ស្របពេលមានការចោទសួរជុំវិញអនាគតយូរអង្វែងរបស់ខ្សែការពារ ដេវីដ អាបាឡា (David Alaba) នៅក្លិបបៃយឺនម៉ូនិច( Bayern Munich )នោះ អតីតគ្រូបង្វឹក នីកូ កូវ៉ាក (Niko Kovac) ជឿថា កីឡាកររូបនេះអាចលេងនៅទីណាក៏បាននៅក្នុងពិភពលោក។
អាឡាបា កន្លងមកធ្លាប់បានបង្ហើបប្រាប់ថា ខ្លួនបើកចិត្តទទួលយកការចាកចេញពីក្រុមជើងឯក អាល្លឺម៉ង់រូបនេះនៅថ្ងៃណាមួយ ហើយលោក កូវ៉ាក មានអារម្មណ៍ថា សមត្ថភាពរបស់កីឡាករ វ័យ២៧ឆ្នាំរូបនេះអាចលេងនៅក្នុងក្រុមកំពូល។
លោក កូវ៉ាក បាននិយាយថា “អាឡាបា អាចលេងបានគ្រប់ទីកន្លែងក្នុងពិភពលោក។ ប៉ុន្តែ អាឡាបា ត្រូវធ្វើការសម្រេចចិត្តដោយខ្លួនឯង។ ខ្ញុំអាចត្រឹមនិយាយតាមរយៈបទពិសោធ ផ្ទាល់របស់ខ្ញុំថា គាត់អាចលេងនៅទីណាក៏បាន”។
ក្លិប Real Madrid, Manchester United និង Arsenal សុទ្ធតែចាប់អារម្មណ៍នឹងកីឡាកររូបនេះ ប៉ុន្តែមិនទាន់បានផ្ទេរជាផ្លូវការនៅឡើយទេ។
កិច្ចព្រមព្រៀងបច្ចុប្បន្នរបស់ អាឡាបា ជាមួយក្លិប Bayern Munichគ្រោងនឹងចប់នៅឆ្នាំ២០២១ ហើយដូច្នេះការផ្លាស់ប្តូរក្លឹបនឹងមកដល់នៅរដូវក្តៅប្រសិនបើមានការព្រមព្រៀង៕ ប្រែសម្រួល: ពិសិដ្ឋ
