Home កីឡា កម្មវិធី​ប្រក...

កម្មវិធី​ប្រកួត​បាល់ទាត់​អន្តរជាតិ​ថ្ងៃ សៅរ៍ ទី​២៩ ខែ កុម្ភៈ ឆ្នាំ ២០២០

•​ ​ក្របខ័ណ្ឌ English Premier League រដូវ​កាល​២០១៩ / ២០២០
(19:30) Brighton vs Crystal Palace
(22:00) Bournemouth vs Chelsea
(22:00) Newcastle vs Burnley
(22:00) West Ham vs Southampton
(00:30) Watford vs Liverpool
​គូ​ល្អ​ប្រចាំ​សប្តាហ៍​
Watford vs Liverpool

វា​មិនមែនជា​រដូវ​កាល​ដ៏​ល្អ​សម្រាប់​ក្រុម Watford នោះទេ នៅ​ឆ្នាំ​២០១៩​និង​២០២០​នេះ ហើយ​ខណៈពេល​ពួកគេ​ស្វែងរក​ពិន្ទុ ដើម្បី​បន្តដំណើរ​ទៅមុខទៀត​។ ក្រុម Watford ត្រូវ ប្រឈម​នឹង​ការងារ​លំបាក​នៅ​ចុង​សប្តាហ៍​នេះ គឺ​ការប្រកួត​ក្នុង​ទឹកដី​ជាមួយ​ក្រុម Liverpool ។
​ ​
ក្រុម Watford ឈរ​នៅ​លេខ​រៀង​ទី​១៩​នៅលើ​តារាង មាន​២៤​ពិន្ទុ ស្របពេល​ក្រុម Liverpool ដែល​ឈរ​នៅលើ​កំពូល​តារាង​មាន​៧៩​ពិន្ទុ​។​ក្រុម​ម្ចាស់ផ្ទះ​ទើបនឹង​ចាញ់​ក្រុម​ម៉េ​ន​ឆេ​ស្ទ័​រ យូ​ណាយ​ធី​ត ៣-០ ហើយ​ប្រាកដ​ណាស់ វា​នឹង​មិនមែនជា​រឿង​ងាយស្រួល​នោះទេ​។​
​ ​
​ក្រុម​នេះ​មិនទាន់​ឈ្នះ​នៅឡើយ​ទេ​ក្នុង​៦​ប្រកួត​ចុងក្រោយ ហើយ​មិនទាន់​រក្សាបាន​ឃ្លី​ន​ស៊ីតនៅឡើយ​ទេ​ក្នុង​៥​ប្រកួត​ចុងក្រោយ​។​
​ ​
តាមពិត ក្រុម Watford បាន​របូត​២​គ្រាប់​ឬ​ច្រើនជាង​នេះ ក្នុង​៤​ប្រកួត​ចំណោម​៥​ប្រកួត ចុងក្រោយ​។ ក្រុម​នេះ​ខកខាន​មិនបាន​រក​គ្រាប់​បាល់​ត្រឹម​១​ប្រកួត​ចំណោម​៥​ប្រកួត ចុងក្រោយ​។​
​ ​
​ក្រុម Watford ឈាន​ជើង​ចូលរួម​ការប្រកួត​នេះ ដោយ​ទើប​ចាញ់​១​ប្រកួត​ក្នុងចំណោម​៧​ប្រកួតក្នុង​ទឹកដី ប៉ុន្តែ​គ្មាន​គូប្រកួត​ណា​ដែល​អាច​ទប់​នឹង​ក្រុម Liverpool បាន​នោះទេ​នៅពេលនេះ​។​
​ ​
បើ​គិតពី​ប្រវត្តិ​ជួបគ្នា​កន្លងមក ក្រុម Watford មាន​ស្ថិតិ​អន់​ណាស់​ជាមួយ​ក្រុម Liverpool ។ ក្រុម​នេះ​ចាញ់​ទាំង​បួន​ប្រកួត ដោយ​មិនអាច​រកបាន​១​គ្រាប់​សោះ​។ ក្រុម​នេះ​របូត​១៦​គ្រាប់ ក្នុងជំនួប​៤​លើកចុងក្រោយ​។​
