លោក​ញឹក​ប៊ុនឆៃ​៖​អ្នកនយោបាយ​ខ្មែរ​ទំនាស់​គ្នា ហើយ​ទៅ​ពឹង​បរទេស​គឺ​ខ្មែរ​មិនដែល​ចំណេញ​ទេ​

ដោយ​:​មុនី​រ័ត្ន​/​ភ្នំពេញៈ​គណបក្ស​ខ្មែរ​រួបរួម​ជាតិ​គម្រប់​ខួប​អនុស្សាវរីយ៍​៤​ឆ្នាំ​នៃ​ការបង្កើត​គណៈបក្ស​ផ្ញើ​រូប​រួម​ជាតិ ២៦ កុម្ភៈ ២០១៦-២៦ កុម្ភៈ ២០២០ និង​ប្រជុំ​បូកសរុប​ការងារ​ប្រចាំ​ខែមករា​-​កុម្ភៈ ឆ្នាំ​២០២០ ក្រោម​អធិបតីភាព​លោក​ញឹក​ប៊ុនឆៃ​ប្រធាន​គណបក្ស​ខ្មែរ​រួបរួម​ជាតិ​។​កម្មវិធី​នេះ​មានការ​ចូលរួម​គណកម្មាធិកា​រ​អចិន្ត្រៃយ៍​គណកម្មកា​រនា​យក​ប្រធាន​និង​អនុប្រធាន​ចលនា​ស្ត្រី​និង​យុវជន​រួមទាំង​មន្ត្រី​អគ្គលេខាធិការដ្ឋាន ប្រមាណ​ជាង​២០០​នាក់​។​

​លោក​ញឹក​ប៊ុនឆៃ​ប្រធាន​គណបក្ស​ខ្មែរ​រួបរួម​ជាតិ​បាន​ថ្លែងថា​នៅ​ថ្ងៃទី​៣​ខែកុម្ភៈ​ឆ្នាំ​២០១៦​មាន​ឥស្សរជន​និង​អតីត​ថ្នាក់ដឹកនាំ​ក្នុង​គណបក្ស​ហ្វ៊ុនស៊ិនប៉ិច​បាន​ជួប​ពិភាក្សាគ្នា​ដើម្បី​បង្កើត​គណបក្ស​ថ្មី​។​អ្នក​ទាំងអស់នោះ​ហើយ​គឺជា​ស្ថាបនិក​របស់​គណបក្ស​ខ្មែរ​រួបរួម​ជាតិ​។​នៅ​ថ្ងៃទី​២៦​ខែកុម្ភៈ​ឆ្នាំ​២០១៦​សមាជិក​សមាជិកា​ចំនួន​បី​ពាន់​នាក់​បាន​ជួន​ជុំគ្នា​នៅ​សង្កាត់​ជ្រោយចង្វារ​ខណ្ឌ​ជ្រោយចង្វារ​ដើម្បី​ធ្វើ​សមាជ​បង្កើត​គណបក្ស​ខ្មែរ​រួបរួម​ជាតិ​នេះ​ឡើង​។​ហើយ​នៅ​ថ្ងៃទី​១៤​ខែ​មិនា​ឆ្នាំ​២០១៦​គណបក្ស​ខ្មែរ​រួបរួម​ជាតិ ត្រូវបាន​ចុះបញ្ជី​នៅ​ក្រសួងមហាផ្ទៃ​។​

​លោក​បញ្ជាក់ថា​”​គណបក្ស​ខ្មែរ​រួបរួម​ជាតិ​មិនមែនជា​កម្មសិទ្ធិ​ផ្តាច់មុខ​របស់​ញឹក​ប៊ុនឆៃ​ទេ​គឺ​គណបក្ស​ខ្មែរ​រួបរួម​ជាតិ​នេះ​គឺជា​របស់​យើងទាំងអស់គ្នា​ទោះបីជា​អវត្តមាន​ញឹក​ប៊ុនឆៃ​នៅតែ​បន្ត​វត្តមាន​គណបក្ស​នៅក្នុង​ឆាកនយោបាយ​បានដែរ​នៅតែមាន​លទ្ធភាព​ដើម្បី​ដឹកនាំ​គណបក្ស​ចូលរួម​ប្រកួតប្រជែង​ក្នុងការ​បោះឆ្នោត​ជ្រើសតាំង​សមាជិក​ព្រឹទ្ធសភា​បាន “​។​

