ភ្នំពេញ៖ ស្ងាត់ៗតារាសម្តែងស្រីសិចស៊ី ឌុច លីដា បានធ្វើឲ្យមានការចាប់អារម្មណ៍យ៉ាងខ្លាំង ក្រោយពីនាងបង្ហាញកូនប្រុសដ៏គួរឲ្យក្នាញ់ម្នាក់ ទាំងគេមិនដែលដឹងថានាងមានប្តី និងមិនដែលមានមង្គលការតាំងពីណាមក។
ទាំងក្នុងនិងក្រៅចង្កោមអ្នកសិល្បៈបានជជីកសួរគ្នាទៅវិញទៅមកក្រោយពីលេច ដំណឹងថាតារាស្រីនិយមថតឈុតសិចស៊ី ឌុច លីដា សម្រាលបានកូនប្រុសម្នាក់ ទាំងដែលគេនៅមិនដែលដឹងសោះថានាងមានគូស្នេហ៍ ឬរៀបការពីពេលណា។ ដំណឹងនៃការសម្រាលកូនប្រុសរបស់តារាសម្តែងស្រី ឌុច លីដា បានធ្វើឲ្យគេចាប់អារម្មណ៍ខ្លាំង ពិសេសក្រោយពីនាងបានបង្ហាញ ទារកដ៏គួរឲ្យស្រលាញ់អមដោយពាក្យពេចន៍ យ៉ាងមានន័យដែលម្តាយនិយាយទៅកាន់កូន។
ជុំវិញព័ត៌មាននេះ ក្នុងសិល្បៈបានឱ្យដឹងថា ដំណឹងនាងមានកូនបានលេចឡើងកាលពីខែមករាមកម្ល៉េះ ប៉ុន្តែក៏មិនមានអ្នកជឿច្រើនដែរ ប៉ុន្តែក្រោយពីបង្ហាញមុខកូន និងឈ្មោះឡេង កិត្យានី នោះកាន់តែធ្វើឲ្យអ្នកក្នុងចង្កោមអ្នកសិល្បៈជឿជាក់ថាជាដំណឹងពិត។
ងាកមកលើបណ្តាញសង្គមរបស់តារាស្រីរូបនេះវិញ នាងបានបញ្ចេញរូបថតជាច្រើនសន្លឹក ជាមួយកូនប្រុសដ៏គួរឲ្យស្រលាញ់ អមដោយពាក្យថាជាកូនគឺជាកម្លាំងចិត្ត នាងថែមទាំងលើកឡើងថា មានកូនរួចមិនអាចទៅណាបានព្រោះតែកូនដ៏គួរឲ្យស្រលាញ់នៅជាប់នឹងដើមទ្រូង។ ចំពោះព័ត៌មាននេះរស្មីកម្ពុជានៅមិនទាន់អាចស្វែងរកការបញ្ជាក់ឲ្យច្បាស់លាស់បាននៅឡើយទេពីតារារូបនេះ ៕ ដោយ បូរិន/Ha
