រដ្ឋបាល​រាជធានី​ភ្នំពេញ​ចាប់ផ្តើម​រំលា​យកោះ​ដុះ​ថ្មី​នៅ​តំបន់​ចតុមុខ​ម្តងទៀត​

ដោយ​: ប​.​ខុន / ភ្នំពេញៈ​ រដ្ឋបាល​រាជធានី​ភ្នំពេញ​សម្រុក​ជីក​កាយ​ដឹក និង​បូម​ស្តារ​ដីដុះ​ថ្មី​នៅ​តំបន់​ចុង​ជ្រោយចង្វា ធ្វើយ៉ាងណា​ឱ្យបាន​ល្អប្រសើរ​ឡើងវិញ​ដល់​ចរន្តទឹក​ហូរ​ចូល​បឹង​ទន្លេសាប​ការ​បំលាស់​ទី​របស់​មច្ឆា​ជាតិ និង​ផ្លូវ​នាវាចរណ៍​ក្នុង​តំបន់​ចតុមុខ​នារ​រដូវវស្សា​ខាងមុខ​នេះ​។​

​លោក ឃួ​ង ស្រេង អភិបាល​រាជធានី​ភ្នំពេញ​បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២៥ ខែកុម្ភៈ ឆ្នាំ​២០២០​ថា ការជីក​កាយ​បូម​ស្តារ​ដីល្បាប់​ដុះ​នៅ​ចុង​ជ្រោយចង្វា ដែល​កំពុងមាន​សកម្ម​ភាព​យ៉ាង​មមាញឹក នឹងធ្វើ​ឱ្យបាន​ល្អប្រសើរ​ឡើងវិញ ដល់​ចរន្តទឹក​ហូរ​ចូល​បឹង​ទន្លេសាប ការ​បំលាស់​ទី​របស់​មច្ឆា​ជាតិ (​ពី​ទន្លេមេគង្គ​ចូល ទន្លេសាប និង​ពី​ទន្លេសាប​ចូល​ទន្លេមេគង្គ​) និង​ផ្លូវ​នាវាចរណ៍​នៅក្នុង​តំបន់​ចតុមុខ រដូវវស្សា​ខាងមុខ​។​

​លោក​អភិបាល​រាជធានី​ភ្នំពេញ​បាន​បញ្ជាក់ថា ពេលនេះ​ក្រុមការងារ​កំពុង​សម្រុក​ជីក​កាយ​យក​ដីដុះ​នៅ​ចុង​ជ្រោយចង្វា ឱ្យនៅ​ទាប​ដើម្បី​បើកផ្លូវ​(​ទន្លេសាប​) ទឹក​ឱ្យ​ធំ​និង​ជ្រៅ​តាម​ការដែល​អាចធ្វើ​ទៅបាន និង​បូម​ស្តារ​រំលាយ​កូន​កោះ ដែល​ដុះ​ថ្មី​ឡើងវិញ​នៅក្នុង​តំបន់​ចតុមុខ​។​

​មន្ត្រី​ក្រុមការងារ​របស់​រដ្ឋបាល​រាជធានី​ភ្នំពេញ​មួយរូប បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២៥​ខែកុម្ភៈ​ថា ការជីក​កាយ​ដីដុះ​នៅ​ផ្នែក​លើគោក​ដោយ​ដឹក​ចេញ គឺ​ធ្វើបាន​ច្រើន​តាម​ប្លង់​បច្ចេកទេស​របស់​ក្រសួង​ធនធានទឹក​។ ចំណែកឯ​កូន​កោះ ដុះ​ថ្មី​នៅក្នុង​ទឹក​នៅ​ចុង​ជ្រោយចង្វា​រដែ​លពី​បាក​ក្នុងការ​យកចេញ​បំផុត​នោះ នៅពេលនេះ​ក្រុមការងារ​បាន​ប្រើប្រាស់​គ្រឿងចក្រ​ដាក់​នៅលើ​សា​ឡង់​ចំនួន​២​គ្រឿង ធ្វើការ​ចាប់បញ្ជូន​បន្ត​គា្ន​ទៅ​ដាក់​លើគោក​ហើយ​រង់ចាំ​រហូតដល់​ស្ងួត ទើប​ដឹក​ចេញ បន្ត តាម​រថយន្ត​ទៅ​ដាក់​នៅ​កន្លែង​ផ្សេង​។​

​គួរ​រំលឹក​ឱ្យដឹងថា​បញ្ហា​ដីដុះ​នៅ​ចុង​ជ្រោយចង្វារ​លយ​រហូតដល់​កណ្តាល​តំ បន់​ទន្លេចតុមុខ​នេះ ត្រូវបាន​សម្តេច​តេ​ជោ ហ៊ុន សែន នាយករដ្ឋមន្ត្រី​លើកឡើង នៅក្នុង​ពិធី​សម្ពោធ​សម​ទ្ធ​ផល​នានា​នៅ​តំបន់​ជ្រោយចង្វា កាលពី​ក្នុង​ឆ្នាំ​២០១៥ ថា​វា​ជា​ឧ​ប​ស័គ្គ​ដល់​ចរន្តទឹក​ហូរ​ចូល​បឹង​ទន្លេសាប ចរាចរ​របស់​ត្រី​ចេញចូល បឹង ទន្លេ និង​ជា​ឧបសគ្គ​ដល់​ផ្លូវ​នាវាចរណ៍ ចាំបាច់​ត្រូវ​ធ្វើការ​បូម​ស្តារ​ចេញ​ដោយ​រដ្ឋបាល​រាជធានី​ភ្នំពេញ​ជា​អ្នកអនុវត្ត និង​មាន​កិច្ចសហការ​បច្ចេកទេស​ពី​ក្រសួង​ធនធានទឹក​។​

