​បុរស​ចំណាស់​លក់​គ្រឿងញៀន​ឱ្យ​ក្មេង​ជក់​ត្រូវ​កម្លាំង​នគរបាល​ចាប់ខ្លួន​

286
ចែករម្លែក

ដោយ​៖​ប​.​ជ័យ​/​បន្ទាយមានជ័យ​៖​បុរស​ចំណាស់​លក់​គ្រឿងញៀន​ឱ្យ​ក្មេង​ជក់​បន្តបន្ទាប់​ត្រូវ​កម្លាំង​នគរបាល​ស្រុក​ថ្មពួក​ឃាត់ខ្លួន​បាន​នៅវេលា​ម៉ោង​៥​ល្ងាច​ថ្ងៃទី​២៧​ខែកុម្ភៈ​ឆ្នាំ​២០២០​តាម​បន្ទាត់​ព្រំដែន​កម្ពុជា ថៃ​ស្រុក​ថ្មពួក ខេត្តបន្ទាយមានជ័យ ។​

​លោក​វរសេនីយ៍ឯក​សៅ​សារឿន​អធិការនគរបាល​ស្រុក​ថ្មពួក​ឱ្យដឹងថា​៖​កុ​ម្លាំ​ង​បាន​ប្រទះឃើញ​ឈ្មោះ​ម៉ាង​គុយ​ភេទ​ប្រុស​៦០​ឆ្នាំ​កំពុង​លក់​គ្រឿងញៀន​។​រកឃើញ​ម្ស៉ៅ​ក្រាម​ស​ថ្លា​ចំនួន​៤​ថង​តូច​ក្នុង​ហោប៉ៅ​ខោ​ខាងស្តាំ​២​ថង​តូច​និង​ក្នុង​កញ្ចប់​បារី​ដាក់​ហោប៉ៅ​អាវ​ខាងឆ្វេង​ចំនួន​២​ថង​តូច​ដែកកេះ​១​ទូរស័ព្ទ​១​គ្រឿង​បន្ទាប់​ឃាត់ខ្លួន​បាន​ជនសង្ស័យ​មកកាន់​ប៉ុស្តិ៍​រដ្ឋបាល​ដើម្បី​សាក់សួរ​។​

​ជនសង្ស័យ​បាន​សារភាពថា​ខ្លួន​បាន​ទិញ​ថ្នាំញៀន​នេះ​ដើម្បី​យកមក​ទុក​ជក់​ទុក​លក់​ឱ្យ​ក្មេង​ជក់​ផង​នៅតាម​ព្រំដែន​នេះ​។​ជនសង្ស័យ​រួមទាំង​វត្ថុតាង​បាន​បញ្ជូន​មកកាន់​ស្នងការដ្ឋាន​នគរបាល​ខេត្តបន្ទាយមានជ័យ​និង​រៀបចំ​សំណុំរឿង​បញ្ជូនទៅ​សាលាដំបូង​ខេត្ត ចាត់ការ​បន្ត​តាម​និតិ​វិធី​៕S/