ដោយៈសៅវ៉ាន់ឌី/ព្រះវិហារ៖លោកមាសសុភាទេសរដ្ឋមន្ត្រីទទួលបន្ទុកបេសកកម្មពិសេសនិងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តព្រះវិហារបានថ្លែងថា៖”វត្ថុដែលមានតម្លៃសំខាន់បំផុតរបស់មនុស្សគឺសុខភាពមិនមែនបុណ្យស័ក្តិនិងទ្រព្យសម្បត្តិនោះទេ”។
លោកទេសរដ្ឋមន្ត្រីបានថ្លែងនៅព្រឹកថ្ងៃទី២៨ខែកុម្ភៈឆ្នាំ២០២០ក្នុងឱកាសអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់អគារប៉ុស្តិ៍សុខភាពប្រើសក្អកស្ថិតក្នុងភូមិប្រើសក្អកឃុំម្លូរព្រៃពីរស្រុកឆែប។
លោកទេសរដ្ឋមន្ត្រីមាសសុភាបានបន្តថាគោលនយោបាយយុទ្ធសាស្ត្រចតុកោណរបស់រាជរដ្ឋាភិបាលផ្តោតសំខាន់ច្រើនណាស់ទៅលើសេវាសាធារណៈសេវាសុខភាពនិងសេវាផ្សេងៗជាច្រើន។លោកបន្តថាក្រោមការដឹកនាំរបស់សម្តេចតេជោហ៊ុនសែនបានធ្វើឱ្យប្រទេសមានសុខសន្តិភាពពេញលេញគ្មានតំបន់អប្បគមន៍គ្មានការបែងចែកទឹកដីដូចមុនទៀតទេ។ដែលចំណុចនេះលោកអំពាវនាវឱ្យប្រជាពលរដ្ឋត្រូវចូលរួមថែរក្សាសុខសន្តិភាពទាំងអស់គ្នាបើគ្មានសុខសន្តិភាពទេគ្មានការអភិវឌ្ឍទៅរួចទេ។
លោកវេជ្ជបណ្ឌិតគួងឡូបានថ្លែងថាអគារប៉ុស្តិ៍សុខភាពប្រើសក្អកនេះបានសាងសង់នៅថ្ងៃទី២៩ខែកក្កដា ឆ្នាំ២០១៩និងបានបញ្ចប់ការសាងសង់នៅថ្ងៃទី៣០ខែកញ្ញាឆ្នាំ២០១៩។អគារនេះមានទំហំ១២ម៉ែត្រ គុណ៦ម៉ែត្រក្រាលឥដ្ឋការ៉ូដំបូលប្រក់ក្បឿងមាន២បន្ទប់។គឺបន្ទប់រង់ចាំមុននិងក្រោយសម្រាលបន្ទប់សម្រាលនិងបន្ទប់ទឹកមួយសរុបថវិកាសាងសង់និងហេដ្ឋារចនាសម្ពន្ធ័ផ្សេងៗអស់ថវិកាសរុប៣៨.៣៨៤ដុល្លារអាមេរិក៕S/
