ម​ន្ត្រីៈ​អភិវឌ្ឍន៍​ទន្លេមេគង្គ​ឡាន​ឆាង​ជា​បំណង​ពលរដ្ឋ​ដើម្បី​សុខសន្តិភាព​ជា​និរន្តរ៍​

ដោយៈ មេសា​/ភ្នំពេញៈ លោក លន់ មុនី​រតនា រដ្ឋលេខាធិការ​ក្រសួង​ធម្មការ និង សាសនា បាន​មានប្រសាសន៍​ទូល​ប្រគេន​អំពី​កិច្ចខិតខំ​ប្រឹងប្រែង​រប​ស់រាជ​រដ្ឋាភិបាល កម្ពុជា ថា “ កម្មវិធី​នយោបាយ​របស់​រាជរដ្ឋាភិបាល​កម្ពុជា​ក្រោម​ការដឹកនាំ​ដោយ​ដ៏​ឈ្លា​វៃ​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ខិតខំ​ពង្រឹង និង ពង្រីក​កិច្ចសហប្រតិបត្តិការ​អន្តរជាតិ​ជាមួយ​ពិភពលោក ទាំង​ថ្នាក់​តំបន់​អាស៊ាន និង អនុតំបន់​ទន្លេមេគង្គ ជាពិសេស​បានរៀបចំ​បើក​កិច្ចសហប្រតិបត្តិការ​មេគង្គ​-​ឡាន​ឆាង ដើម្បី​ធានា​សន្តិភាព​និង​ការអភិវឌ្ឍ​ជា​និរន្ត​ន៍​លើ​គ្រប់​វិស័យ ក្នុងនោះ​ក៏មាន​វិស័យ​សាសនា​ផងដែរ “ ។​

លោក លន់ មុនី​រតនា រដ្ឋលេខាធិការ​ក្រសួង​ធម្មការ និង សាសនា ថ្លែង​បើក​សិក្ខាសាលា ( រូបៈ ម៉ៅ សុខ​ជា )


​លោក លន់ មុនី​រតនា មានប្រសាសន៍​បែបនេះ នាឱកាស​អញ្ជើញ​បើក​សិក្ខាសាលា​ផ្សព្វផ្សាយ​ទិវា​សប្តាហ៍​សុខដុម​នីយកម្ម​អន្តរ​ជំនឿ​ពិភពលោក ស្តីពី​កិច្ចសន្ទនា​អន្តរ​ជំនឿ ដើម្បី សន្តិភាព​និង​ការអភិវឌ្ឍ​ជា​និរន្តរ៍ ក្នុងប្រទេស​នៅតាម​ដង​ទន្លេមេគង្គ​-​ឡាន​ឆាង រៀបចំ​នៅឯ​ទី​២៦ ខែកុម្ភៈ ឆ្នាំ​២០២០ នៅ​សណ្ឋាគារ​ខេមរា​បាត់ដំបង​១ ខេត្តបាត់ដំបង ដោយ​មានការ​និមន្ត និង អញ្ជើញ​ចូលរួម​ពី​សំណាក់​ព្រះ​មេគណ​មេដឹកនាំ​សាសនា និង​ថ្នាក់ដឹកនាំ​មន្ទីរ​ធម្មការ​និង​សាសនា​ទាំង​២៥​រាជធានី​ខេត្ត​ជិត​៤០០​អង្គ និង នាក់​។


​លោក លន់ មុនី​រតនា ទូល​ប្រគេន​បន្តទៀតថា ជំនឿ និង សាសនា​គឺជា​ប្រភព​និង​ជា​មូលដ្ឋានគ្រឹះ នៃ ខឿនវប្បធម៌ ក្នុងការ​រស់នៅ​ប្រកបដោយ​សុខសន្តិភាព​របស់​ប្រទេស​នីមួយៗ​ក៏ដូចជា​ពិភពលោក​ទាំងមូល ហើយ​ជំនឿ និង សាសនា​ក៏​ជា​បញ្ហា​មួយ​ក្នុងចំណោម​បញ្ហា​ទាំងឡាយ​ក្នុង​ការបង្ក​ឲ្យ​មាន​ជម្លោះ និង​មាន​វិ​ប​ត្ត​ដ៏​រ៉ាំរ៉ៃ​នៅក្នុង​សង្គមជាតិ​ទាំងមូល​ផងដែរ ។ សាសនា គឺជា​ផ្នែក​ដ៏​សំខាន់​មួយ​នៃ​ជីវិត​ប្រចាំថ្ងៃ​របស់​មនុស្ស​នៅក្នុង​សង្គម ហើយ​មេដឹកនាំ​សាសនា​ជាទូទៅ​ត្រូវបាន​គេ​គោរព​ឱ្យ​តម្លៃ​និង ជឿទុកចិត្ត ដូចនេះហើយ​មេដឹកនាំ​សាសនា មេដឹកនាំ​វត្ត​អារាម មាន​តួនាទី​និង​មាន​ឥទ្ធិ​ល​ពល​យ៉ាងខ្លាំង​លើ​បរិស័ទ​របស់ខ្លួន​ក្នុងការ​អប់រំ​ផ្នែក​ចំណេះដឹង អាកប្បកិរិយា ចិត្ត និង​វិញ្ញាណ​។​


