Home ព័ត៌មានជាតិ សន្តិសុខ ​បញ្ជូន​ថៅកែ​...

​បញ្ជូន​ថៅកែ​ហាង​ម៉ាស្សា​ដែល​លួច​លុយ​ភ្ញៀវ​ជនជាតិ​កូរ៉េ​ជាង​១​ម៉ឺន​ដុល្លារ​ទៅ​តុលាការ​

ដោយៈ​ស​រិ​ទ្ធ​/​ភ្នំពេញ​៖​ថៅកែ​ហាង​ម៉ាស្សា​ម្នាក់​ដែល​ជាប់​ពាក់ព័ន្ធ​ករណី​លួច​លុយ​បុរស​ជនជាតិ​កូរ៉េ នៅ​កន្លែង​ម៉ាស្សា​ជាង​មួយ​ម៉ឺន​ដុល្លារ​អាមេរិក​រួច​យកលុយ​ដុល្លារ​ក្លែងក្លាយ​មក​ដាក់ជំនួស​នោះបាន​ត្រូវ​សមត្ថកិច្ច​នគរបាល​ដូនពេញ​បញ្ជូនទៅ​តុលាការ​នៅ​រសៀល​ថ្ងៃទី​២៩​ខែកុម្ភៈ​ឆ្នាំ​២០២០​ដើម្បី​ចាត់ការ​តាមច្បាប់​។​

ជនសង្ស័យ​ឈ្មោះ​សៅ​រិ​ទ្ធ​ហៅ​វ៉ា​វ​ភេទ​ប្រុស​អាយុ​២៥​ឆ្នាំ​មុខរបរ​បើកហាង​ម៉ាស្សា​បាន​ត្រូវ​សមត្ថកិច្ច​ឃាត់ខ្លួន​នៅ​ទី​២៧​ខែកុម្ភៈ​ឆ្នាំ​២០២០​នៅវេលា​ម៉ោង​១០:៣០​នាទី​យប់​ត្រង់ចំណុច​ផ្ទះជួល​លេខខ​៨​អឺ​o​ផ្លូវ​១១៨ ភូមិ​២ សង្កាត់​ផ្សារកណ្ដាល​១ ខណ្ឌដូនពេញ រាជធានី​ភ្នំពេញ ។ ជនរងគ្រោះ ឈ្មោះ Jeon gwangho ភេទ​ប្រុស អាយុ​៤៣​ឆ្នាំ ជនជាតិ​កូរ៉េ ស្នាក់នៅ​សណ្ឋាគារ Riverstar​សង្កាត់​ផ្សារកណ្ដាល​ទី​១ ខណ្ឌដូនពេញ រាជធានី​ភ្នំពេញ ។

​សមត្ថកិច្ច​បញ្ជាក់ថា​មុនពេល​កើតហេតុ​កាលពី​ថ្ងៃទី​២៧​ខែកុម្ភៈ​ឆ្នាំ​២០២០ វេលា​ម៉ោង ៨: ៣០​នាទី​យប់ ជនរងគ្រោះ បាន​ចូលទៅ​ម៉ាស្សា​ដែលមាន​ទីតាំង​ផ្ទះ​លេខ​8Eo ផ្លូវ​១១៨ ភូមិ​២​សង្កាត់​ផ្សារកណ្ដាល​ទី​១ ខណ្ឌដូនពេញ​។​ពេលដែល​ចូលដល់​កន្លែង​គ្រែ​ម៉ាស្សា​ជនរងគ្រោះ​បាន​ដោះ​សំលៀកបំពាក់​ដាក់​ពីលើ​ក្បាល​ដំណេក និង​ដាក់​កាបូប​លុយ​នៅក្បែរ​នោះដែរ ។​ពេលនោះ ជនសង្ស័យ​ឈ្មោះ សៅ រិ​ទ្ធ បាន​ចូលទៅក្នុង​បន្ទប់​ដែល​ជនរងគ្រោះ​កំពុង​ម៉ាស្សា​ធ្វើ​សកម្មភាព​យកលុយ​ដុល្លារ​ក្លែងក្លាយ​(​លុយ​សែន​)​ទៅ​ប្តូរ​យកលុយ​ដុល្លារ​ពិតប្រាកដ​របស់​ជនរ​ង​គ្រោះ​ចំនួន​១៣.២០០​ដុល្លារ​អាមេរិក​។​

​បន្ទាប់ពី​បាន​ប្តូរ​លុយ​ដុល្លា​ក្លែងក្លាយ​រួច​ជនសង្ស័យ​បាន​រត់​គេចខ្លួនបាត់​តែម្តង​។​ក្រោយពី​ទទួលបាន​ទទួល​ពាក្យបណ្តឹង​ពី​ជនរងគ្រោះ​កម្លាំង​ជំនាញ​បាន​ចុះ​ទៅដល់​កន្លែងកើតហេតុ​និង​បាន​សហការ​ជាមួយ​ប៉ុស្តិ៍នគរបាល​រដ្ឋបាល​ផ្សារកណ្តាល​១​ធ្វើការ​ត្រួតពិនិត្យ​ឃាត់ខ្លួន​ម្ចាស់​ទីតាំង​ខាងលើ​នាំមក​ប៉ុស្តិ៍​រដ្ឋបាល​ដើម្បី​ធ្វើការ​សាកសួរ​។​

​ក្រោយពី​ធ្វើការ​សាកសួរ​ជនសង្ស័យ​បាន​សារភាពថា​ខ្លួន​ពិតជា​បាន​លួច​លុយ​ចំនួន​៧.០០០​ដុល្លារ ពី​ភ្ញៀវ​ដែល​បាន​ចូលមក​កន្លែង​ម៉ាស្សា​របស់ខ្លួន ។ លុះ​ព្រឹក​ឡើង​នៅ​ថ្ងៃទី​២៨ ខែកុម្ភ​: ឆ្នាំ​២០២០ សមត្ថកិច្ច​បាន​បន្ត​នាំ​ជនសង្ស័យ​ទៅយក​វត្ថុតាង​បន្ថែមទៀត​ចំនួន​១០០​ដុល្លារ​ដែល​បាន​លាក់ទុក​នៅ​កន្លែង​ក្រោម​កំប៉ុង​ជើងធូប​ជំនាងផ្ទះ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

បុរស​ម្នាក់​ជិះ​ម៉ូតូ​បញ្...

​ដោយៈ​ស​រិ​ទ្ធ​/​ភ្នំពេញៈ...

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...