រថយន្តបុក​ម៉ូតូ​បណ្តាល​ឲ្យ​ស្លាប់​មនុស្សម្នា​ក់នៅ​ស្រុក​ឧដុង្គ​

167
ចែករម្លែក
រថយន្តបុក​ម៉ូតូ​បណ្តាល​ឲ្យ​ស្លាប់​មនុស្សម្នា​ក់នៅ​ស្រុក​ឧដុង្គ​

ដោយៈ​សុខ​សុ​ភ័​ណ្ឌ​/​កំពង់ស្ពឺៈ​រថយន្ត​និង​ម៉ូតូ​បាន​បុក​ទង្គិច​គ្នា​បណ្តាល​ឲ្យ​ស្ត្រី​ជា​អ្នកបើក​ម៉ូតូ​ស្លាប់​នៅនឹងកន្លែង​តាម​បណ្តោយ​ផ្លូវជាតិ​លេខ​៥១​ចន្លោះ​គីឡូម៉ែត្រ​លេខ​១៣​និង​១៤​ត្រងចំណុច​ភូមិ​ស្តុក​ស្តៅ​ឃុំ​ក្សេមក្សាន្ត​ស្រុក​ឧដុង្គ​ខេត្តកំពង់ស្ពឺ​កាលពី​ព្រឹក​ថ្ងៃទី​១​ខែមីនា​ឆ្នាំ​២០២០​។​

​មន្ត្រីនគរបាល​ស្រុក​ឧដុង្គ​បាន​ឲ្យ​ដឹងថា​ដំបូង​រថយន្ត​SCANIA​ក្បាល​ពណ៌​សលាយ​ផ្ទៃមេឃ​ពាក់​ផ្លាកលេខ​កំពង់ចាម 3A. 8014 សណ្តោង​រ៉ឺម៉ក ពណ៌​ខៀវ​ពាក់​ផ្លាកលេខ​កំពង់ចាម 4A. O358​។​អ្នកបើកបរ​មិន​ស្គាល់​អត្តសញ្ញាណ​(​រត់គេចខ្លួន​បាត់ស្រមោល​)​បើកបរ​ពី​ជើង​ទៅ​ត្បូង លុះ​ទៅដល់​ចំណុច​ខាងលើ​បាន​បុក​ម៉ូតូ​ម៉ាក ហុងដា​សេ​១២៥​ពណ៌ ខ្មៅ ពាក់​ផ្លាកលេខ ភ្នំពេញ 1GJ. 6276
​បើកបរ​ដោយ​ឈ្មោះ ភួ​ន ហឿន ភេទ ស្រី អាយុ ៣៨ ឆ្នាំ រស់នៅ​ភូមិ​ស្តុក​ឈូក ឃុំ​ទំនប់​ធំ ស្រុក​ពញា​ឭ ខេត្តកណ្តាល ដែល​ធ្វើដំណើរ​ចេញពី​ផ្លូវលំ​ភូមិ​ស្តុក​ឈូក​ឡើងមក​លើផ្លូវ​ជាតិ​លេខ ៥១​បត់​ទៅខាង​ត្បូង បណ្តាល​ឲ្យ​រថយន្ត​ខាងលើ​បុក​កិន​ស្លាប់​ភ្លាមៗ​នៅនឹងកន្លែង​តែម្តង​៕​សរន​


អាជ្ញាប័ណ្ណចែកចាយផ្តាច់មុខ