួលទាន​អាហារ ។​

​លោក​ប្រធាន​សហគមន៍ សង្ឃឹម​យ៉ាង​មុតមាំ​ថា​ អនាគត​សហគមន៍​នេះ​នឹង​ក្លាយជា​ទីតាំង​ទាញ​ទាញ​ភ្ញៀវ​ទេសចរ​ជាតិ និង​អន្តរជាតិ ឲ្យ​មក​ទស្សនា​ប្រហាក់ប្រហែល​ដូចរ​មណី​យ​ដ្ឋា​ន​ព្រៃកោងកាង​ខេត្តកោះកុង​ដែរ ។ឆ្លៀត​ក្នុងឱកាស​នេះ ខ្ញុំបាទ សូម​ជម្រាបជូន​ឣំ​ពី​ប្រវត្តិ​របស់​សហគមន៍​ខ្លះៗ​ក៏ដូចជា​ទីតាំង​ឲ្យ​កាន់​ច្បាស់​ជូន​ទៅដល់​បងប្អូន​បាន​ជ្រាប​ដូចខាងក្រោម​៖

​ទឹក​ជប់​ខ្នារ​ពោធិ៍​គឺជា ឈ្មោះ​របស់​សហគមន៍​ព្រៃឈើ​ទឹក​ជប់​ខ្នារ​ពោធិ៍ ហើយ​សហគមន៍​នេះ​មាន​ទីតាំង​ស្ថិតនៅក្នុង ឃុំ​ខ្នារ​ពោធិ៍ ស្រុក​សូទ្រនិគម ខេត្តសៀមរាប​។​សហគមន៍​នេះ​មាន​សមាជិក​ចំនួន​៧​ភូមិ​ដែល​ចំណុះ​ក្នុង​ឃុំ​ខ្នារ​ពោធិ៍ និងមាន​ផ្ទៃដី​សរុប​ចំនួន ១០២២​ហិតា​។ ហើយ​នៅក្នុង​ចំណោម​ផ្ទៃដី​ចំនួន​១០២២​ហិតា​នេះ មាន​ផ្ទៃដី​ចំនួន​៩០​ហិតា គឺជា​ដីព្រៃ​ជប់​ទឹក​ដែលមាន​ដើម​កោង​កាង​ទឹកសាប​ដុះ​នៅ​តំបន់​នោះ​យ៉ាងច្រើន​និង​ស្រស់ស្អាត ដែល​គណៈកម្មការ​សហ​គម​ន៍​យើង​កំពុងតែ​រៀបចំ​កែលម្អ ច្នៃប្រឌិត​ឲ្យក្លាយជារ​មណី​យ​ដ្ឋា​ន​ធម្មជាតិ​មួយ​ដើម្បី​ឲ្យ​បងប្អូន​បាន​មកលេង​កម្សាន្ត​។​

​សហគមន៍​នេះ​ត្រូវបាន​បង្កើតឡើង​នៅ​ឆ្នាំ​១៩៩៨ ដោយមាន​ការសម្របសម្រួល​ពី​ខណ្ឌ​រដ្ឋបាល​ព្រៃឈើ​ខេត្តសៀមរាប អង្គការ​ស្បៀងអាហារ​ពិភពលោក និង​កសិកម្ម​របស់​អង្គការសហប្រជាជាតិ ដោយមាន​ការសហការ​ជាមួយ​អាជ្ញាធរ​ដែនដី និង​ប្រជាពលរដ្ឋ​ក្នុង​មូលដ្ឋាន និង​ការសម្របសម្រួល​ពី​មន្ត្រី​ខណ្ឌ​រដ្ឋបាល​ព្រៃឈើ​ខេត្តសៀមរាប​និង​អង្គការ FAO៕ ល​/Ha