Home ព័ត៌មានអន្តរជាតិ តួកគីវាយសងសឹក...

តួកគីវាយសងសឹកវិញ សម្លាប់ទាហានស៊ីរីជាង ៣០ នាក់

អង្គការឃ្លាំមើលមួយបាននិយាយថា ការវាយសងសឹករបស់តួកគីបានសម្លាប់ទាហានស៊ីរី ៣១ នាក់នៅក្នុងសមរភូមិប្រយុទ្ធនៅភាគពាយព្យខេត្តអ៊ីដលីបកាលពីថ្ងៃសុក្រទី២៨កុម្ភៈ បន្ទាប់ពីការបាញ់ផ្លោងមួយ ដែលរបបក្រុងអង់ការ៉ាស្តីបន្ទោសទៅលើរបបក្រុងដាម៉ាសនោះ បានសម្លាប់ទាហានតួកគី ៣៣ នាក់។

អង្គការឃ្លាំមើលសិទ្ធិមនុស្សស៊ីរីបាននិយាយថាការវាយប្រហារសងសឹកដោយយន្តហោះដ្រូននិងកាំភ្លើងធំបានវាយចំទីតាំងកងទ័ពស៊ីរីនៅផ្នែកភាគខាងត្បូងនិងភាគខាងកើតនៃខេត្តអ៊ីដលីប ដែលដណ្តើមកាន់កាប់ឡើងវិញដោយរដ្ឋាភិបាលស៊ីរីនៅក្នុងការវាយលុករយៈពេលជិត ៣ ខែប្រឆាំងនឹងក្រុមឧទ្ទាម។

អង្គការបានបន្ថែមថាយ៉ាងហោចណាស់អ្នកប្រយុទ្ធរបស់របបស៊ីរី ២៧ នាក់បានស្លាប់នៅក្នុងការវាយប្រហារនោះ ខណៈ ៤ នាក់ផ្សេងទៀតត្រូវបានសម្លាប់ដោយការបាញ់កាំភ្លើងធំទៅលើទីតាំងនានានៅក្នុងខេត្តជិតខាង អាឡេបប៉ូ។

យោងតាមអង្គការដែលមានមូលដ្ឋាននៅអង់គ្លេសនេះបានឱ្យដឹងថា កាលពីថ្ងៃសុក្រផងដែរ នៅខេត្តអ៊ីដលីប សមាជិកបួននាក់នៃគ្រួសារមួយ ដែលពីរនាក់ជាកុមារ ត្រូវបានសម្លាប់នៅក្នុងការវាយប្រហារតាមអាកាស។

មិនទាន់មានការបញ្ជាក់ណាមួយភ្លាមៗពីរដ្ឋាភិបាលក្រុងដាម៉ាសពីការស្លាប់ទាហានរបស់ខ្លួននៅឡើយទេ។

ប៉ុន្តែប្រភពមួយនៅក្រសួងការបរទេសបានរិះគន់ការពាក់ព័ន្ធនៃកងកម្លាំងរបស់ប្រធានាធិបតីតួកគីលោក រីស៊ីប ថាយយីប អឺដូហ្គាន នៅក្នុងការប្រយុទ្ធរួមដៃជាមួយក្រុមភេរវករ។

ប្រភពបានបន្ថែមថា កងទ័ពស៊ីរីនឹងបំពេញភារកិច្ចរបស់ខ្លួនក្នុងការលុបបំបាត់វត្តមានភេរវករនៅលើទឹកដីស៊ីរីឱ្យអស់។ ពាក្យភេរវករគឺចង់សំដៅលើក្រុមឧទ្ទាមនិងក្រុមជីហាតនិយម៕ ដោយ៖ កញ្ញាដាលីស

ទាហានស៊ីរី ៣១ នាក់ស្លាប់ក្នុងការវាយប្រហារសងសឹកពីតួកគីកាលពីថ្ងៃសុក្រ

ទីតាំងផ្សាយពាណិជ្ជកម្ម

- Advertisment -

Most Popular

ក្រសួង​អប់រំ​ប្រកាស​ផ្អាក...

​ដោយ​: គូលែន / សៀមរាប​: ក...

សាលា​រាជធានី​ភ្នំពេញ ចេញ​...

ដោយ​៖​រ៉ា​ម៉ន​/​ភ្នំពេញ​៖...

លទ្ធផល​ពិសោធន៍ លើ​វត្ថុ​ស...

​ដោយៈ ភ្នំ​ស្វាយ​-​ទេព មង...

សាលា​រាជធានី​ភ្នំពេញ ចេញ​...

​ដោយៈ​រ៉ា​ម៉ន​/​ភ្នំពេញៈ ...