​ ​
ចំណែក​ក្រុម Liverpool វិញ​មិនទាន់​ស្គាល់​ពាក្យ​ថា ចាញ់​នៅឡើយ​ទេ​ក្នុង​៨​ប្រកួត​ចុងក្រោយ ជាមួយ​ក្រុម Watford ។ ក្រុម Liverpool ឈាន​ជើង​ចូលរួម​ការប្រកួត​នេះ បន្ទាប់ពី​យកឈ្នះ​ក្រុម West Ham ៣-២ ប៉ុន្តែ​ចាញ់​ក្រុម Atletico Madrid ១-០ មុននេះ​នៅ​ក្របខណ្ឌ​ឆេ​ម​ពាន​លី​ក​។​
​ ​
ក្រុម Liverpool គឺជា​ក្រុម​ដែល​មិនទាន់​ស្គាល់​ពាក្យ​ថា ចាញ់​ទេ នៅ​ក្របខណ្ឌ​ព្រី​មី​ញ៉េ​លី​ក ហើយ​លេង​ឈ្នះ​១៨​ប្រកួត​ជាប់​គ្នា​។ ក្រុម Liverpool គឺជា​ក្រុម​ដែលមាន​ប្រៀប​ឈ្នះ​ច្រើនជាង​។ ក្រុម​នេះ​ឈ្នះ​២៦​ក្នុងចំណោម​២៧​ប្រកួត​នៅ​ក្របខណ្ឌ​ព្រី​មី​ញ៉េ​លី​កនៅ​រដូវ​កាល​នេះ ហើយ​ឈ្នះ​៨​ប្រកួត​នៅក្រៅ​ទឹកដី​និង​នៅក្នុង​ទឹកដី ខណៈ​ពួកគេ​ឈាន​ជើង​ចូលរួម​ការប្រកួត​នេះ​។​
​ ​
១៣​ប្រកួត​ក្រៅ​ទឹកដី ក្រុម Liverpool រកបាន​២​គ្រាប់​ឬ​ច្រើនជាង​នេះ​។ ក្រុម Liverpool មាន​ប្រព័ន្ធ​ការពារ​ឆ្នើម​បំផុត​នៅក្នុង​លី​ក​ហើយ​ជា​ក្រុម​រកបាន​គ្រាប់​ច្រើន​បំផុត​ទី​២​ក្នុង​លី​ក នៅ​រដូវ​កាល​នេះ​។​
​ ​
ក្រុម​នេះ​រកបាន​២​ឬ​ច្រើនជាង​នេះ​ក្នុង​៧​ចំណោម​៨​ប្រកួត​ចុងក្រោយ​ជាមួយ​ក្រុម Watford ដែល​មិនអាច​រកបាន​គ្រាប់​បាល់​ច្រើន​នេះ​។ Liverpool ជា​ក្រុម​ដែលមាន​សង្ឃឹម​ឈ្នះ​ក្នុង ការប្រកួត​នេះ​៕
​ទស្សន​: Watford 1-3 Liverpool
•​ ​ក្របខ័ណ្ឌ​អេ​ស្ប៉ា​ញ La Liga រដូវ​កាល​២០១៩ / ២០២០
(19:00) Eibar vs Levante
(22:00) Valencia vs Betis
(00:30) Leganes vs Alaves
(03:00) Granada vs Celta Vigo
​គូ​ល្អ​ប្រចាំ​សប្តាហ៍​
Valencia vs Betis

​វា​គឺជា​ពេលវេលា​ដ៏​គួរ​ឲ្យ​បារម្ភ​សម្រាប់​ក្រុម​ទាំងពីរ​។ ក្រុម Valencia ធ្លាក់​មក​លេខ​រៀង​ទី​៨​នៅក្របខ័ណ្ឌ La Liga ស្របពេល​ក្រុម Real Betis ធ្លាក់​មក​លេខ​រៀង​ទី​១៣​នៅលើ​តារាង​ពិន្ទុ​។​
​ ​
