ដោយគូលែន/សៀមរាប: នៅព្រឹកថ្ងៃទី២៦ ខែកុម្ភៈ ឆ្នាំ២០២០នេះ នៅទីស្នាក់ការអាជ្ញាធរជាតិអប្សរា លោកហង់ពៅអគ្គនាយកអាជ្ញាធរជាតិអប្សរាទទួលជួបលោកISHIDAToruប្រធានផ្នែកកិច្ចសហប្រតិបត្តិការអំពីបេតិកភណ្ឌវប្បធម៌នៃភ្នាក់ងារដើម្បីបេតិកភណ្ឌវប្បធម៌ជប៉ុន។ដើម្បីកិច្ចសហប្រតិបត្តិការរួមគ្នានៃទំនាក់ទំនងដ៏ល្អប្រសើរដែលអាជ្ញាធរជាតិអប្សរាជាមួយស្ថាប័នជប៉ុនបានបំពេញនាពេលកន្លងមក ក្នុងតំបន់រមណីយដ្ឋានអង្គរ។
លោកហង់ពៅអគ្គនាយកនៃអាជ្ញាធរជាតិអប្សរាបានទទួលស្វាគមន៍យ៉ាងកក់ក្តៅនិងសម្តែងនូវការអរគុណចំពោះលោកISHIDAToruដែលមានចំណាប់អារម្មណ៍មកលើតំបន់រមណីយដ្ឋានអង្គរ។លោកក៏បានជម្រាបជូនទៅភាគីជប៉ុនថាអាជ្ញាធរជាតិអប្សរាក៏ដូចជាប្រជាជនកម្ពុជាមិនដែលភ្លេចទេនូវតួនាទីជាប្រវត្តិសាស្ត្ររបស់ប្រទេសជប៉ុនក្នុងការជួយជំរុញលើកិច្ចការពារបេតិកភណ្ឌនៅក្នុងតំបន់អង្គរ ។
លោកISHIDAToruបានបង្ហាញថានេះជាមោទនភាពសម្រាប់ទាំងអស់គ្នាមិនត្រឹមតែសម្រាប់ជនជាតិជប៉ុនទេ គឺសម្រាប់ប្រទេសកម្ពុជា រួមទាំងសកលលោកទាំងមូល។ ជាមួយគ្នានេះដែរ លោកក៏សង្ឃឹមថា កិច្ចសហប្រតិបត្តិការរវាងអាជ្ញាធរជាតិអប្សរាជាមួយបណ្តាស្ថាប័ននានារបស់ជប៉ុនកាន់តែមានភាពរឹងមាំ និងសម្រេចនូវលទ្ធផលល្អប្រសើរបន្ថែមទៀតនាពេលបច្ចុប្បន្ននិងអនាគត៕S/
រូបភាព:អាជ្ញាធរជាតិអប្សរាជួបពិភាក្សាជាមួយប្រធានផ្នែកកិច្ចសហប្រតិបត្តិការអំពីបេតិកភណ្ឌវប្បធម៌នៃភ្នាក់ងារដើម្បីបេតិកភណ្ឌវប្បធម៌ជប៉ុន ៕អប្សរា
