ដោយៈសៅវ៉ាន់ឌី/ព្រះវិហារ៖នៅថ្ងៃទី២៧ខែកុម្ភៈឆ្នាំ២០២០នេះស្ថិតក្នុងបរវេណវត្តបាក់កាំក្នុងឃុំឈានមុខស្រុកត្បែងមានជ័យលោកទេសរដ្ឋមន្ត្រីមាសសុភាប្រធានក្រុមការងាររាជរដ្ឋាភិបាលចុះជួយដ្ឋានខេត្តព្រះវិហារបានថ្លែងថាវេទិការសាធារណៈដែលបានធ្វើឡើងក្នុងថ្ងៃនេះគឺចង់ស្វែងយល់អំពីទុក្ខកង្វល់របស់ប្រជាពលរដ្ឋ។
ជាមួយនោះចង់ដឹងលើបញ្ហាពាក់ព័ន្ធទៅនឹងជីវភាពរស់ផ្ទាល់ជាប្រចាំថ្ងៃ។ប្រជាពលរដ្ឋទទួលបានឫមិនបានចំពោះសេវាសាធារណៈនិងបញ្ហាមួយចំនួនទៀតដែលជាគោលនយោបាយកម្មវិធីនយោបាយរបស់រាជរដ្ឋាភិបាល។
លោកទេសរដ្ឋមន្ត្រីមាសសុភាបានថ្លែងទៀតថាការធ្វើវេទិការសាធារណៈនេះគឺចង់ស្តាប់មតិយោបល់ផ្ទាល់របស់បងប្អូនប្រជាពលរដ្ឋ។មតិយោបល់របស់បងប្អូននេះហើយជាឱកាសសម្រាប់ក្រុមការងាររាជរដ្ឋាភិបាល ធ្វើការបកស្រាយ ធ្វើការបំភ្លឺទៅលើបញ្ហាមួយចំនួន ជាចម្ងល់របស់ពុកម៉ែបងប្អូន។
លោកទេសរដ្ឋមន្ត្រីបានថ្លែងសង្កត់ធ្ងន់ថា«បញ្ហាទាំងអស់នេះគឺផ្តើមមកពីការដឹកនាំដ៏ត្រឹមត្រូវរបស់រាជរដ្ឋាភិបាលជាច្រើនអាណត្តិមកហើយហើយរាជរដ្ឋាភិបាលនេះ ដឹកនាំដោយ គណបក្សប្រជាជនកម្ពុជា ដែលមានសម្តេចតេជោហ៊ុនសែនជានាយករដ្ឋមន្ត្រី»។លោកបន្តថា«មកដល់ពេលនេះប្រទេសជាតិមានសន្តិភាពពេញលេញឫអាចនិយាយបានថាសន្តិភាពគ្របដណ្តប់ពេញប្រទេសកម្ពុជាក្រោមនយោបាយឈ្នះឈ្នះគ្មានតំបន់អប្បគមន៍គ្មានតំបន់បែងចែកទឹកដីដូចពីមុនទៀតទេ»៕S/
