​បង្កើត​គណៈកម្មការ ប្រដាល់សកល​អាជីព កម្ពុជា​

ដោយ​៖ រ៉ូ​ហ្សា
​ភ្នំពេញ​៖
សហព័ន្ធ​កីឡា​ប្រដាល់សកល​កម្ពុជា បានរៀបចំ​បង្កើត និង​ដំណើរការ​គណៈកម្មការ ប្រដាល់សកល​អាជីព “Cambodia Professional Boxing Commission” ធ្វើឡើង​ស្របតាម​ផែនការ​យុទ្ធសាស្ត្រ ស្វែងរក​មេដាយ សម្រាប់​ការប្រកួត​កីឡា​ស៊ី​ហ្គេម (SEA GAMES) លើក​ទី​៣២ ឆ្នាំ​២០២៣ ។​

​ទិដ្ឋភាព​ប្រកាស​គណៈ​ម្មការ​ប្រដាល់សកល​អាជីព​កម្ពុជា​

​ការប្រកាស​ជា​ផ្លូវការ នៃ​ការបង្កើត​ការ​គណៈកម្មការ ប្រដាល់សកល​អាជីព​កម្ពុជា​នេះ ធ្វើឡើង​នា​ល្ងាច​ថ្ងៃទី​២៥ កុម្ភៈ នាទី​ស្នាក់ការ​គណៈកម្មាធិកា​រ​ជាតិ អូឡាំពិក​កម្ពុជា ដោយមាន​ការអញ្ជើញ​ចូលរួម ធ្វើជា​សាក្សី ពី​សំណាក់​លោក អ៊ុក ឌី​វ៉ង អគ្គនាយករង នៃ​អគ្គនាយកដ្ឋាន​កីឡា តំណាង​ក្រសួង​អប់រំ យុវជន និង​កីឡា លោក​សាស្ត្រាចារ្យ ឆឹង យ៉ៅ​យ៉េន ប្រធាន​សហព័ន្ធ​ប្រដាល់សកល​កម្ពុជា តំណាង​ស្ថានទូត​ជប៉ុន​ប្រចាំ​កម្ពុជា និង​ក្រុម​ជម្រើសជាតិ​កីឡា​។​

​លោក ប៊ុ​យ សុ​ភ័​ណ្ឌ អគ្គលេខាធិការ​សហព័ន្ធ​ប្រដាល់សកល​កម្ពុជា បានទទួល​ការគាំទ្រ ជា​ប្រធាន​គណៈកម្មការ ប្រដាល់សកល​អាជីព បាន​និយាយថា គណៈកម្មការ​ប្រដាល់សកល​អាជីព​កម្ពុជា ស្ថិតក្រោម​អាណាព្យាបាល របស់​សហព័ន្ធ​ប្រដាល់សកល​កម្ពុជា ការបង្កើត​គណៈកម្មកា​រ​ប្រដាល់សកល​អាជីព​នេះ ធ្វើឡើង​គឺ​ស្របតាម ផែនការ​យុទ្ធសាស្ត្រ ស្វែងរក​មេដាយ សម្រាប់​ការប្រកួត​កីឡា ស៊ី​ហ្គេម លើក​ទី​៣២ ឆ្នាំ​២០២៣ ។​

​ទិដ្ឋភាព​ប្រកាស​គណៈ​ម្មការ​ប្រដាល់សកល​អាជីព​កម្ពុជា​

​សូមបញ្ជាក់ថា សព្វថ្ងៃនេះ ប្រដាល់សកល​នៅ​កម្ពុជា ពុំ​សូវ​មាន​សកម្មភាព​ឡើយ ព្រោះ​នៅតាម​សង្វៀន របស់​ស្ថានីយ៍ទូរទស្សន៍​នានា គេ​ត្រូវការ តែ​ប្រដាល់​គុន​ខ្មែរ តែប៉ុណ្ណោះ ។ ស្ថានភាព​បែបនេះហើយ ទើប​មិនសូវមាន​អ្នក​ហ្វឹកហាត់ ប្រដាល់សកល ហើយ​អ្នកខ្លះ បន្ទាប់ពី​ហាត់​ប្រដាល់សកល​ហើយ គេរ​ត់ទៅ​ហាត់​ប្រដាល់​គុន​ខ្មែរ​វិញ ឯ​ខ្លះទៀត ហាត់​ប្រដាល់សកល តែ​គេ​បែរជា​ទៅ​លួច​ប្រកួត​ប្រដាល់ គុន​ខ្មែរ​ទៅវិញ​។​

​លោក ប៊ុ​យ សោ​ភ័​ណ្ឌ បាន​បង្ហើប​ថា ប្រសិនបើ​ប្រដាល់សកល​អាជីព នៅតែ​គ្មាន​សង្វៀន​ប្រកួត នៅក្នុង​ស្រុក​នោះ សហព័ន្ធ និង​គណៈកម្មការ ប្រដាល់​អាជីព​កម្ពុជា នឹង​បញ្ជូន​ពួកគេ ឲ្យ​ទៅ​ហាត់ និង​ប្រកួត នៅ​ប្រទេស​ជប៉ុន ។ គណៈកម្មការ​ប្រដាល់សកល​អាជីព​កម្ពុជា គឺជា​ស្ថាប័ន​តែមួយគត់ ដែលមាន​សិទ្ធិ​គ្រប់គ្រង រៀបចំ​ព្រឹត្តិការណ៍ ការប្រកួត​កីឡាប្រដាល់ សកល​អាជីព នៅ​ព្រះរាជាណាចក្រ​កម្ពុជា ក៏ដូចជា គ្រប់គ្រង និង​ដឹកនាំ​កីឡាករ កីឡាការិនី ប្រដាល់សកល​អាជីព ចូលរួម​ការប្រកួត ជា​លក្ខណៈ​អន្តរជាតិ ស្របតាម​បទ​ប្បញ្ញត្តិ របស់​ស្ថាប័ន​កីឡាប្រដាល់ សកល​អាជីព​អន្តរជាតិ​។​

​ទិដ្ឋភាព​ប្រកាស​គណៈ​ម្មការ​ប្រដាល់សកល​អាជីព​កម្ពុជា​

​ចំពោះ​សមាជិក គណៈកម្មការ​នាយក នៃ​គណៈកម្មការ​ប្រដាល់ សកល​អាជីព​កម្ពុជា ១០ រូប ដែល​ក្នុងនោះ មាន​ជនជាតិ​កម្ពុជា​តែ ២ រូប​ប៉ុណ្ណោះ ចំពោះ ៨ រូប​ទៀត សុទ្ធតែជា​ជនជាតិ​ជប៉ុន ។ សមាជិក​ទាំង ១០ រូបនោះ រួមមាន លោក ប៊ុ​យ សុភ័ណ ជា​ប្រធាន លោក Motohashi Yukiharu អនុប្រធាន លោក Isobe Masahiro នាយក​ប្រតិបត្តិ លោក ហ៊ុន ដាវី​រតនា នាយករង​ប្រតិបត្តិ លោកស្រី Motohashi Yuko លោក Motohashi Ryotaro លោក Motohashi Taiga លោក Kamehashi Nagakazu លោក Fukuda Akira និង​លោក Takamori Jou៕v

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...