​តំបន់​ខាងលើនេះ​ត្រូវបាន​គេ​មើលឃើញ​រដ្ឋបាល​រាជធានី​ភ្នំពេញ បាន​យក ចេញ​ជា​បន្តបន្ទាប់​ច្រើន​ឆ្នាំ​មកហើយ​ទើប​ធ្វើឱ្យ​ដីដុះ​នៅសល់​កម្ពស់​ទាប តែ​កោះ​ដុះ​ថ្មី​រាល់​ឆ្នាំ​នៅ​ចុង​ជ្រោយ​នេះ មិនទាន់បាន​យកចេញ​ទេ​ដោយសារ​វា​លំបាក​និង ត្រូវ​ចំណាយ​ច្រើន ទោះជា​យ៉ាងណា​កោះ​ដុះ​ថ្មី​កាន់តែ​ខ្ពស់​និង​មាន​កន្ទុយ​កាន់តែ វែង​នេះ ត្រូវបាន​រដ្ឋបាល​រាជធានី​ភ្នំពេញ​សម្រេច​ឱ្យ​យកចេញ​តាម​លទ្ធភាព​ដែល អាច​កបាន​។​

​តាម​ការសិក្សា​ថ្មី​របស់​ផ្នែក​ជំនាញ​ក្រសួង​ធនធានទឹក​និង​ឧតុនិយម​កាលពី​ចុងឆ្នាំ​២០១៩​បានបង្ហាញ​ឱ្យឃើញថា ការវាស់វែង​បាទទន្លេ​កាលពី​ចុងឆ្នាំ​២០១៩ ពិនិត្យ​ជារួម​ដី​ល្បប់ ខ្សាច់​,​ខ្សាច់​ល្បប់​ភក់​(​គិត​ត្រឹម​នីវ៉ូ​ក្រិត​កម្ពស់​បាទទន្លេ​៩​ម៉ែត្រ ឃើញ​មានការ​ដុះ​កើនឡើង​បន្ថែមទៀត ដោយ​ដីគោក​ផ្នែក​ខាងលើ​មាន​ទំហំ​ប្រមាណ ជ​១៥,៣៤​ហិកតា​ប្រហាក់ ប្រហែល​នឹង​ឆ្នាំ​២០១៥ តែ​កម្រិត​ដីដុះ​កើន ឡើង​ពី​០,៥០​ម៉ែត្រ​ទៅមួយ​ម៉ែត្រ និង​បរិមាណ​ដី​ល្បប់​ដុះ​កើនឡើង​ប្រមាណ​ជា ១២៥.០០០​ម៉ែត្រគូប​។​

​ឯ​ផ្នែក​ដីដុះ​ក្នុង​ទឹក​មាន​ទំហំ​ប្រមាណ​ជា ២៥,៥៦​ហិកតា មានការ​កក​ដុះ បន្ថែមទៀត​ពី​០,៦០​ម៉ែត្រ​ទៅ​១,២០​ម៉ែត្រ និង​មាន​បរិមាណ​ដី​ល្បប់ ល្បប់​ខ្សាច់ ខ្សាច់ និង​ខ្សាច់​ល្បប់​ភក់​មាន​ប្រមាណ​ជា​២៦៧.០០០​ម៉ែត្រគូប​។​

​ផ្នែក​នៅក្រោម​ទឹក​មានការ​ដុះ​លយ​ចូល​(​តំបន់​ចតុមុខ​)​ប្រមាណ​ជា​១៤,២៨ ហិកតា​និង​មាន​កម្រាស់​ពី​០,៧០​ម៉ែត្រ​ទៅ​១,៥០​ម៉ែត្រ​ស្មើ​ប្រមាណ​ជា​១៩៣.០០០ ម៉ែត្រគូប​។ សរុប​ការ​ដុះ​ដី​ល្បប់​ខ្សាច់​, ខ្សាច់​ល្បប់​ភក់​ទាំងបី​ផ្នែក​ខាងលើ មានការ កើន​ឡើងដល់​ប្រមាណ ៥៨៥.០០០​ម៉ែត្រគូប​និង​បើ​គិត​សរុប​ដីដុះ​នៅ​ចុង​ជ្រោយ ចង្វារ​ក្នុង​តំបន់​ទាំងបី​គិត​ត្រឹម​នីវ៉ូ​កម្ពស់​បាទទន្លេ​៩​ម៉ែត្រ មាន​បរិមាណ​សរុបរ​ហូត ដល់ ២. ០៨៥.០០០​ម៉ែត្រគូប​។​

​ការសិក្សា​នៅក្នុង​ឆ្នាំ​២០១៥ ដោយ​ក្រសួង​ធនធានទឹក​និង​ឧតុនិយម ដើម្បី បូម​ស្តារ​យក​ដីដុះ​ចេញ ធ្វើ​មាន​និរន្តរភាព​ទន្លេចតុមុខ បានបង្ហាញ​ឱ្យឃើញថា ដី ដុះ​ផ្នែក​លើគោក​មាន​ទំហំ​ប្រមាណ​ជា ១៤.២២​ហិកតា ដីដុះ​លយ​ចូល​ទន្លេ​ផ្នែក ក្រោម​ទឹក​មាន​ទំហំ​ប្រមាណ​ជា ៣៩,២៨​ហិកតា សរុប​បរិមាណ​ដែល​ត្រូវយក ចេញ​ក្នុង​ផ្នែក​ទាំងពីរ​មាន​ចំនួន​ប្រមាណ​ជា​១.៥០០.០០០​ហិកតា​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...