​ពុទ្ធ ឆាយ​រិទ្ធី សងសឹក​បាន​ត្រឹម​ស្មើ​

ដោយ​៖ រ៉ូ​ហ្សា
​ភ្នំពេញ​៖
លើស​ង្វៀន​ខា​រ៉ា​បាវ របស់​អាស៊ីអាគ្នេយ៍ នា​រសៀល​ថ្ងៃទី​២៩ កុម្ភៈ កន្លងទៅ​ថ្មីៗ​នេះ អ្នក​ប្រដាល់​កម្ពុជា ពុទ្ធ ឆាយ​រិទ្ធី ក្លិប​ពុទ្ធ​សេរី​វង្ស ប្រកួត​សងសឹក បាន​ត្រឹម​ស្មើ​ពិន្ទុ​ជាមួយ អ្នក​ប្រដាល់​ថៃ កេង កាត់ (Keng Kat) ។​

អ្នក​ប្រដាល់​ទាំង ២ រូបនេះ ធ្លាប់មាន​ប្រវត្តិ​ប្រកួត​គ្នា ជាច្រើនលើក​មកហើយៗ រិទ្ធី ពុំ​ធ្លាប់មាន​ប្រវត្តិ​ឈ្នះ កេង កាត់ នោះឡើយ គឺ​បានត្រឹមតែ​ស្មើ​ពិន្ទុ និង ចាញ់​តែប៉ុណ្ណោះ ។ ជំនួប​លើក​នេះ អាច​ចាត់ទុកថា រិទ្ធី ត្រៀមខ្លួន​បានល្អ ទៅ​ចុះ ដែល​គេ​ប្រកួត​បាន​ស្មើ​ពិន្ទុ​។ ស្ថានភាព ក្នុងពេល​ប្រកួត រិទ្ធី បាន​ព្យាយាម ប្រើ​គ្រប់​ស្នៀតគុន ដែល​គេ​មាន ដើម្បី​យកឈ្នះ កេង កាត់ តែ​កេង កាត់ ក៏​កាន់តែ​អស្ចារ្យ​ណាស់ ទៅទៀត ។ អ្នក​ប្រដាល់​ទាំង ២ រូបនេះ ប្រកួត​គ្នា​ពេញ​ទាំង ៥ ទឹក ដែល​លទ្ធផល​បានត្រឹមតែ​ស្មើ​ពិន្ទុ គ្នា​ប៉ុណ្ណោះ ។ រិទ្ធី មិនមាន​ឱកាស​បាន​ស​ង​សឹក យកឈ្នះ កេង កាត់ ឡើយ ។​

ទិដ្ឋភាព​ប្រកួត​

​ចាន់ ស៊ី​ណាត ក្លិប​និរោធ​ន៍​មានជ័យ ត្រូវ​អ្នក​ប្រដាល់​ថៃ ឡាំ ណាំ​ឆូ​ក (Lam Namchhok) ទាត់​មួយ​ជើងឆ្វេង បណ្ដាល​ឲ្យ​សន្លប់ នៅ​ដើម​ទឹក​ទី​១ តែម្ដង​។ នេះ​ជាការ​ប្រកួត ដែល ឡាំ ណាំ​ឆូ​ក ប្រើពេល​វេលា​ខ្លី​មែនទែន ។ ស៊ី​ណាត ដែល​ចង់​ស៊ីជើង​ក្រោម ឡាំ ណាំ​ឆូ​ក នោះ ត្រូវ ឡាំ ណាំ​ឆូ​ក ទាត់​ជើង​ក្រោម សង​វិញ បន្ទាប់​គេ​ប្រើ​ជើងឆ្វេង ទាត់​ចំ​ថ្គាម​ស្ដាំ​របស់ ស៊ី​ណាត បណ្ដាល​ឲ្យ​ស៊ី​ណាត សន្លប់​ក្រោក​លែងរួច​តែម្ដង ។​

​ឡុង សំណាង ហៅ សែម ណា​ង ក្លិប​សាល​វ័​ន្ដ​កីឡា ប្រកួត​ឈ្នះ​អ្នក​ប្រដាល់​ជើង​ខ្លាំង​ថៃ អា​រ៉ាំ ប៊​យ (Aram Boy) ដោយ​ពិន្ទុ បន្ទាប់ពី​ប្រកួត​គ្នា ដ៏​តឹងតែង ពេញ​៥​ទឹក​នោះ ៕v

ទិដ្ឋភាព​ប្រកួត​

ទីតាំងផ្សាយពាណិជ្ជកម្ម

- Advertisment -

Most Popular