Home ព័ត៌មានជាតិ នយោបាយ លោក​ឧ​ត្ត​ម​ស...

លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​កោតសរសើរ​ចំពោះ​បេក្ខជន​ស្ម័គ្រចិត្ត​ចូល​បម្រើកងទ័ព​

ដោយៈ​មុនី​រ័ត្ន​/​ភ្នំពេញ​៖​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​អគ្គមេបញ្ជាការ​រង​នៃ​កងយោធពល​ខេមរភូមិន្ទ​មេបញ្ជាការ​កងទ័ពជើងគោក​បាន​កោតសរសើរ​ចំពោះ​បេក្ខជន​ស្ម័គ្រចិត្ត​ចូល​បម្រើកងទ័ព​ជាពិសេស​តាមរយៈ​ការ​ក្លាយខ្លួនជា​សិស្ស​នាយទាហាន​នៅក្នុង​គ្រប់​បណ្តា​សាលា​នាយទាហាន​ដែលជា​ថ្នាល​បណ្តុះបណ្តាល លត់​ដំ​ឱ្យ​ក្លាយជា​មេដឹកនាំ ជា​មេបញ្ជាការ​។

ការ​ថ្លែង​នេះ​នៅក្នុង​ពិធី​សំណេះសំណាល​ជាមួយ​បេក្ខជន​-​បេ​ក្ខ​នារី​ប្រឡង​ជាប់​វគ្គ​នាយទាហាន​សក​ម្ម​ជំនា​ន់ទី​២៤​នាយទាហាន​ជើងគោក​ជំនា​ន់ទី​១២​នាយទាហាន​បន្តវេន​ជំនា​ន់ទី​១៣​និង​នាយទាហាន​បច្ចេកទេស​យោធា ឆ្នាំ​២០២០ នៅ​សាកលវិទ្យាល័យ​ការពារជាតិ​កាលពី​ព្រឹក​ថ្ងៃទី​២៨​ខែកុម្ភៈ​ឆ្នាំ​២០២០​។​

​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត បាន​អបអរសាទរ​ចំពោះ​សិស្ស​-​និស្សិត​ជ័យលាភី​ទាំងអស់ និង​សូម​កោតសរសើរ​ចំពោះ​ការស្ម័គ្រចិត្ត​ចូល​បម្រើកងទ័ព​។ជាពិសេស​តាមរយៈ​ការ​ក្លាយខ្លួនជា​សិស្ស​នាយទាហាន​នៅក្នុង​គ្រប់​បណ្តា​សាលា​នាយទាហាន​ដែលជា​ថ្នាល​បណ្តុះបណ្តាល​លត់​ដំ​ឱ្យ​ក្លាយជា​មេដឹកនាំ​ជា​មេបញ្ជាការ​ស្រប​ពេលដែល​កំពុងមាន​ជម្រើស​ការងារ​ជាច្រើន​នៅ​រង់ចាំ​ទាំង​ក្នុង​វិស័យ​រាជការ​ស៊ីវិល​ក្រុមហ៊ុន​ឯកជន​។​អង្គការ​សង្គម​ស៊ីវិល​តាម​លក្ខណៈ​អំណោយផល​នៃ​ការអភិវឌ្ឍ​រីកចម្រើន​របស់​ប្រទេសជាតិ ដែល​ផ្តល់​ជម្រើស និង​សេរីភាព​សម្រាប់​ការជ្រើសរើស​គ្រប់​អាជីព​ការងារ​។

​គ្មាន​ជម្រើស​ការងារ​អាជីព​ណា​ដែលជា​ជម្រើស​ខុស​នោះទេ​លើកលែង​ការប្រព្រឹត្ត​អំពើ​ខុសច្បាប់​ប៉ុណ្ណោះ​ដែល​បំផ្លាញ​អនាគត​ខ្លួនឯង​។​ជម្រើស​ល្អ​គឺ​អាស្រ័យ​លើ​ខ្លួន​យើង​គឺ​ជម្រើស​ដែល​ខ្លួន​យើង​ធ្វើឱ្យ​ល្អ ហើយ​ទាញយក​ប្រយោជន៍​សម្រាប់​ខ្លួន​យើង​។ ជ្រើសរើស​ហើយ​ត្រូវ​ដាក់ចិត្ត​ធ្វើឱ្យបាន​ជោគជ័យ ធ្វើឱ្យ​លះ​ចៀសវាង​ការខាតបង់​ពេលវេលា​។​ដូច្នេះ​សូម​តាំងចិត្ត​ឱ្យ​ច្បាស់លាស់​ហើយ​ជំរុញ​អនុវត្ត​ការសម្រេចចិត្ត​របស់​យើង​ឱ្យបាន​ជោគជ័យ​តាមរយៈ​ការដាក់​ចិត្ត​ខិតខំ​ហ្វឹកហ្វឺន​រៀនសូត្រ​ដើម្បីឱ្យ​ក្លាយខ្លួនជា​នាយទាហាន​ដែលមាន​សមត្ថភាព​ពិតប្រាកដ​។​

