ដោយ៖វណ្ណៈ/ព្រះសីហនុ៖លោកវរសេនីយទោហួយ៉ៃអធិការនគរបាលស្រុកព្រៃនប់បានឱ្យដឹងកាលពីរសៀលថ្ងៃទី១ខែមីនាឆ្នាំ២០២០នេះថាកម្លាំងអធិការដ្ឋាននគរបាលស្រុកព្រៃនប់សហការជាមួយប៉ុស្តិ៍នគរបាលរដ្ឋបាលឃុំរាមនិងប្រជាការពារបានរកឃើញសង្វៀនជល់មាន់ដ៏អាថ៌កំបាំងមួយកន្លែង។
លោកវរសេនីយទោបានបន្តថាទីតាំងនោះនៅចំណុចជើងភ្នំក្បាលហុងស្ថិតក្នុងភូមិអុងឃុំរាមស្រុកព្រៃនប់ខេត្តព្រះសីហនុក៏បានចុះបង្ក្រាបដកហូតវត្ថុតាងរួមមាន៖១.ម៉ូតូចំនួន៦គ្រឿង។២.មាន់ជល់ចំនួន២ក្បាល។៣.កន្ត្រកដាក់មាន់ចំនួន៥។ចំពោះអ្នកលេងល្បែងជល់មាន់នេះបានរត់គេចខ្លួនចូលក្នុងព្រៃអស់។ករណីនេះសមត្ថកិច្ចកំពុងបន្តរនីតិវិធី ស្វែងរកម្ចាស់ម៉ូតូនិងអ្នកពាក់ព័ន្ធ៕S/
