​អាជ្ញាធរ​ចុះ​ប្រគល់​អណ្តូង​ទឹកស្អាត​ជូន​ពលរដ្ឋ​ចំនួន​ពីរ​ស្រុក​ក្នុង​ខេត្តព្រះវិហារ​

231
ចែករម្លែក

​ដោយៈ​សៅ​វ៉ាន់ឌី​/​ព្រះវិហារ​៖​កាលពី​រសៀល​ថ្ងៃទី​២៨​ខែកុម្ភៈ​ឆ្នាំ​២០២០​លោក​គោ​សុំ​ប៊ុន​សឿត​អភិបាលខេត្ត​ស្តីទី​,​លោក​ខាន់​ខុន​ប្រធាន​សមាគម​បេសកកម្ម​ដំណឹង​ថ្មី​,​លោក​សុកសាន្ត​តារា​អភិបាលស្រុក​ឆែប​,​ជាមួយ​អាជ្ញាធរ​មូលដ្ឋាន​ឃុំ​-​ភូមិ​។​បាន​អញ្ជើញ​ចុះ​ប្រគល់​អណ្តូងទឹក​ជូន​ប្រជាពលរដ្ឋ​ចំនួន​៣​ភូមិ​ក្នុងស្រុក​ឆែប​និង​២​ភូមិ​ក្នុងស្រុក​ត្បែងមានជ័យ​។​

​លោក​គោ​សុំ​ប៊ុន​សឿត​បាន​ពាំនាំ​ការ​ផ្តាំផ្ញើ​សាកសួរ​សុខទុក្ខ​ពី​លោក​ឡុង​សុវណ្ណ​ប្រធាន​ក្រុមប្រឹក្សា​ខេត្ត​និង​លោក​ប្រាក់​សុវណ្ណ​អភិបាលខេត្ត​ព្រះវិហារ​។​ដែលជា​និច្ច​ជា​កាល​លោក​តែង​យកចិត្តទុកដាក់​គិតគូរ​អំពី​សុខទុក្ខ​និង​ជីវភាព​រស់នៅ​ប្រចាំថ្ងៃ​របស់​បងប្អូន​ប្រជាពលរដ្ឋ​ក្នុង​ខេត្តព្រះវិហារ​។​

​លោក​គោ​សុំ​ប៊ុន​សឿត​បាន​ថ្លែងថា​អណ្តូងទឹក​ដែល​បងប្អូន​ប្រជាពលរដ្ឋ​ទទួលបាន​នេះ​ដែលជា​អំណោយ​របស់​សមាគម​បេសកកម្ម​ដំណឹង​ល្អ​ដែលមាន​លោក​ខាន់​ខុន​ជា​ប្រធាន​និង​ជាទី​ប្រឹក្សា​ក្រសួង​ធម្មការ និង​កិច្ចការ​សាសនា បានផ្តល់​អណ្តូងទឹក​ស្ន​ប់​អា​ហ្វ្រី​ដេ​ស​ចំនួន​១៦ គិត​ជា​ថវិកា​សរុប ២៨.៨០០​ដុល្លារ តាមរយៈ​លោក ប្រាក់ សុវណ្ណ អភិបាលខេត្ត​ព្រះវិហារ​។​

​លោក​គោ​សុំ​ប៊ុន​សឿត​ក៏បាន​សំណូមពរ​ឱ្យ​បងប្អូន​ប្រជាពលរដ្ឋ​ដែល​ទទួលបាន​ផល​ពី​ការប្រើប្រាស់​ទឹក​អណ្តូងស្នប់​នេះ​សូមជួយ​ថែរក្សា​ការពារ​ជា​ផលប្រយោជន៍​រួម​និង​ឱ្យ​ការប្រើប្រាស់​បានយូរ​អង្វែង​តទៅ​។​ដើម្បី​ជួយ​បំពេញតម្រូវការ​របស់​ប្រជាពលរដ្ឋ​ដែល​ខ្វះខាត​ទឹក​ប្រើប្រាស់​។​ជាពិសេស​ឆ្លើយតប​គោលនយោបាយ​របស់​រាជ​រដ្ឋាភិបាល ស្តីពី​ការផ្គត់ផ្គង់​ទឹកស្អាត​ផងដែរ​៕S/​

ទីតាំងផ្សាយពាណិជ្ជកម្ម