​មេបញ្ជាការ​កងទ័ពជើងគោក​បាន​លើកឡើងថា​ការសិក្សា​នៅក្នុង​សាលា​នាយទាហាន​ខុសពី​នៅក្នុង​សាលា​ស៊ីវិល​។​ពិតណាស់​យើង​រៀនចំណេះ​ដឹង​ទូទៅ​មូលដ្ឋាន​មួយចំនួន​ដូចគ្នា​ស្តង់ដារ​គុណភាព​ដូចគ្នា ។ប៉ុន្តែ​សាលា​នាយទាហាន​មាន​ភារកិច្ច​បណ្តុះបណ្តាល​មេដឹកនាំ​ថ្នាក់​បញ្ជាការ ដែលមាន​ភារកិច្ច និង​ការទទួលខុសត្រូវ​ខ្ពស់ និង​ដោយផ្ទាល់​ចំពោះ​អាយុជីវិត​មនុស្ស និង​ជោគវាសនា​ប្រទេសជាតិ ដោយ​ការហ្វឹកហ្វឺន​អប់រំ​ផ្តោត​សំខាន់​លើ​ចំណេះដឹង​ជំនាញ​យោធា​,​ការ​លត់​ដំ​សមត្ថភាព​កាយសម្បទា​, វិន័យ​,​អត្តចរិត​និង​ស្មារតី​,​ការធ្វើឱ្យមាន​ឯកសណ្ឋាន​ទាំង​ផ្នែក​ខាងក្រៅ​និង​ខាងក្នុង។

​រួមទាំង​ការរៀន​កសាង​សមត្ថ​ភាពជា​ក្រុម​,​រៀនធ្វើការ​ជា​ក្រុម​,​រៀន​ទទួលខុស​ត្រូវជា​ក្រុម​,​រៀន​សាមគ្គី​ជួយ​គ្នា​ទៅវិញទៅមក ធ្វើយ៉ាងណា​ឱ្យមាន​ការដាក់​ចិត្ត ដាក់​កាយ​រួមគ្នា ជំរុញ​ឱ្យទៅដល់​សក្តានុពល​ខ្ពស់បំផុត​របស់​ម្នាក់ៗ ដើម្បី​សម្រេច​ភារកិច្ច​រួម​។​

​ជាមួយគ្នានេះ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​ក៏បាន​អរគុណ​ចំពោះ​គណៈកម្មការ​រៀបចំ​ការ​ប្រឡង​គ្រប់​កម្រិត​និង​ក្រុមការងារ​ដែល​បាន​ខិតខំ​រួមគ្នា​បំពេញភារកិច្ច​យ៉ាង​ម៉ឺងម៉ាត់​ហ្មត់ចត់​រហូត​ទទួលបាន​លទ្ធផល​គួរ​ជាទី​មោទនៈ​ដូច​ពេលនេះ​សម្រាប់​យុវជន​យើង​និង​អនាគតជាតិ​របស់​យើង​តាមរយៈ​ការ​ចម្រាញ់​ប្រឡង​ជ្រើសរើស​នាយទាហាន​ប្រកបដោយ​ភាពត្រឹមត្រូវ​,​តម្លាភាព​។

យុត្តិធម៌​និង​សូម​អរគុណ​ដល់​ឱ​ពុក​ម្តាយ​និង​អាណាព្យាបាល​ដែល​បាន​ជំរុញ​លើកទឹកចិត្ត​និង​គាំទ្រ​ចំពោះ​ការសម្រេចចិត្ត​របស់​កូនៗ​ហើយក៏​សូម​វាយតម្លៃ​ខ្ពស់​ចំពោះ​ទំនុកចិត្ត​និង​ការជឿជាក់​របស់​បេក្ខជន​យើង​លើ​សមត្ថភាព​ខ្លួនឯង​,​លើ​គណៈកម្មការ​រៀបចំ​,​និង​លើ​ដំណើរការ​នៃ​ការប្រឡង​នេះ​ដោយ​ប្អូនៗ​បាន​ខិតខំ​ប្រឹងប្រែង​បំពេញ​គ្រប់​វិញ្ញាសា​ដោយ​ប្រើប្រាស់​សមត្ថភាព​ដោយ​ពិតប្រាកដ​។​

