Home ព័ត៌មានអន្តរជាតិ វៀតណាម​ផ្អាក​...

វៀតណាម​ផ្អាក​ការ​មិន​យក​ទិដ្ឋាការ​លើ​ជនជាតិ​កូរ៉េ នៅ​ពេល​កូរ៉ូណា​វីរុស​ឆ្លង​ជិត​៣.០០០​នាក់​នៅ​កូរ៉េ​

​ជនជាតិ​កូរ៉េ​ខាងត្បូង​នឹង​លែង​ត្រូវ​អនុញ្ញាត​ឲ្យ​ចូល​ក្នុងប្រទេស​វៀតណាម​ដោយ​មិន​ចាំបាច់​មាន​ទិដ្ឋាការ​ទៀតហើយ ចាប់ពី​ថ្ងៃ​សៅរ៍​ទី​២៩​កុម្ភៈ​នេះ​ទៅ ដោយសារ​អាជ្ញាធ​រវៀត​ណា​ម​ចាត់វិធានការ​ទប់ស្កាត់​ការឆ្លង​រាលដាល​កូរ៉ូណា​វីរុស​Covid-19,​នេះ​បើ​តាម​ការផ្សាយ​របស់​សារព័ត៌មាន​VnExpress​។​

​អនុ​រដ្ឋមន្ត្រីការបរទេស​វៀតណាម​លោក តូ អាញ់ យុង បាន​និយាយ​កាលពី​ថ្ងៃ​សុក្រ​ថា ការផ្អាក​ទិដ្ឋាការ​នេះ​ជា​វិធានការ​បណ្តោះអាសន្ន​ទេ ដើម្បី​រារាំង​ទប់ស្កាត់​​ជំងឺឆ្លង​ក្នុង​ប្រទេស​វៀតណាម ការពារ​សុខភាព​របស់​ប្រជាជន​និង​បន្ថយ​ផលប៉ះពាល់​លើ​សេដ្ឋកិច្ច​របស់​ប្រទេស​និង​សង្គម​។​

​លោក​បាន​បន្ថែមថា គ្រប់​ជន​កូរ៉េ​ខាងត្បូង​ដែល​ចង់​ចូល​វៀតណាម ត្រូវ​បង្ហាញ​ទិ​ដ្ឋកា​រមាន​សុពលភាព​ដែល​ផ្តល់​ដោយ​រដ្ឋាភិបាល​វៀតណាម ចាប់ពី​ថ្ងៃ​សៅរ៍​ទី​២៩​កុម្ភៈ​។​នរណា​ដែល​បានមក​ពី​កូរ៉េខាងត្បូង​ឬ​បាន​នៅ​ទីនោះ​ក្នុង​រយៈពេល​១៤​ថ្ងៃ​មកនេះ នឹង​ត្រូវ​ដាក់​នៅ​ដាច់​ពី​គេ​ដើម្បី​តាមដាន​សុខភាព​។​

អ្នកដំណើរ​មកពី​កូរ៉េខាងត្បូង រង់ចាំ​ការពិនិត្យ​សុខភាព​នៅ​អាកាសយានដ្ឋាន​ណូយ​បៃ ក្រុង​ហាណូយ កាលពី​ថ្ងៃ​២៧​កុម្ភៈ​

​នាយករដ្ឋមន្ត្រី​វៀតណាម​កាលពី​ថ្ងៃ​អង្គារ​ក៏​បាន​បញ្ជា​ឲ្យ​ផ្អាក​ការចូល​របស់​ជន​មកពី​តំបន់​ផ្ទុះ​Covid-19 ដូចជា​កូរ៉េ​ខាងត្បូង ជប៉ុន អ៊ីរ៉ង់​និង​អ៊ីតាលី​។​

​កូរ៉េខាងត្បូង​ឥឡូវ​ក្លាយ​ជា​ការចាប់អារម្មណ៍​របស់​ពិភពលោក​ដោយសារ​វា​ក្លាយជា​កន្លែង​ផ្ទុះ​ំងឺឆ្លង​Covid-19 ធំ​បំផុត​ក្នុង​លោក​បន្ទាប់ពី​ចិន​។​

​នៅ​ថ្ងៃ​សៅរ៍​ទី​២៩​កុម្ភៈ​នេះ កូរ៉េខាងត្បូង​បាន​រាយការណ៍​ការឆ្លង​ថ្មី​ចំនួន​៥៩៤​នាក់​បន្ថែមទៀត នាំ​ឲ្យ​អ្នក​ឆ្លង​កូរ៉ូណា​វីរុស​នេះ​នៅ​កូរ៉េ​ខាងត្បូង​កើន​ដល់​២.៩៣១​នាក់ និង​ស្លាប់​៣​នាក់​បន្ថែម​។​

​ស្ត្រី​៣​នាក់​នៅ​ក្រុង​ដេ​ហ្គូ បាន​ស្លាប់​ដោយសារ​ជំងឺឆ្លង​នេះ នាំ​ឲ្យ​អ្នក​ស្លាប់​សរុប​នៅ​កូរ៉េ​ខាងត្បូង​កើន​ដល់​១៦​នាក់​៕​ប្រែ​សម្រួល​៖​វាសនា​/Ha

អ្នក​ជំងឺ​Covid-19​ត្រូវបាន​បញ្ជូន​ទៅកាន់​មន្ទីរពេទ្យ​ក្រុង​សេ​អ៊ូ​ល​កាលពី​ថ្ងៃ​២៧​កុម្ភៈ

ទីតាំងផ្សាយពាណិជ្ជកម្ម

- Advertisment -

Most Popular