ក្រសួងបរិស្ថាន​និង​ក្រសួង​អប់រំ​អំពាវនាវ​ឱ្យ​ពលរដ្ឋ​រស់នៅ​ជុំវិញ​បឹង​ទន្លេសាប​ចូលរួម​សម្អាត​បរិស្ថាន​

​ដោយ​៖​ដេប៉ូ​/​សៀមរាប​៖​ក្រសួងបរិស្ថាន​បាន​សហការ​ជាមួយ​ក្រសួង​អប់រំ​យុវជន​និង​កីឡា​និង​អង្គការ​ជឿជាក់​លើ​សិស្ស​ជនបទ​កម្ពុជា​(CRST)​ក្នុងការ​បញ្ជ្រាប​ការយល់ដឹង​នៅតាម​សាលារៀន​។​ជាពិសេស​ប្រជា​សហគមន៍​រស់នៅ​លើ​បឹង​ទន្លេសាប​ចូលរួម​សម្អាត​បរិស្ថាន​ដោយ​កាត់បន្ថយ​ការប្រើប្រាស់​ប្លា​ស្ទីក សំដៅ​ទប់ស្កាត់​ការបំពុល​ដោយ​ប្រព័ន្ធ​អេកូឡូស៊ី​ន និង​ជីវៈចម្រុះ​នៅតាម​បឹង​ទន្លេសាប​។​

ការបញ្ជ្រាប​ចំណេះដឹង​និង​ការផ្សព្វផ្សាយ​ពី​បរិស្ថាន​នេះ​ធ្វើឡើង​ក្នុង​ពិធី​សម្ពោធ​ដាក់​ឲ្យ​អនុវត្ត​គម្រោង​ថែរក្សា​បរិស្ថាន​ដែល​ត្រូវបាន​ដាក់ឈ្មោះថា​«​គម្រោង​អ​»​នា​សង្កាត់​ចុង​ឃ្នៀ​ស​ក្រុង​សៀមរាប​នា​ថ្ងៃទី​២៩ ខែកុម្ភៈ ឆ្នាំ​២០២០​។​បញ្ជាក់​ក្នុង​ពិធី​នេះ​លោក នេត្រ ភក្ត្រា រដ្ឋលេខាធិការ​ក្រសួងបរិស្ថាន​បានឱ្យដឹងថា បឹង​ទន្លេសាប​មាន​ទេសភាព​ស្អាត សម្បូណ៌​ដោយ​ជីវៈចម្រុះ​។​ជាពិសេស មច្ឆា​ជាតិ​ជាច្រើន​ប្រភេទ មាន​ប្រព័ន្ធ​អេកូឡូស៊ី​ដែល​ចាំបាច់​ត្រូវតែ​ទប់ស្កាត់​កុំឱ្យ​មានការ​បំពុល​ដោយ​ប្លា​ស្ទីក​រក្សា​គុណភាព​ទឹក​ឱ្យបាន​ល្អ សោភ័ណភាព​ស្រស់ស្អាត ទាក់ទាញ​ភ្ញៀវទេសចរ​កាន់តែច្រើន​។

​លោក​បាន​លើកឡើងថា​«​យើង​ត្រូវអនុវត្ត​នូវ​ទិស​ស្លោក​យើង​ស្អាត​សហគមន៍​យើង​ស្អាត​ទន្លេសាប​ស្អាត​ដោយ​គ្មាន​ប្លា​ស្ទីក​។​ទន្លេសាប​ត្រូវបាន​បំពុល​ដោយ​ថង់​ប្លា​ស្ទីក​ដែល​ទាំង​សហគមន៍​ដែល​រស់​នៅលើ​បឹង​ទន្លេសាប​នេះ​ផង​និង​ការហូរ​នាំយក​ប្លា​ស្ទីក​ដែល​បងប្អូន​ប្រជាពលរដ្ឋ​បោះចោល​គ្មាន​សណ្តាប់ធ្នាប់​តាម​ព្រែក តាម​ស្ទឹង នានា​ចាក់​ចូលមកក្នុង​បឹង​ទន្លេសាប​”​។​

​លោក​រដ្ឋលេខាធិការ​បា​ន​បញ្ជាក់​បន្ថែមថា​ហេតុផល​ដែលថា​ថង់​ប្លា​ស្ទីក​ត្រូវបាន​គេ​ចាត់ទុកថា​ជាការ​បំពុល​ដល់​បរិស្ថាន​គឺ​វា​ត្រូវការ​ពេលវេលា​ជាច្រើន​រយ​ឆ្នាំ​ដើម្បី​ធ្វើការ​បំបែក​មានន័យថា​សំណល់​ប្លា​ស្ទីក​គឺ​សារធាតុ​ដែល​មិន​ងាយ​នឹង​ពុកផុយ​ឬ​រលួយ​បាន​ដោយ​ងាយ​ទេ​។​ជាមួយគ្នានេះ​សំណល់​ថង់​ប្លា​ស្ទីក​បានផ្តល់​ផលប៉ះពាល់​ដល់​សង្គម​សុ​ខ​ភាព​និង​គុណភាព​បរិស្ថាន​រួមមាន​៖​ការធ្វើឱ្យ​ស្ទះ​ប្រព័ន្ធ​បង្ហូរ​ទឹកលូ​ដែល​បង្កឱ្យមាន​ទឹកជំនន់​នៅ​រដូវភ្លៀង​ធ្លាក់​។​ការធ្វើឱ្យ​បាត់បង់​សោភ័ណភាព​ទីក្រុង​និង​ទីប្រជុំជន​។​

