Home ព័ត៌មានជាតិ សន្តិសុខ ជនសង្ស័យ​ខឹងស...

ជនសង្ស័យ​ខឹងសម្បា​រដក​កាំភ្លើង​បាញ់​បងថ្លៃ​ពេល​ទាស់ទែង រួច​រត់​គេចខ្លួនបាត់​

ដោយ​: សាវ​រក្ស / ភ្នំពេញ​: ជនដៃដល់​ម្នាក់​បាន បាញ់​បងថ្លៃខ្លួន​ចំនួន​៣​គ្រាប់​រងរបួស​៤​កន្លែង​ធ្ងន់ធ្ងរ បញ្ចូនទៅ​សង្គ្រោះ​នៅ​មន្ទីរពេទ្យ​កាល់ម៉ែត ខណៈ​ជនរងគ្រោះ​ចូលទៅ​ឃាត់ ជនសង្ស័យ​មាន​ជម្លោះ​ជាមួយ​ប្រពន្ធ ដែលជា​ប្អូនស្រី​របស់​ជនរងគ្រោះ ជាហេតុ​ធ្វើអោយ​ជនសង្ស័យ​ខឹងសម្បារ បាន​ដក​កាំភ្លើង​បាញ់​តែម្តង​រួច​ជនបង្ករ​បាន​រត់គេច​ខ្លួន​បាត់​។​

​ហេតុការណ៍​នេះ នៅវេលា​ម៉ោង​៤​និង​៤០​នាទី ថ្ងៃទី​២៩ ខែកុម្ភៈ ឆ្នាំ​២០២០ វេលា​ម៉ោង នៅ​ចំណុច​ផ្ទះ​លេខ​T១៤ ផ្លូវ​បេតុង ក្រុមទី​១ ភូមិ​បឹង​សាឡាង សង្កាត់​ឫស្សីកែវ ខណ្ឌឫស្សីកែវ​។

​ជនរងគ្រោះ​ឈ្មោះ ប៊​ន តុលា ភេទ​ប្រុស អាយុ​៣២ ឆ្នាំ មុខរបរ​កម្មករ មាន​ទីលំនៅ​កន្លែងកើតហេតុ (​រងរបួស​ដៃ​ទាំងសងខាង ត្រកៀក​ខាងឆ្វេង និង​ខ្នង​)​។​រីឯ​ជនបង្កឈ្មោះ រស់ សូ​ឌី ភេទ​ប្រុស អាយុ​៤៨​ឆ្នាំ​មុខរបរ​យោធា មាន​ទីលំនៅ​កន្លែងកើតហេតុ (​គេចខ្លួនបាត់​)​។​

​តាម​សាក្សី​នៅ​កន្លែងកើតហេតុ បាន​ឲ្យ​ដឹងថា ជនបង្កមានទំនាស់​ពាក្យសម្តី​ជាមួយ​ប្រពន្ធ ស្រាប់តែ​ជនរងគ្រោះ​ត្រូវជា​បងថ្លៃ​ជនបង្កបាន​ឃាត់ ជាហេតុ​បណ្តាល​ឲ្យ​ជនបង្កខឹង​បាន​យក​កាំភ្លើងខ្លី (​មិន​ស្គាល់​ម៉ាក​) បាញ់​ជនរងគ្រោះ​ចំនួន​បី​គ្រាប់​រងរបួស​បួន​កន្លែង រួច​ជនបង្កបាន​រត់គេច​ខ្លួន​បាត់​។ ចំណែកឯ​ជនរងគ្រោះ​ត្រូវបាន​ក្រុមគ្រួសារ​យកទៅ​ព្យាបាល​នៅ​ម​ន្ទីរ​ពេទ្យ​កាល់ម៉ែត​។​

​ចំពោះ​ករណី​ខាងលើនេះ ​សមត្ថកិច្ច​ជំនាញ នៃ​អធិការ​រដ្ឋា​ន​នគរបាល​ខណ្ឌ​ឫ​ស្សី​កែវ កំពុងស្រាវជ្រាវ តាម​ចាប់​ជនសង្ស័យ​យកមក​ផ្តន្ទាទោស​ទៅតាម​ច្បាប់​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...