Home ព័ត៌មានអន្តរជាតិ ក្រុមហ៊ុន​Hyu...

ក្រុមហ៊ុន​Hyundai ផ្អាក​ការផលិត​នៅ​រោងចក្រ​មួយ​បន្ទាប់​ពី​កម្មករ​ឆ្លង​វីរុស​COVID-19

​ប្រភព​ព័ត៌មាន​ពី​សហជីព​បាន​និយាយ​នៅ​ថ្ងៃ​សុក្រ​ទី​២៨​ខែ​កុម្ភៈ​នេះ​ថា​ក្រុមហ៊ុន​ផលិត​រថយន្ត Hyundai បាន​ផ្អាក​ការផលិត​នៅ​រោងចក្រ​មួយ ក្នុងចំណោម​​រោងចក្រ​ជាច្រើន​របស់​ខ្លួន​នៅ​ទីក្រុង​អ៊ុល​សាន ប្រទេស​កូរ៉េខាងត្បូង​បន្ទាប់​ពី​កម្មករ​ម្នាក់​ធ្វើតេស្តិ៍​វិជ្ជមាន​នៃ​វីរុស​COVID-19​។​

​អ្នកនាំពាក្យ​សហជីព​កម្មករ​នៃ​ក្រុមហ៊ុន​នេះ​ក៏​បាន​និយាយ​ដែរ​ថា​កម្មករ​ម្នាក់​បាន​ធ្វើតេស្តិ៍​វិជ្ជមាន ប៉ុន្តែ​អ្នកនាំពាក្យ​នេះ​មិន​មាន​ព័ត៌មាន​លម្អិត​បន្ថែម​​ទៀត​ទេ​។​

​ភាគហ៊ុន​របស់​ក្រុមហ៊ុន​ផលិត​រថយន្ត​នេះ បាន​ធ្លាក់ចុះ​ជាង​៥​ភាគរយ បន្ទាប់​ពី​ដំណឹង​នេះ​​ខណៈ​ដែល ទីផ្សារ​រថយន្ត​ដ៏​ធំ​នៃ​ក្រុមហ៊ុន​នេះ បាន​ធ្លាក់ចុះ ២,៦​ភាគរយ​។​

​អ្នក​នាំ​ពាក្យ​នេះ​បាន​និយាយថា​ក្រុមហ៊ុន​នេះ​បាន​កំពុង​ពិនិត្យមើល​របាយការណ៍​នេះ​។​

​ក្រុមហ៊ុន​Hyundai ផលិត​រថយន្ត​ប្រភេទ​ស្ព័រដូច​ជា រថយន្ត Palisade និង រថយន្ត Genesis GV80​ហើយ​តាម​សេចក្តីរាយការណ៍​ថា​ក្រុមហ៊ុ​នេះ​បាន​ផ្អាក​​ការផលិត​។​

​រំលឹកថា ក្រុមហ៊ុន​បច្ចេកវិទ្យា​Samsung Electronics​ក៏​បាន​បិទ​រោងចក្រ​មួយ​នៅ​ក្រុង​ហ្គូ​មី កាលពី​ចុង​សប្តាហ៍​បន្ទាប់​ពី​កម្មករ​ម្នាក់​ត្រូវបាន​រកឃើញ​ផ្ទុក​កូរ៉ូ​​ណា​វីរុស តែ​បាន​បន្ត​ដំណើរការ​ផលិត​វិញ​កាលពី​ថ្ងៃ​ចន្ទ​។​

​ក្នុងពេល​ជាមួយគ្នា ក្រុមហ៊ុន​អាកាសចរណ៍ Korean Air Lines Co Ltd បាន​និយាយ​កាលពី​ថ្ងៃ​២៨​កុម្ភៈ​ថា​ខ្លួន​នឹង​កាត់បន្ថយ​ការហោះហើរ​ទៅកាន់​សហរដ្ឋ​​អាម៉េរិក​នៅ​ខែ​មីនា ហើយ​នឹង​មិន​អនុញ្ញាត​អោយ​នរណា​ដែល​មាន​កំដៅ​ខ្លួន​ចាប់ពី​៣៧,៥​អង្សា​ឡើង​យន្តហោះ​ទៅ​អាម៉េរិក​ទេ​។​

​ប្រទេស​កូរ៉េខាងត្បូង​បាន​រាយការណ៍​ថា​មាន​ករណី​ឆ្លង​ថ្មី​នៃ​វីរុស​នេះ​ចំនួន​២៥៦ ករណី​នៅ​ថ្ងៃ​សុក្រ​នេះ ដែលនាំឱ្យ​មាន​ចំនួន​អ្នក​ឆ្លង​សរុប​កើនឡើង​ដល់​២.០២២ នាក់​៕ប្រែសម្រួល៖សុខា/sn

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...