​ជាមួយគ្នានេះ​លោក​បានធ្វើ​ការពន្យល់​ពី​ផលប៉ះពាល់​កើតចេញពី​ថង់​ប្លា​ស្ទិ​ក​ដែរ​ថា​នៅពេល​គេ​បោះចោល​ថង់​ប្លា​ស្ទិ​ក​នៅក្នុង​បរិស្ថាន​វា​បង្កឱ្យមាន​គ្រោះថ្នាក់​ដល់​ប្រព័ន្ធ​អេកូឡូស៊ី​។​ជាពិសេស​ជីវៈចម្រុះ​នៅក្នុង​ទឹកជា​ពិសេស​មច្ឆជាតិ​អាច​ទទួលរង​ពី​ការធ្វើឱ្យ​ស្លាក់​ដោយសារតែ​ពួកគេ​គិតថា​ជា​ចំណី​ហើយ​បាន​ស៊ី​ថង់​ប្លា​ស្ទិ​ក​ទាំងនោះ​។​ជា​ជម្រក​ភ្នាក់ងារ​ចម្លងជំងឺ​មួយចំនួនធំ​និង​មួយផ្នែក​ទៀត​ផ្ទុក​ដោយសារ​ធាតុគីមី​ពុល​អាច​ជ្រាបចូល​ទៅក្នុង​ដី​និង​ធ្វើឱ្យប៉ះពាល់​ដល់​គុណភាព​ដី​ទឹក​និង​ទឹក​ក្រោម​ដី​ធ្វើឱ្យមាន​ការបំពុល​ទឹក​និង​ដី​។​

​នៅពេលដែល​ថង់​ប្លា​ស្ទិ​ក​ត្រូវបាន​ប្រើប្រាស់​សម្រាប់​ច្រក​ឬ​ខ្ចប់​ម្ហូបអាហារ​ជាពិសេស​អាហារ​ក្តៅៗ​អាច​បង្ក​ផលប៉ះពាល់​ដល់​សុខភាព​មនុស្ស​ដោយសារ​តែ​សារ​ធាតុគីមី​ដែលមាន​ផ្ទុក​ក្នុង​ថង់​ប្លា​ស្ទិ​ក​ព្រម​ជាមួយគ្នានេះ​លោក​រដ្ឋលេខាធិការ​បាន​វាយតម្លៃ​ខ្ពស់​ចំពោះ​គម្រោង​និង​សកម្មភាព​របស់​អង្គការ​ជឿជាក់​លើ​សិស្ស​ជនបទ​កម្ពុជា​(CRST)​ដែល​បាន​ផ្តួចផ្តើម​គំនិត​អនុវត្ត​គម្រោងការ​អប់រំ​អំពី​ប្លា​ស្ទិ​ក​ក្នុង​គោលបំណង​ផ្លាស់ប្តូរ​ផ្នត់គំនិត​ប្រជាពលរដ្ឋ​លើ​ទម្លាប់​នៃ​ការប្រើប្រាស់​ប្លា​ស្ទីក​។

ដោយ​អនុវត្តតាម​គោលការណ៍​៤​អ៊ែរ​៖​កាត់បន្ថយ​ការប្រើប្រាស់​ប្រើប្រាស់​ឡើងវិញ​កែច្នៃ​ឡើងវិញ​និង​ការបដិសេធ​ប្រើប្រាស់​ប្លា​ស្ទិ​ក​។ អង្គការ​នេះ​បានធ្វើការ​ចែកចាយ​ដប​ទឹក​ចំនួន​៤០.០០០​ដប​ជូន​ដល់​អនុវិទ្យាល័យ​និង​វិទ្យាល័យ​ប្រមាណ ៥៦ នៅ​ជុំវិញ​តី​រួម​ខេត្តសៀមរាប​ក្នុង​រយៈពេល ២ ឆ្នាំ​។​

បញ្ជាក់​ក្នុង​ពិធី​នេះដែរ​លោក​អ៊ឹម​កុ​ច​រដ្ឋលេខាធិការ​នៃ​ក្រសួង​អ​បំ​រំ​យុវជន​និង​កីឡា​បានឱ្យ​ដឹ​ថា​ការអប់រំ​និង​បណ្តុះបណ្តាល​ក្នុង​ស្រទាប់​សិស្សានុសិស្ស​ជា​កត្តា​សំខាន់​ដែល​សំដៅ​ធ្វើយ៉ាងណា​ឱ្យ​ពួកគេ​ចូលរួម​ក្នុង​កិច្ចការពារបរិស្ថាន​។​លោក​បាន​មានប្រសាសន៍ថា​ក្នុងការ​អ​បំ​រំ​បណ្តុះបណ្តាល​កន្លងមក​ធ្វើឱ្យ​សិស្សានុសិស្ស​ស្រឡាញ់​បរិស្ថាន​ហើយ​មួយ​ភាគ​ធំ​បាន​យល់ដឹង​លើ​វិស័យ​បរិស្ថាន​ហើយ​មួយចំនួន​ទៀង​ក៏បាន​ចូលរួម​ក្នុង​កិច្ចការពារបរិស្ថាន​ផងដែរ​៕S/

​ក្រសួងបរិស្ថាន​បាន​សហការ​ជាមួយ​ក្រសួង​អប់រំ​យុវជន​និង​កីឡា​និង​អង្គការ​ជឿជាក់​លើ​សិស្ស​ជនបទ​កម្ពុជា​(CRST)​បញ្ជ្រាប​ការយល់ដឹង​និង​កាត់បន្ថយ​ការប្រើប្រាស់​ប្លា​ស្ទិ​ក​នៅតាម​បឹង​ទន្លេសាប​(​រូប​៖​ដេប៉ូ​)​

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...