ដោយ៖គ្រញូង/បាត់ដំបង៖លោកម៉ៅហ៊តមេបញ្ជាការរងមូលដ្ឋានអាវុធហត្ថស្រុកមោងឬស្សីបានឱ្យដឹងថាកាលពីយប់ថ្ងៃទី២៨ខែកុម្ភៈឆ្នាំ២០២០នៅលើផ្លូវជាតិ៥ត្រង់ចំណុចក្រុមទី១១.ភូមិកកោះឃុំកកោះស្រុកមោងឫស្សីខេត្តបាត់ដំបងមានករណីគ្រោះថ្នាក់ចរាចរណ៍១កើតឡើងរវាងអ្នកថ្មើរជើងនិងថយន្តមួយគ្រឿងមិនស្គាល់ម៉ាកបើកបរទិសដៅពីភ្នំពេញទៅបាត់ដំបង។
មកដល់ចំនុចខាងលើបានបុកអ្នកថ្មើជើងម្នាក់ឈ្មោះរ៉ននុតភេទស្រីអាយុ៣៤ឆ្នាំរស់នៅភូមិកកោះឃុំកកោះស្រុកមោងឫស្សីបណ្ដាលឱ្យស្លាប់ភ្លាមៗនៅនឹងកន្លែងកើតហេតុ។ចំពោះមូលហេតុដោយសារជនរងគ្រោះផឹកស្រាស្រវឹងជោកជាំហើយដើរឆ្លងផ្លូវពេលយប់ដោយមិនបានមើលឆ្វេងស្តាំ។ចំណែកអ្នកបើកបរបានបើករត់គេចខ្លួនបាត់ដោយបន្សល់ទុកសាកសពស្ត្រីម្នាក់នៅកន្លែងកើតហេតុ៕S/
