ដោយៈចាន់តូ/ភ្នំពេញ ៖ នៅព្រឹកថ្ងៃទី២៧ ខែកុម្ភៈ ឆ្នាំ២០២០ លោក ឃិត ឈឿន លោកស្រី នៅ យ៉ន និងក្រុមគ្រួសារ នៃក្រុមហ៊ុន ចំរើនសម្បត្តិ ខនស្ត្រាកសិន និងផ្សារ KC ខេស៊ី បាននាំយក សារ៉ុង ក្រមា សម្ភារៈ សិក្សា និងថវិការ មួយចំនួន ជូនចាស់ៗ និងលោកគ្រូអ្នកគ្រូ សិស្សានុសិក្សានៅសាលាបឋមសិក្សាប៊ុនរ៉ានីហ៊ុនសែន ក្រាំងធ្នង់ ដែលជាស្រុកកំណើតលោក ស្ថិតនៅភូមិក្រាំ ឃុំរវាង ស្រុកសំរោង ខេត្តតាកែវ។
នាឱកាសនោះលោកឃិតឈឿនតិបានលើកឡើងថា
មិនដឹងថថ្ងៃស្អែកមានអ្វីកើតឡើងមិនសំខាន់ សំខាន់នៅមានជីវិត មានលទ្ធភាពធ្វើអំពើល្អ។ ហើយសិស្សានុសិស្សនិងលោកគ្រូអ្នកគ្រូគឺលោកតែងតែគិតគូរថាបើមានសាលារៀនរីកចម្រើនច្រើននោះសិស្សទាំងអស់ទទួលបានការរៀនសូត្រប្រៀនប្រដៅពីលោកគ្រូអ្នកគ្រូបានល្អនិងអាចក្លាយទៅជាពលរដ្ឋល្អក្នុងសង្គមមួយដែលផ្ដើមចេញពីយើងជាមនុស្សល្អនិងសំបូរទៅដោយធនធានមនុស្សល្អជាច្រើន។
របស់ប្រើប្រាស់ មាន សារុង ក្រមា និងថវិកាមួយម៉ឺនរៀលជូនដល់ចាស់ៗក្នុងភូមិរបស់លោក ។ ចំណែកសិស្សានុសិស្សនិងលោកគ្រូអ្នកគ្រូក៏បានទទួលជាសម្ភារសិក្សានិងថវិកា ។ដោយឡែកសិស្សានុសិស្សទទួលបានថវិកាក្នុងម្នាក់៥ពាន់រៀល៕/B/សរន