​ក្រុម​ក្នុង​ទឹកដី​ឈាន​ជើង​ចូលរួម​ការប្រកួត​នេះ​ជាមួយ​ទម្រង់​លេង​ដ៏​អន់ ដោយ​មិនទាន់​រកបានជ័យជម្នះ​មួយ​ប្រកួត​សោះ​ក្នុង​៥​ប្រកួត​ចុងក្រោយ​ក្នុង​លី​ក​។ ក្រុម​នេះ​ចាញ់​ក្រុម Granada នៅ​ក្របខណ្ឌ Copa del Rey ហើយ​ចាញ់​ក្រុម Atalanta ៤-១​បន្ទាប់ពី​ប្រកួត​ជើង​ទី​១ នៅ​ក្របខណ្ឌ​ឆេ​ម​ពាន​លី​ក​។​
​ ​
កាលពី​ចុង​សប្តាហ៍ ក្រុម Real Betis ចាញ់​ក្រុម Real Sociedad ៣-០ ដោយ​បង្កើន​ស្ថិតិ​របូតគ្រាប់​បាល់​ឡើងដល់​១៤​គ្រាប់​ក្នុង​៥​ប្រកួត​ចុងក្រោយ​។ បួន​ប្រកួត​ក្នុង ចំណោម​គឺ​ការប្រកួត ចាញ់​នៅក្រៅ​ទឹកដី ហើយ​នេះ​មិនមែនជា​ស្ថិតិ​ល្អ​នោះទេ ដោយ​ចាញ់​ក្រៅ​ទឹកដី​៧​លើក នៅ​រដូវ​កាល​នេះ​។​
​ ​
ស្ថិតិ​ថ្មី​បំផុត​របស់​ក្រុម Betis គឺ​ស្មើ ២-២ ជាមួយ​ក្រុម Atletico Madrid​ដោយ​បញ្ចប់​ស្ថិតិ​ឃ្លី​ន​ស៊ីត បី​ប្រកួត​ជាប់​គ្នា​ក្នុង​ទឹកដី​។​
​ ​
ចំណែក​ក្រុម Valencia មាន​២​ពិន្ទុ​នៅក្រោម​កៅអី​នៅ​ក្របខណ្ឌ Europa League និង​មានគម្លាត​៥​ពិន្ទុ​ពី​កៅអី​នៅ​ក្របខ័ណ្ឌ​ឆេ​ម​ពាន​លី​ក​។ ក្រុម​នេះ​មិនទាន់​ចាញ់​ទេ​ក្នុង​១៤​ប្រកួត​ចុងក្រោយ​ក្នុង​ទឹកដី ដូច្នេះ​ទំនងជា​វិល​មករក​ទម្រង់​លេង​ឈ្នះ​វិញ​នៅ​ចុង​សប្តាហ៍​នេះ​។​
​ ​
ក្រុម Real Betis កំពុង​ប្រឹងប្រែង​ចង់​ធ្វើ​ឲ្យ​បានល្អ ដើម្បី​យកឈ្នះ​ក្រុម Valencia ជា​លើក​ទី​២ បន្ទាប់ពី​យកឈ្នះ​ក្រុម​នេះ​ក្នុង​ទឹកដី​កាលពី​ខែវិច្ឆិកា​។ ក្រុម Betis មាន​គម្លាត​៨​ពិន្ទុ​ពី​គូប្រកួត​។​
​ ​
ក្រុម Betis កំពុងមាន​ការលំបាក​ជាមួយ​ទម្រង់​លេង​បច្ចុប្បន្ន ដោយ​មិនអាច​រកបាន​ជ័យជម្នះ សូម្បី​១​ប្រកួត​ក្នុង​៦​ប្រកួត​ចុងក្រោយ​ក្នុង​លី​ក​។ កម្មវិធី​ប្រកួត​ថ្មី​បំផុត ពួកគេ​បាន​ត្រឹម​ស្មើ ៣-៣ ក្នុង​ទឹកដី​ជាមួយ​ក្រុម Mallorca​។​
​ ​
ក្រុម​នេះ​ឈ្នះ​ត្រឹម​១​ប្រកួត​ប៉ុណ្ណោះ​ក្នុង​១២​ប្រកួត​ក្រៅ​ទឹកដី ហើយ​បួន​ក្នុងចំណោម​ប្រាំ​ប្រកួតចុងក្រោយ​បាន​ត្រឹម​ស្មើ​។​
​ ​
