Home ព័ត៌មានជាតិ សន្តិសុខ រថយន្ត​តូ​យូ​...

រថយន្ត​តូ​យូ​តា​ព្រូស​បុក​ម៉ូតូ​កង់​បី​ឥណ្ឌា​ពីក្រោយ​ក្រឡាប់​ផ្ងារជើង​ម្ខាង​, ម្ចាស់​រងរបួស​ធ្ងន់​

ដោយ​: ម៉ា​រ៉ា / ភ្នំពេញ​: រថយន្ត​តូ​យូ​តា​ព្រូស​មួយគ្រឿង ​មិន​ចាំ​ផ្លាកលេខ បោះពួយ​ទៅបុក​ម៉ូតូ​កង់​បី​ឥណ្ឌា​ពីក្រោយ​ពេញទំហឹង បណ្ដាលឱ្យ​ក្រឡាប់​ផ្ងារជើង​ម្ខាង​ ម្ចាស់​កង់​បី​រងរបួស​ធ្ងន់ រថយន្ត​បង្ក​បើក​រត់គេចខ្លួន​បាត់​ប​ន្ស​ល់​ទុក​កាង​ខាងមុខ​មួយ​ចំហៀងនៅនឹងកន្លែង​កើតហេតុ​។ ហេតុការណ៍​នេះ កើតឡើង​កាលពី​វេលា​ម៉ោង ១១​និង​១០​នាទី​យប់​ថ្ងៃទី​២៨ ខែកុម្ភៈ​ឆ្នាំ​២០២០ ស្ថិតនៅតាម​បណ្តោយ​ផ្លូវ​១០០៣ កែង​នឹង​ផ្លូវ​១៩៥៨ ក្នុង​សង្កាត់​ភ្នំពេញ​ថ្មី ខណ្ឌ​សែន​សុខ​។​

​តាម​ប្រភពព័ត៌មាន​ពី​កន្លែងកើតហេតុ បាន​ឲ្យ​ដឹងថា មុន​កើតហេតុ​ គេ​ឃើញ​ម៉ូតូ​កង់​បី​ឥណ្ឌា​មួយគ្រឿង​ពណ៌​ស​ ពាក់​ផ្លាកលេខ ស្វាយរៀង 1O-3008 បើកបរ​ដោយ​បុរស​ម្នាក់ ធ្វើដំណើរ​តាម​បណ្ដោយ​ផ្លូវ​១៩៥៨ ទិសដៅ​ពី​កើ​តទៅ​លិច ​លុះ​មកដល់​ចំណុចកើតហេតុ​ខាងលើ កែង​នឹង​ផ្លូវ​១០០៣ ក៏មាន​រថយន្ត​តូ​តា​ព្រូស​មួយគ្រឿង​ពណ៌​ស មិន​ចាំ​ផ្លាកលេខ បើក​មកពី​ក្រោយ​បោះពួយ​យ៉ាង​លឿន ជ្រុល​ទៅបុក​ម៉ូតូ​កង់បី​ពីក្រោយ​ពេញទំហឹង​បណ្ដាលឱ្យ​ក្រឡាប់​ផ្ងារជើង​ម្ខាង ចំណែក​អ្នកបើកបរ​រងរបួស​ធ្ងន់ ត្រូវបាន​បញ្ជូនទៅ​សង្គ្រោះ​នៅឯ​មន្ទីរពេទ្យ​ភ្លាម​។ ចំណែក​រថយន្ត​បង្ក​បើក​រត់គេចខ្លួន​បាត់ស្រមោល បន្សល់ទុក​កាង​ខាងមុខ​មួយ​ចម្រៀក នៅនឹងកន្លែង​កើតហេតុ​។​

​ក្រោយ​កើតហេតុ សមត្ថកិច្ច​ជំនាញ​ចុះមក​ធ្វើការ​វាស់វែង​យក​ម៉ូតូ​កង់​បី​ឥណ្ឌា​ទៅ​រក្សាទុក​បណ្ដោះអាសន្ន នៅ​អធិការដ្ឋាន​ខណ្ឌ​សែន​សុខ ដើម្បី​ធ្វើការ​ស្រាវជ្រាវ​រក​រថ​យន្ត​បង្ក​យកមក​ដោះស្រាយ​គ្នា​ទៅតាម​ផ្លូវច្បាប់​៕ ល​/Ha

ទីតាំងផ្សាយពាណិជ្ជកម្ម

- Advertisment -



Most Popular