Home កីឡា ក្លិប​លី​វឺ​ភ...

ក្លិប​លី​វឺ​ភូ​ល មាន​សង្ឃឹមថា នឹង​អាច​ទទួលបាន​កីឡាករ ធី​ម៉ូ វើ​ន័​រ​

ក្រុម លី​វឺ​ភូ​ល​(Liverpool) មាន​កម្លាំងចិត្ត​ក្នុង​ការតាមប្រមាញ់​កីឡាករ ធី​ម៉ូ វើ​ន័​រ (Timo Werner) បន្ទាប់ពី​ដឹង​លក្ខខណ្ឌ​ទិញ​ផ្តាច់​របស់​ខ្សែប្រយុទ្ធ​រូបនេះ​គឺ​ត្រឹមតែ​២១​លាន​ផោន​មានន័យថា ថោក​ជាង​ការ​គិតទុក​ទៅទៀត​។​
​ ​
​វើ​ន័​រ ត្រូវបាន​គេ​ភ្ជាប់​ទៅនឹង​កិច្ចព្រមព្រៀង​ផ្ទេរ​មក​ពហុ​កីឡដ្ឋាន Anfield នៅ​រដូវក្តៅ ហើយ ខ្សែប្រយុទ្ធ​រូបនេះ​ថែមទាំង​បាន​និយាយ​អំពី​ក្លឹប​ជើងឯក​ក្របខណ្ឌ​ឆេ​ម​ពាន​លី​ក​និង​អំពី​គ្រូបង្វឹក យើ​ហ្គេ​ន ក្លប់ (Jurgen Klopp) ប៉ុន្មាន​សប្តាហ៍​ថ្មីៗ​នេះ​។​
​ ​
សេចក្តីរាយការណ៍​ថ្មីៗ​នេះ​បាន​លើកឡើងថា វើ​ន័​រ នឹង​អាច Liverpool ទិញ​បាន​ក្នុងតម្លៃ​៥១លាន​ផោន ដែល​ត្រូវ​ចំណាយ​មុន​ខែមេសា មុនពេល​តម្លៃ​ខ្លួន​របស់​កីឡាករ​រូបនេះ កើនឡើង ប៉ុន្តែ​តាម​បណ្តាញ​ព័ត៌មាន​អាល្លឺម៉ង់​បាន​ឲ្យ​ដឹងថា តាមពិត វើ​ន័​រ អាច​ទិញ​បាន​ត្រឹម​៣០​លាន ផោន​ប៉ុណ្ណោះ​។​
​ ​
កីឡាករ​អាល្លឺម៉ង់​វ័យ​២៣​ឆ្នាំ​រូបនេះ​ស្ថិតនៅក្រោម​កិច្ចសន្យា​ជាមួយ​ក្លិប​នៅ​ក្របខ័ណ្ឌ Bundesliga ដល់​ឆ្នាំ​២០២៣ ប៉ុន្តែ​តម្លៃ​ខ្លួន​ដ៏​ទាប​នេះ​អាច​នឹងធ្វើ​ឲ្យ​ក្លិប Liverpool បង្កើន​ការ តាម​ប្រមាញ់​ខ្សែប្រយុទ្ធ​រូបនេះ​ឆាប់ៗ​តាម​ដែល​អាចធ្វើ​ទៅបាន​។​
​ ​
រឿងនេះ​នឹង​ក្លាយជា​ដំណឹង​ល្អ​សម្រាប់​អ្នកគាំទ្រ Liverpool ស្របពេល​កិច្ចព្រមព្រៀង​ផ្ទេរទំនងជា​កើតមាន​ក្នុងពេល​ឆាប់ៗ​។​
​ ​
​វើ​ន័​រ បាន​អះអាងថា “​លោក យើ​ហ្គេ​ន ក្លប់ គឺជា​គ្រូបង្វឹក​ដ៏​ល្អ​បំផុត​ក្នុង​ពិភពលោក​។ មានការ អះអាង​ច្រើន​ពី​ថា ទម្រង់​លេង​របស់ខ្ញុំ​ស័ក្តិសម​នឹង​ក្លិប Liverpool “៕ ប្រែ​សម្រួល​: ពិសិដ្ឋ​

កីឡាករ ធី​ម៉ូ វើ​ន័​រ (Timo Werner)

ទីតាំងផ្សាយពាណិជ្ជកម្ម

- Advertisment -

Most Popular

ពលរដ្ឋ​ភូមិ​កូនដំរី ផ្ទុះ...

​ដោយៈ ប​.​ជ័យ / បន្ទាយ​មា...

ប្រទះឃើញ​សព​បុរស​ម្នាក់​អ...

ដោយៈ​ស​រិ​ទ្ធ​/​កណ្តាលៈអ្...

ចុះ​ពិនិត្យ​គម្រោង​បើក​ទ្...

​ដោយៈ រ៉ា​ម៉ន / ភ្នំពេញៈ ...