ដោយមូលសម្បត្តិ/ភ្នំពេញ៖ក្រុមហ៊ុនជីបម៉ុងបានប្រគល់ម៉ូតូរ៉ឺម៉កកង់បីដឹកជញ្ជូនសំរាមសំណល់រឹងចំនួន៥០គ្រឿងជូនដល់ក្រសួងបរិស្ថានដើម្បីរួមចំណែកក្នុងការងារថែទាំបរិស្ថាននិងសោភ័ណភាពនៅតាមមូលដ្ឋានឱ្យកាន់តែមានភាពល្អប្រសើរ។ ពិធីប្រគល់ម៉ូតូរ៉ឺម៉កកង់បីធ្វើឡើងកាលពីថ្ងៃទី២៨ ខែកុម្ភៈ ឆ្នាំ២០២០ ក្រោមអធិបតីភាពលោកសាយ សំអាល់ រដ្ឋមន្ត្រីក្រសួងបរិស្ថាន និង លោកឧកញ៉ា លាង ឃុន ប្រធានក្រុមប្រឹក្សាភិបាលក្រុមហ៊ុន ជីប ម៉ុង។
ការប្រគល់ម៉ូតូរ៉ឺម៉កកង់បីដឹកជញ្ជូនសំរាមសំណល់រឹងជូនក្រសួងបរិស្ថាននេះគឺជាការរួមចំណែកក្នុងកិច្ចខិតប្រឹងប្រែងធ្វើឱ្យសោភ័ណភាពក្នុងរាជធានីភ្នំពេញក៏ដូចជាប្រទេសកម្ពុជាទាំងមូលកាន់តែប្រសើរឡើង។សំរាមនិងសំណល់រឹងគឺជាបញ្ហាស្មុគ្រស្មាញក្នុងការគ្រប់គ្រងមិនថាក្នុងក្រុងភ្នំពេញឫខេត្តទេ តែងជួបនូវបញ្ហាប្រឈមរវាងអ្នកប្រមូលសេវាកម្មនិងអ្នកម្ចាស់សំរាម។តែងតែខ្វះខាតនូវការដឹកជញ្ជូនឱ្យទាន់ពេលវេលា៕S/
