​ផ្ទះ​១​ខ្នង​នៅ​ចំណុច​មាត់​អូរ​ព្រំដែន​កម្ពុជា​ថៃ​ត្រូវ​ភ្លើង​ឆេះ​ខ្ទេច​

145
ចែករម្លែក

​ដោយ​៖​ប​.​ជ័យ​/​បន្ទាយមានជ័យ​៖​ផ្ទះ​១​ខ្នង​ធ្វើ​អំពី​ឈើ​ប្រក់​ស័ង្កសី​នៅ​ចំណុច​មាត់​អូរ​ព្រំដែន​កម្ពុជា​ថៃ​ក្នុងភូមិ​គីឡូ​លេខ​៤​សង្កាត់​ផ្សារកណ្តាល​ក្រុង​ប៉ោយប៉ែត​ខេត្តបន្ទាយមានជ័យ​ត្រូវ​ភ្លើង​ឆេះ​ខ្ទេច​។​អគ្គិភ័យ​កើតឡើង​កាលពី​រសៀល​ថ្ងៃទី ២៦ ខែកុម្ភៈ ឆ្នាំ​២០២០ ។​

​លោក​ធិ​ន​ស៊ិន​ដេ​ត​អធិការនគរបាល​និង​លោក​គាត​ហ៊ុល​អភិបាល​បាល​ក្រុង​ប៉ោយប៉ែត​បានឱ្យដឹងថា​៖ ប្រជាពលរដ្ឋ​បានឃើញ​ភ្លើង​ឆេះ​ពីក្នុងផ្ទះ​ឈ្មោះ មូល ធី ប្រពន្ធ​ឈ្មោះ ហៀ​ច ផល្លា ដែលមាន​ទំហំ ៤.៥​ម៉ែត្រ​គុណ​៥​ម៉ែត្រ​ធ្វើ​អំពី​ឈើ​ប្រក់​ស័ង្កសី​ភូមិ​គីឡូ​លេខ​៤​នៅ​ភូមិ​ផ្សារកណ្តាល​សង្កាត់​ផ្សារកណ្តាល ក្រុង​ប៉ោយប៉ែត ខេត្តបន្ទាយមានជ័យ​យ៉ាង​សន្ធោសន្ធៅ​ភ្លាមៗ​នោះ​។​

​លោក​បាន​ដឹកនាំ​កម្លាំង​នគរបាល ក្រុមការងារ​និង​រថយន្ត​ពន្លត់​អគ្គិភ័យ​ទៅ​ពន្លត់ ។​ទោះយ៉ាងណា មន្ត្រី​អាជ្ញាធរ​និង​សមត្ថកិច្ច​មូលដ្ឋាន​បាន​អន្តរាគមន៍​មិនឱ្យ​ឆេះ​រាល​ដល់ផ្ទះ​ជិតខាង​។​សមត្ថកិច្ច​ថា អគ្គិភ័យ​នោះមក​ពី​ទុស្សេ​ខ្សែភ្លើង​ពេល​ម្ចាស់​មិន​នៅផ្ទះ​។​ចំណែក​ទ្រព្យសម្បត្តិ​និង​ផ្ទះ​ខូចខាត​អស់ទាំង​ស្រុង​មិនអាច​គិត​ជា​ទឹកប្រាក់​អស់​ប៉ុន្មាន​នោះទេ​៕S/

​រូបថត​៖ ផ្ទះ​១​ខ្នង​ធ្វើ​អំពី​ឈើ ប្រក់​ស័ង្កសី នៅ​ចំណុច​មាត់​អូរ​ព្រំដែន​កម្ពុជា ថៃ​ត្រូវ​ភ្លើង​ឆេះ​ខ្ទេច (​រូប​៖ ប​.​ជ័យ​)​

អាជ្ញាប័ណ្ណចែកចាយផ្តាច់មុខ