Home ព័ត៌មានអន្តរជាតិ វិបត្តិ​នយោបា...

វិបត្តិ​នយោបាយ​ម៉ាឡេស៊ី​នៅ​មិនទាន់​ស្ងប់​! ម្នាក់​ស្បថ​ចូលកាន់​តំណែង ម្នាក់​ទៀត​កោះប្រជុំ​សភា​

​ប្រធាន​គណបក្ស​Parti Pribumi Bersatu Malaysia (Bersatu)​លោកមូ​យីត​ឌីន យ៉ាស​ស៊ីន បាន​ស្បថ​ចូលកាន់​តំណែង​នាយករដ្ឋមន្ត្រី​ម៉ាឡេស៊ី​កាលពី​ព្រឹក​ថ្ងៃអាទិត្យ​ទី​០១​មីនា តែ​គណបក្ស​PH​របស់​អតីត​នាយករដ្ឋមន្ត្រី​មហា​ធៀ ម៉ូ​ហា​ម៉ា​ត​ដែល​ចង់​ក្រាញ​នៅក្នុង​អំណាច មិន​ព្រម​ចុះចាញ់​ឡើយ​។​

​នៅ​ពេល​ពួក​មេដឹកនាំ​នយោបាយ​ដែល​ចង​សម្ពន្ធភាព​ជាមួយ​លោកមូ​យីត​ឌីន កំពុង​ជួបជុំ​សូត្រធម៌​នៅ​ព្រះវិហារ​មួយ​ក្នុង​ទីក្រុង​គូ​ឡា​ឡាំ​ពួរ​ជិត​ព្រះបរមរាជវាំង ​មុន​ពិធី​ស្បថ​ចូលកាន់​តំណែង​ត្រូវបាន​ធ្វើឡើង បណ្ឌិត​មហា​ធៀ នៅតែ​និយាយ​ថា​រូប​លោក​មាន​ការគាំទ្រ​គ្រប់គ្រាន់​ពី​សមាជិក​សភា​១១៤​រូប​ដើម្បី​បង្កើត​រដ្ឋាភិបាល​មួយ​។​

​លោក​បាន​ប្រាប់​អ្នកយកព័ត៌មាន​ថា​« ស្តេច​បាន​ធ្វើ​ការសំរេច​ព្រះ​ហ​ឬ​ទ័យ​ដោយ​មិនបាន​ជួប​រូប​ខ្ញុំ​ទេ ហើយ​ទៅ​ជា​តែងតាំង​លោកមូ​យីត​ឌីន​។​ដូច្នេះ​ខ្ញុំ​មិន​​មានឱកាស​ទូលហ្វាយ​ព្រះមហាក្សត្រថា គាត់ មូ​យីត​ឌីន មិន​មាន​សម្លេង​គាំទ្រ​គ្រប់គ្រាន់​ទេ​។​ខ្ញុំ​មិន​អាច​ទាក់ទង​ជាមួយ​រាជវាំង​បានទេ​»​។​

​លោក​ថា «​ឥឡូវ​វា​បែរ​ជា​អ្នក​ចាញ់ឆ្នោត​ឈ្នះ​បាន​រដ្ឋាភិបាល រីឯ​អ្នកឈ្នះ​បាត់​សិទ្ធិ​បង្កើត​រដ្ឋាភិបាល​។​វា​ជា​រឿង​ចម្លែក​ណាស់​»​។​

​មហាធៀ​បានបញ្ជាក់​ថា លោក​នឹង​កោះប្រជុំ​សភា​បន្ទាន់ ដើម្បី​ធ្វើ​តេស្ត​មើល​ថា​តើ​លោកមូ​យីត​ឌីន មាន​សម្លេង​ភាគច្រើន​ដែរ​ឬ​អត់ ព្រោះ​វា​ជា​ការសំរេចចិត្ត​​ផ្លូវការ ទោះជា​យ៉ាងណា​លោក​បារម្ភ​ថា រដ្ឋាភិបាល​របស់​លោកមូ​យីត​ឌីន នឹង​បញ្ចុះ​បញ្ជូល​ទាក់ទាញ​សមាជិកសភា​មុន​សភា​ប្រជុំ​។​

​រំលឹកថា លោក​មហាធៀ​បានសុំ​លាឈប់​ពី​តំណែង​នាយករដ្ឋមន្ត្រី​កាលពី​ថ្ងៃ​២៤​កុម្ភៈ ដោយសារ​ជម្លោះ​បែកបាក់​ផ្ទៃក្នុង​របស់​សម្ពន្ធភាព​កាន់​អំណាច​នាំ​អោយ​រដ្ឋា​​ភិបាល​ចម្រុះ​របស់​លោក​បាត់ប​ង់​សម្លេង​ភាព​ច្រើន​នៅក្នុង​សភា​៕​ប្រែ​សម្រួល​៖​វាសនា​

​អតីត​ឧបនាយករដ្ឋមន្ត្រី មូ​យីត​ឌីន ស្បថ​ចូលកាន់​តំណែង​នៅ​ចំពោះមុខ​ព្រះមហាក្សត្រ​កាលពី​ថ្ងៃ​០១​មីនា

មហា​ធៀ ចង់​អោយ​សភា​បោះឆ្នោត​ឆាប់ៗ​ដើម្បី​ដឹង​ថា​តើ​លោកមូ​យីត​ឌីន មាន​សម្លេង​គ្រប់គ្រាន់​ដើម្បី​បង្កើត​រដ្ឋាភិបាល​ដែរ​ឬ​អត់​

ទីតាំងផ្សាយពាណិជ្ជកម្ម

- Advertisment -

Most Popular

សម្រេច​ជ្រើស​រើសយក​ទីតាំង...

​ដោយៈ​រ៉ា​ម៉ន​/​ភ្នំពេញៈ​...

អភិបាលខេត្ត ចុះ​ត្រួតពិនិ...

ដោយៈ គ្រញូង / បាត់ដំបងៈ ន...

ផលិតកម្ម​ថោ​ន​នឹង​បើក​ព្រ...

​ដោយ​: បូ​រិ​ន / ភ្នំពេញ​...

នាំ​នារី​កោសខ្យល់ បួន​នាក...

ដោយៈ មុនី​រ័ត្ន/ភ្នំពេញៈ ...