Home ព័ត៌មានជាតិ សន្តិសុខ មន្ត្រី​អាវុធ...

មន្ត្រី​អាវុធហត្ថ​ខណ្ឌចំការមន​ម្នាក់​ត្រូវ​រថយន្តបុក​ប៉ើ​ង​ជាច្រើន​ម៉ែត្រ ​របួសធ្ងន់​

ដោយ​: ម៉ា​រ៉ា / ភ្នំពេញ​: រថយន្ត​កាមរី​ឆ្លាម​មួយគ្រឿង បោះពួយ​ទៅបុក​មន្ត្រី​អាវុធហត្ថ​ខណ្ឌចំការមន​ម្នាក់ ខ​ណៈ​ជិះ​ម៉ូតូ​ឆ្លងផ្លូវ​ប៉ើង​ជាច្រើន​ម៉ែត្រ បណ្ដាល​ឲ្យ​រងរបួស​ធ្ងន់ ​រថយន្ត​បង្ក​ព្យាយាម​បើក​រត់​ជាង ១០០​ម៉ែត្រ ត្រូវ​បងប្អូន​ប្រជាពលរដ្ឋ​ដេញចាប់បាន​វិញ​។​

​ហេតុការណ៍​នេះ កើតឡើង​កាលពី​វេលា​ម៉ោង ១​យប់​រំលង​អា​ធ្រា​ត្រ​ឈានចូល​ថ្ងៃទី​២៩ ខែកុម្ភៈ ឆ្នាំ​២០២០ ស្ថិតនៅតាម​បណ្ដោយ​ផ្លូវ​១៦៣ កែង​នឹង​៤៨២ ក្នុង​សង្កាត់​ទួល​ទំពូង​២ ខណ្ឌចំការមន​។​

​តាម​ប្រភពព័ត៌មាន​ពី​កន្លែងកើតហេតុ បាន​ឲ្យ​ដឹងថា មុន​កើតហេតុ​គេ​ឃើញ​បុរស​ម្នាក់​ជាម​ន្ត្រី​អាវុធហត្ថ​ជិះ​ម៉ូតូ​មួយគ្រឿង ម៉ាក​អិ​ច​សាយ​ទ័​រ ពាក់​ផ្លាកលេខ ខេមរភូមិន្ទ​02 1-6789 ធ្វើដំណើរ​តាម​បណ្តោយ​ផ្លូវ​៤៨២ ទិសដៅ​ពី​កើ​តទៅ​លិច​លុះ​មកដល់​ចំណុចកើតហេតុ​ខាងលើ កែង​នឹង​ផ្លូវ​១៦៣ ក៏មាន​រថយន្ត​មួយគ្រឿង​ម៉ាក​កាមរី​ឆ្លាម ពណ៌​ស្ករ​ពាក់​ផ្លាកលេខ ក្រចេះ 2A-0472 បើកបរ​ដោយ​បុរស​ម្នាក់​រួម​ដើរ និង​ស្ត្រី​ជាច្រើន​នាក់​ទៀត ធ្វើដំណើរ​តាម​បណ្ដោយ​ផ្លូវ ១៦៣ ទិសដៅ​ពី​ត្បូង​ទៅ​ជើង​ក្នុង​ល្បឿន​លឿន ​ចាប់​ហ្វ្រាំង​មិនទាន់​ជ្រុលទៅបុក​ម៉ូតូ​ចំពាក់​កណ្ដាល​ម៉ូតូ​ពេញទំហឹង​ប៉ើង​ជាច្រើន​ម៉ែត្រ បណ្តាល​ឲ្យ​មន្ត្រី​អាវុធហត្ថ​ម្នាក់​រងរបួស​ធ្ងន់ ត្រូវបាន​រថយន្ត​សង្គ្រោះបន្ទាន់​ដឹក​ជនរងគ្រោះ​ទៅ​សង្គ្រោះ នៅឯ​មន្ទីរពេទ្យ​ភ្លាម​។ ចំណែក​រថយន្ត​បង្ក​ព្យាយាម​បើក​រត់​បាន​ប្រមាណ​ជាង ១០០​ម៉ែត្រ ត្រូវបាន​បងប្អូន​ប្រជាពលរដ្ឋ​ដេញចាប់បាន​មកវិញ រួច​ប្រគល់ជូន​សមត្ថកិច្ច​។​

​ក្រោយ​កើតហេតុ សមត្ថកិច្ច​មូលដ្ឋាន​និង​ជំនាញ​បានធ្វើការ​វាស់វែង​យក​រថយន្ត និង​ម៉ូតូ​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ រង់ចាំ​ដោះស្រាយ​គ្នា​ទៅតាម​ផ្លូវច្បាប់​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...

ឡាន​ដឹក​ថ្ម​បុក​ម៉ូតូ​មួយ...

ដោយៈ​ស​រិ​ទ្ធ​/​ភ្នំពេញ​:...