​ក្រុមហ៊ុន​ចិន ប្រគល់​សម្ភារ​វាយ​កូនឃ្លី​លើ​តុ ដល់​សហព័ន្ធ ត្រៀម​ការប្រកួត​កីឡា​ជាតិ​លើក​ទី​៣ ឆ្នាំ​២០២០

217
ចែករម្លែក

ដោយ​៖ រ៉ូ​ហ្សា
​ភ្នំពេញ​៖
កាលពី​ល្ងាច ថ្ងៃទី​២៤ ខែកុម្ភៈ ឆ្នាំ​២០២០ សហព័ន្ធ​កីឡាវាយកូនឃ្លីលើតុ​កម្ពុជា បានទទួល​ការឧបត្ថម្ភ សម្ភារ​កីឡាវាយកូនឃ្លីលើតុ​ថ្មី “​តុ​ថ្មី​សម្រាប់​ប្រកួត​) ចំនួន ៥ ឈុត ពី​ក្រុមហ៊ុន ថប ហ្វា​យ​អឺ សេ​ហ្វ​ធឺ (​ខេ​ម​បូ​ឌា​) “​ឯ​.​ក​” និង ហ័​រអា​ន អេ​ន​ជី​នា​រីង (​ខេ​ម​បូ​ឌា​) ឯ​.​ក ដើម្បី​ត្រៀម​ការប្រកួត កីឡា​សិស្ស​បឋមសិក្សា ថ្នាក់ជាតិ​លើក​ទី​១ ឆ្នាំ​២០២០ ចាប់ផ្តើម​នា​ខែមីនា ខាងមុខនេះ នៅ​អគ្គលេខាធិការដ្ឋាន​សហ​ព័ន្ធ ក្នុង​ពហុ​កីឡដ្ឋាន​ជាតិ​។​

ទិដ្ឋភាព​ទទួល​សម្ភារ​ពី​ក្រុមហ៊ុន​ចិន​

​ពិធី​ប្រគល់ និង​ទទួល សម្ភារ​កីឡាវាយកូនឃ្លីលើតុ​នេះ បាន​ប្រព្រឹត្តទៅ ក្រោម​វត្តមាន​លោក ចូ​វ យ៉ុង​ណាន (Zhou Yong Nan) អគ្គនាយក​ក្រុមហ៊ុន ថប ហ្វា​យ​អឺ សេ​ហ្វ​ធឺ (​ខេ​ម​បូ​ឌា​) “​ឯ​.​ក​” និង ហ័​រអា​ន អេ​ន​ជី​នា​រីង (​ខេ​ម​បូ​ឌា​) ឯ​.​ក និង​លោក ស៊ុន សុទ្ធា​រិ​ទ្ធ អគ្គលេខាធិការ​សហព័ន្ធ​។​

​លោក ស៊ុន សុទ្ធា​រិ​ទ្ធ បាន​មានប្រសាសន៍ថា ក្រុមហ៊ុន​ចិន បានប្រគល់​ជូន​នូវ​សម្ភារ កីឡាវាយកូនឃ្លីលើតុ​ថ្មី ចំនួន ៥ តុ​ដាក់ពិន្ទុ​ចៅក្រម ចំនួន​៥​កៅអី អាជ្ញាកណ្តាល​ចំនួន​៥ និង​កាបូបស្ពាយ ចំនួន ៣០ ។ នេះ​ជាការ​ខិតខំ​ប្រឹងប្រែងរ​បស់ លោក​ប្រធាន​សហព័ន្ធ ដែល​ស្ថិតក្នុង​ផែនការមេ សម្រាប់​ការ​អភិ​ឌ្ឍ វិស័យ​កីឡាវាយកូនឃ្លីលើតុ ឆ្ពោះទៅ​ការប្រកួត​កីឡា ស៊ី​ហ្គេម (SEA GAMES) ២០២៣​។​

ទិដ្ឋភាព​ទទួល​សម្ភារ​ពី​ក្រុមហ៊ុន​ចិន​

​លោក​បាន​បន្តថា យោងតាម​ប្រសាសន៍ របស់លោក​នាយ​ឧ​ត្ត​ម​សេនីយ៍ គៀត ច័ន្ទ​ថា​រិ​ទ្ធ ប្រធាន​សហព័ន្ធ​កីឡាវាយកូនឃ្លីលើតុ កម្ពុជា​នោះ​ថា សហព័ន្ធ​ត្រូវ​អភិឌ្ឍន៍ វិស័យ​កីឡាវាយកូនឃ្លីលើតុ នៅតាម​បណ្តា​រាជធានី ខេត្ត ទាំង ២៥ ដោយ​យើង​ជួយ​ផ្នែក​បច្ចេកទេស​គ្រូបង្វឹក អាជ្ញាកណ្តាល និង​ចៅក្រម ព្រមទាំង​ផ្តល់នូវ​សម្ភារ កីឡាវាយកូនឃ្លីលើតុ មួយចំនួន ដែលមាន​ការខ្វះខាត​។ សព្វថ្ងៃនេះ មាន​ខេត្ត​មួយចំនួន កំពុងតែ​ទំនាក់ទំនង ជាមួយ​សហព័ន្ធ ដើម្បី​ចុះជួយ​បច្ចេកទេស គ្រូបង្វឹក អាជ្ញាកណ្តាល និង​ចៅក្រម ប្រភេទ​កីឡាវាយកូនឃ្លីលើតុ មួយ​នេះ ក្នុងការ​ត្រៀមខ្លួន ក្នុង​ព្រឹត្តិការណ៍​កីឡា​ជាតិ លើក​ទី​៣ ឆ្នាំ​២០២០ ដែល​នឹង​ប្រព្រឹត្តទៅ ចាប់ពី​ថ្ងៃទី​៤ រហូតដល់​ថ្ងៃទី ១៥ ខែឧសភា ឆ្នាំ​២០២០ ខាងមុខនេះ ៕v