ក្រុម Betis ទើបនឹង​រកបាន​ពីរ​គ្រាប់​ក្នុង​បួន​ប្រកួត​ចុងក្រោយ​នៅ​ក្របខ័ណ្ឌ La Liga ។ ចំណែក​ក្រុម Valencia ត្រូវការ​ឈ្នះ ដើម្បី​បង្កើន​ទំនុកចិត្ត​មុនពេល​វិល​ត្រឡប់មក​ប្រកួត ជាមួយ​ក្រុម Atalanta វិញ​។ ចាំ​មើលថា តើ​ក្រុម​ណាមួយ​ធ្វើបាន​ល្អ​ជាង​នៅ​រាត្រី​ថ្ងៃ​សៅរ៍​នេះ​៕
​ទស្សន​: Valencia 3-2 Betis
•​ ​ក្របខ័ណ្ឌ​បារាំង Ligue 1 រដូវ​កាល ២០១៩/២០២០
(23:30) Paris Saint Germain vs Dijon
(02:00) Amiens vs Metz
(02:00) Brestois vs Angers
(02:00) Monaco vs Reims
(02:00) Montpellier vs Strasbourg
(02:00) Toulouse vs Rennes
​គូ​ល្អ​ប្រចាំ​សប្តាហ៍​
Paris Saint Germain vs Dijon

ក្រុម PSG មាន​យុទ្ធនា​ការល្អ​មែនទែន​នៅ​ក្របខណ្ឌ Ligue 1 ប៉ុន្តែ​លទ្ធផល​ប៉ុន្មាន​ប្រកួត​ចុង ក្រោយនេះ​បានបង្ហាញ​ពី​ចំណុចខ្សោយ​ក្នុង​ក្រុម​នៅមុន​ជំនួប​ក្នុង​ទឹកដី​ជាមួយ​ក្រុម Dijon ។​
​ ​
ក្រុម PSG អាច​រកបាន​៦៥​ពិន្ទុ ហើយ​ឈរ​នៅលើ​កំពូល​តារាង ស្របពេល​ក្រុម Dijon មាន​២៧​ពិន្ទុ ឈរ​នៅ​លេខ​រៀង​ទី​១៧​។ ខណៈ​ក្រុម​នេះ​ទំនងជា​លើក​ពាន​ជើងឯក​ជាថ្មី​នោះ ពួកគេ​បានបង្ហាញ​នូវ​ការ​ប្រេះស្រាំ​ខ្លះ​នាពេល​ថ្មីៗ​នេះ​។​
​ ​
​ក្រុម​នេះ រកបាន​ជ័យជម្នះ​៣​ប្រកួត​ក្នុង​៥​ប្រកួត​ចុងក្រោយ ហើយ​ក្នុង​៥​ប្រកួត​ពួកគេ​របូត​១២គ្រាប់​។ ទោះបីជា​យ៉ាងណា ក្រុម​នេះ​ទាត់​បញ្ចូល​ទី​ទាំង​៥​ប្រកួត​។ ក្រុម PSG អាច​រកបាន​៤គ្រាប់​ឬ​ច្រើនជាង​នេះ​ក្នុង​បួន​ប្រកួត​ចំណោម​៥​ប្រកួត​ចុងក្រោយ​។​
​ ​
​ក្រុម​នេះ​មាន​ស្ថិតិ​ល្អ​ក្នុង​ទឹកដី​ផងដែរ ហើយ​ផ្អែកលើ​ស្ថិតិ​នេះ​។ ក្រុម PSG មិនទាន់​ស្គាល់ពាក្យ​ថា ចាញ់​នៅឡើយ​ទេ​ក្នុង​១២​ប្រកួត​ក្នុង​ទឹកដី ហើយ​ក្នុងចំណោម​នោះ​ពួកគេ​ឈ្នះ១១​ប្រកួត​។​
​ ​