​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត បាន​បញ្ជាក់ថា អនុវត្តតាម​គោលនយោបាយ​ការពារជាតិ និង​ទស្សនៈវិស័យ​របស់​ប្រមុខ​រាជរដ្ឋាភិបាល​និង​រដ្ឋមន្ត្រី​ក្រសួងការពារជាតិ​ដែល​តែង​បាន​យកចិត្តទុកដាក់​លើ​ការហ្វឹកហ្វឺន​បណ្តុះបណ្តាល​កងទ័ព​និង​ការធ្វើ​ទំនើបកម្ម​កងទ័ព​គណៈ​កម្ម​ការ​បានធ្វើកា​រយ៉ា​ង​ហ្មត់ចត់​លើ​ការត្រួតពិនិត្យ​លក្ខណៈសម្បត្តិ​សម្រាប់​ការជ្រើសរើស​នាយទាហាន​នេះ ទាំង​កត្តា​សុខភាព និង​ប្រវត្តិ​ទោស​ព្រហ្មទណ្ឌ​។​

​ជាពិសេស​ភាពត្រឹមត្រូវ​នៃ​កម្រិត​សញ្ញាបត្រ​ទុតិយភូមិ​ដែលជា​គោលការណ៍​កំណត់​ដើម្បី​ភាពយុត្តិធម៌​និង​តម្លាភាព​ទូទៅ​ព្រោះ​ជាការ​បណ្តុះបណ្តាល​នាយទាហាន​កម្រិត​បរិញ្ញាបត្រ​សំដៅ​ធ្វើយ៉ាងណា​ធានា​ឱ្យ​បេក្ខជន​នាយទាហាន​មាន​មូលដ្ឋាន​កម្រិតវប្បធម៌​គោល​មធ្យម​មួយ​សមស្រប​។​ដើម្បី​ប្រើប្រាស់​ក្នុង​ការងារ​ដឹកនាំ​បញ្ជា​,​ការងារ​គ្រប់គ្រង​រដ្ឋបាល​ឬ​សម្រាប់​ការកសាង​សមត្ថភាព​បន្ត​តាមរយៈ​ការបណ្តុះបណ្តាល​យោធិន​អាជីព​កម្រិត​ខ្ពស់ៗ​បន្ត​ន្ទា​ប់ និង​ជំនាញ​ផ្សេងៗ ទាំង​ក្នុង និង​ក្រៅប្រទេស​។

​មួយវិញទៀត​ការរីកចម្រើន​នៃ​បច្ចេកវិទ្យា​ទំនើប​ក៏​ត្រូវឱ្យ​នាយទាហាន​មាន​សមត្ថភាព​គ្រប់គ្រាន់ ក្នុងការ​ប្រើប្រាស់​គ្រឿង​បំពាក់​បច្ចេកទេស​ទំនើបៗ​ផងដែរ​។ ចំពោះ​អ្នក​មិនមាន សញ្ញាបត្រ​ទុតិយភូមិ ក៏​នឹង​អាចមាន​លទ្ធភាព​ផ្សេងៗ​ទៀត ដើម្បី​ចូល​បម្រើ​ក្នុង​ជួរ​កងយោធពល​ខេមរភូមិន្ទ​ផងដែរ តាមរយៈ​យន្តការ​ជ្រើសរើស​នានា​ព្រោះ​អ្វីដែល​សំខាន់​គឺ​ទឹកចិត្ត​,​ស្មារតី​និង​ឆន្ទៈ​ក្នុង​បុព្វហេតុ​បម្រើ​ជាតិ​មាតុភូមិ​៕S/

រូប​ថ​តៈ​លោក​ឧ​ត្ត​ម​សេនីយ៍​ឯក​ហ៊ុន​ម៉ា​ណែ​ត​សំណេះសំណាល​ជាមួយ​បេក្ខជន​-​បេ​ក្ខ​នារី​ប្រឡង​ជាប់​វគ្គ​នាយទាហាន​

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...