​លោក​ញឹក​ប៊ុនឆៃ​បានបញ្ជាក់​ទៀតថា​”​នៅ​ប្រទេស​កម្ពុជា​យើង​បច្ចុប្បន្ន​គឺ​សំបូរ​ពួក​អ្នកមាន​ជំងឺ​នយោបាយ​។​ប៉ុន្តែ​ពួកគេ​មិន​ព្រុំ​នាំគ្នា​រក​ថ្នាំ​ព្យាបាល​ឬ​វិធី​ព្យាបាល​ទំនាស់​ដោយ​ជនជាតិខ្មែរ​គ្នាឯង​ទេ​បែរជា​ពួកគេ​គិតតែ​នាំ​ឡ្នា​ដើរ​ស្រែក​ដើរ​ថ្ងូរ​ដើរ​លាប​ពណ៌​ដាក់គ្នា​ជា​បន្តបន្ទាប់​ជាហេតុ​ធ្វើអោយ​ប្រជាជន​យើង​ជួបប្រទះ និង​ការលំបាក​ទាំង​ផ្លូវចិត្ត ផ្លូវកាយ​ទាំង​សតិអារម្មណ៍​។​

​មាន​អ្នកខ្លះ​គិតតែ​នឹ​ងាំ​គ្នា​ដើរ​ស្រែក​និង​ដើរ​ពឹង​បរទេស​មួយចំនួន​និង​បាន​និយាយ​បំភ្លៃ​លើស​អំពី​ជំងឺ​ពិតប្រាកដ​ដែល​ខ្លួន​កំពុង​ឈឺ​ហើយ​ពឹង​អោយគេ​មកជួយ​ព្យាបាល​ជំងឺ​របស់​ពួកខ្លួន​ដែលជា​ហេតុ​ធ្វើអោយ​បរទេស​មួយចំនួន​មានឱកាស​លូកដៃ​ចូលក្នុង​ការព្យាបាល​ឬ​អន្តរាគមន៍​ជា​កត្តា​ធ្វើ​ឲ្យ​ប៉ះពាល់​និង​ខាត​ដល់​ផលប្រយោជន៍​និង​កិត្តិយស​ជាតិខ្មែរ​និង​ប្រជាពលរដ្ឋ​ខ្មែរ​។​

​តើ​ពេលណា​ទៅ​ទើប​អ្នកនយោបាយ​ខ្មែរ​រឹងមាំ​ពេល​មាន​បញ្ហានយោបាយ​អាច​ហៅ​គ្នា​ប្រមូលគ្នា​អង្គុយ​ពិភាក្សា​សន្ទនា​គ្នា​ក្នុងនាម​ជា​អ្នកនយោបាយ​ខ្មែរ​ដើម្បី​បម្រើ​ផលប្រយោជន៍​ជាតិខ្មែរ ប្រជាជន​ខ្មែរ និង​ទឹកដី​ខ្មែរ​បាន​។​សូម​ចងចាំ​ថា​គ្រប់​ពេលដែល​អ្នកនយោបាយ​ខ្មែរ​មានទំនាស់​គ្នា​ហើយ​ទៅ​ពឹង​បរទេស​នោះ​គឺ​ខ្មែរ​យើង​មិនដែល​ចំណេញ​ទេ​។​

​ដូច្នេះ​អ្នកនយោបាយ​ត្រូវ​ចេះ​ឯកភាពគ្នា​ព្យាយាម​ដើម្បី​បង្កើត​ឲ្យ​មាន​វិធី​ទំនាក់ទំនង​គ្នា​និង​រក​អ្នកសម្របសម្រួល​នៅពេលដែល​អ្នកនយោបាយ​មាន​បញ្ហា​យល់ច្រឡំ​គ្នា​ឬ​មិន​ឯកភាពគ្នា​លើ​បញ្ហា​អ្វីមួយ​បើ​យើង​ធ្វើដូច្នេះបាន​គឺ​អ្នកនយោបាយ​យើង​ឈប់​ពឹង​បរទេស​មក​ដោះស្រាយ​បញ្ហានយោបាយ​ឲ្យ​ខ្មែរ​ទៀតហើយ “៕S/​

ទីតាំងផ្សាយពាណិជ្ជកម្ម

- Advertisment -

Most Popular

ឥណ្ឌា​ឈាន​ចូល​កំណើន​អវិជ្...

​ប្រែ​សម្រួលៈ​វាសនា​/​ញូ​...

បិទ​ការធ្វើ​ចរាចរណ៍​កំណាត...

​ដោយៈ រ៉ា​ម៉ន / ភ្នំពេញៈ ...

មន្ត្រី​ជំនាញ ទទូច​ជាថ្មី...

ដោយៈ សុ​ផានី​តា / កោះកុងៈ...

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...