​លោក លន់ មុនី​រតនា​ទូល ប្រគេន​បន្តថា កិច្ចសន្ទនា​អន្តរ​ជំនឿ គឺជា​កម្មវិធី​មួយ​ដែល​អាច​ជម្រុញ​ឱ្យ​សាសនា​នីមួយៗ​ក្នុងសង្គម​មានឱកាស​សិក្សា​ស្វែងយល់​ពីគ្នា​ទៅវិញទៅមក និង​កំណត់​ដឹង​នូវ​បញ្ហា ដើម្បី​ដាក់​ទិសដៅ រួមគ្នា​លើ​ការដោះស្រាយ​បញ្ហា​ដោយ​គោរព​ជំនឿ​សាសនា អត្តសញ្ញាណ​ជំនឿ​សាសនា​នីមួយៗ ព្រមទាំង​ចូលរួម​ថែរ​រក្សា​សន្តិភាព និង កសាង​សង្គមជាតិ​ឱ្យ​ចម្រើន​រុងរឿង​ជា​និរន្តរ៍ ហើយ​លោក​ជឿថា លទ្ធផល​រំពឹងទុក​នឹង​ទទួលបាន​ចំណេះដឹង​បទពិសោធន៍​ស្តីពី​វប្បធម៌ និង ការគ្រប់គ្រង​អន្តរ​ជំនឿ​សាសនា ដើម្បី សន្តិភាព និង ការអភិវឌ្ឍ​ជា​និរន្តរ៍​ដល់​ប្រទេស​តាម​ដង​ទន្លេមេគង្គ ធានា​សន្តិភាព និង​ការអភិវឌ្ឍ​ដល់​ប្រទេស​ក្នុង​អនុតំបន់​និង​តំបន់ ចូលរួម​កាត់បន្ថយ​ភាពក្រីក្រ ការបង្កើតឱ្យមាន​ការ​អភិវឌ្ឍ​សុខុមាលភាព​ប្រជាពលរដ្ឋ​និង​បង្កើត​បណ្តាញ​សម្រាប់​ចែករំលែក ស្តីពី​វប្បធម៌​និង​ការគ្រប់គ្រង​អន្តរ​ជំនឿ​សាសនា ដើម្បី​សន្តិភាព​និង​ការអភិវឌ្ឍ​ជា​និរន្តរ៍​ដល់​ប្រទេស​តាម​ដង​ទន្លេមេគង្គ ។​

​លោក ហ៊ឹម វិបុល​ឬ​ទ្ធិ អគ្គនាយក​កិច្ចការ​សាសនា ថ្លែង​ជម្រាប​អង្គសិក្ខាសាលា ( រូបៈ ម៉ៅ សុខ​ជា )


​លោក ហ៊ឹម វិបុល​ឬ​ទ្ធិ អគ្គនាយក​កិច្ចការ​សាសនា មានប្រសាសន៍​ទូល​ប្រគេន​ថា សិក្ខាសាលា​ផ្សព្វផ្សាយ ទិវា​សាសនា​ពិភពលោក​នាពេលនេះ​គឺជា​សកម្មភាព​ទី​៤ នៃ​សកម្មភាព​ទាំង ៧ របស់​គម្រោង​ស្រាវជ្រាវ​កិច្ចសន្ទនា​អន្តរ​ជំនឿ​សាសនា ស្តីពី​សន្តិភាព និង ការអភិវឌ្ឍ​ជា​និរន្តរ៍​ក្នុង​បណ្តា​ប្រទេស​នៅតាម​ដង​ទន្លេមេគង្គ​ដែលមាន​ទិសដៅ​ផ្សព្វផ្សាយ​ចែករំលែក​បទពិសោធន៍​ស្តីពី​វប្បធម៌ និង​ការគ្រប់គ្រង​អន្តរ​ជំនឿ​សាសនា ពង្រឹង​កិច្ចសហប្រតិបត្តិការ និង សុខដុម​នីយកម្ម​អន្តរ​ជំនឿ​សាសនា​ឆ្លងកាត់​ប្រទេស​តាម​ដង​ទន្លេមេគង្គ​ឡាន​ឆាង ដែល​សកម្មភាព​នេះ​បង្ហាញ​ពី​ការគាំទ្រ​ការផ្សារភ្ជាប់ និង ការសិក្សា​ស្វែងយល់​ពីគ្នា​ទៅវិញទៅមក​នូវ​គំនិត​ទស្សនៈ​ស្មារតី​សាសនា​សកលលោក និង តំបន់ ក្នុង​គោលដៅ​រួម​គឺ ដើម្បី សន្តិភាព សុខដុមរមនា និង​ការអភិវឌ្ឍ​ជា​និរន្តរ៍ ៕Kh

អ្នកចូលរួម​ក្នុង​សិក្ខាសាលា​សប្តាហ៍​សុខដុម​នីយកម្ម​អន្តរ​ជំនឿ​ពិភពលោក ស្តីពី​កិច្ចសន្ទនា​អន្តរ​ជំនឿ ដើម្បី សន្តិភាព​និង​ការអភិវឌ្ឍ​ជា​និរន្តរ៍ ក្នុងប្រទេស​នៅតាម​ដង​ទន្លេមេគង្គ​-​ឡាន​ឆាង ( រូបៈ ម៉ៅ សុខ​ជា )

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...