ចំណែក​ក្រុម Dijon ថ្មីៗ​នេះ​ចាញ់​ក្រុម PSG ក្នុង​ប្រកួត​ដណ្តើមពាន​ហើយ​ពួកគេ​នឹង​ព្យាយាមធ្វើ​ឲ្យ​បានល្អ​ជាង​នេះ​។ ក្រុម Dijon ធ្វើ​មិនសូវ​បានល្អ​ទេ​នៅលើ​តំបន់​ប្រយុទ្ធ​ថ្មីៗ​នេះ ហើយពួកគេ​ត្រូវ​ពង្រឹង​ប្រព័ន្ធ​ការពារ​បន្ថែមទៀត​។​
​ ​
ក្រុម​នេះ​មិនទាន់​ឈ្នះ​នៅឡើយ​ទេ​ក្នុង​៥​ប្រកួត​ចុងក្រោយ ប៉ុន្តែ​ពួកគេ​ខកខាន​មិនបាន​រក​គ្រាប់ បាល់​តែ​ក្នុង​១​ប្រកួត​ប៉ុណ្ណោះ ចំណោម​១៣​ប្រកួត​ចុងក្រោយ​។ ក្រុម Dijon រកបាន​២​គ្រាប់ ឬ​ច្រើនជាង​នេះ​ក្នុង​៨​ប្រកួត​ចំណោម​១៥​ប្រកួត​ចុងក្រោយ​ប៉ុន្តែ​រក្សាបាន​ឃ្លី​ន​ស៊ីត​បី​ប្រកួតប៉ុណ្ណោះ​។​
​ ​
ទម្រង់​លេង​ក្រៅ​ទឹកដី​គឺជា​ចំណុច​មួយទៀត​ដែល​ធ្វើ​ឲ្យ​ពួកគេ​បារម្ភ​ហើយ​វា​កាន់តែ​លំបាកជាង​មុន​ទៅទៀត ដោយ​ក្រុម​នេះ​មិនទាន់​ឈ្នះ​នៅក្រៅ​ទឹកដី​នៅឡើយ​ទេ​ក្នុង​៩​ប្រកួត​ចុងក្រោយ​នៅក្នុង​លី​ក​។​
​ ​
ក្រុម​នេះ​បាន​របូត​២​គ្រាប់​ក្នុង​បី​ប្រកួត​ចុងក្រោយ​ក្រៅ​ទឹកដី​។ នៅក្នុង​១២​ប្រកួត​ក្រៅ​ទឹកដី ក្រុម Dijon រកបាន​ច្រើនជាង​មួយ​គ្រាប់​ក្នុង​ពីរ​ប្រកួត​ក្រៅ​ទឹកដី​នៅ​ក្របខ័ណ្ឌ Ligue 1 ។ ក្រុម​នេះ រកបាន​ជ័យជម្នះ​១​ប្រកួត​នៅក្រៅ​ទឹកដី​ក្នុង​លី​ក​។​
​ ​
ក្រុម Dijon គឺជា​ក្រុម​ចុងក្រោយ ដែល​យកឈ្នះ​ក្រុម PSG នៅ​ក្របខ័ណ្ឌ Ligue 1 នៅ​រដូវ កាល​នេះ ហើយ​ពួកគេ​សង្ឃឹមថា នឹងធ្វើ​បានជា​លើក​ទី​២​។ ចាំ​មើលថា តើ​ពួកគេ​ធ្វើ​បានល្អ ប៉ុណ្ណា​ក្នុងជំនួប​នៅ​រាត្រី​ថ្ងៃ​សៅរ៍​នេះ​៕
​ទស្សន​: Paris Saint Germain 3-2 Dijon
•​ ​ក្របខ័ណ្ឌ​អ៊ីតាលី Serie A រដូវ​កាល​២០១៩ / ២០២០
(21:00) Lazio vs Bologna
(00:00) Udinese vs Fiorentina
(02:45) Napoli vs Torino
•​ ​ក្របខ័ណ្ឌ​អាល្លឺម៉ង់ Bundesliga រដូវ​កាល​២០១៩ / ២០២០
(21:30) Augsburg vs Borussia Monchengladbach
(21:30) B. Dortmund vs Freiburg
(21:30) FSV Mainz 05 vs Paderborn 07
(21:30) Hoffenheim vs B. Munchen
(00:30) Koln vs Schalke 04

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...