ពុ​យ វណ្ណៈ និង ឡុង បេន​លឿន អ្នកឈ្នះ​ចុងក្រោយ នៃ​ជុំ​ទី​២

ដោយ​៖ រ៉ូ​ហ្សា
​ភ្នំពេញ​៖
ជើង​ខ្លាំង ពុ​យ វណ្ណៈ នៃ​ក្លិប​ឃ្លាំងមឿង​កីឡា និង ឡុង បេន​លឿន នៃ​ក្លិប​សាល​វ័​ន្ដ​កីឡា បាន​ឆ្លង​ផុត​វគ្គ​ប្រកួត​ជម្រុះ​ជុំ​ទី​២ ​នៃ​ព្រឹត្តិការណ៍ TV5 Boxing Knock-Out Serie by K-Cement ដូចគ្នា នៅក្នុង​ការប្រកួត​ជម្រុះ ចុងក្រោយ​នៃ​ជុំ​ទី​២ ។​ ពួកគេ​ទាំង ២ រូប បាន​ឡើងទៅ​ប្រកួត​ជម្រុះ​បន្ត នៅ​ជុំ​ទី​៣ ដែល​នៅសល់ អ្នក​ប្រដាល់​តែ ៨ រូប​ប៉ុណ្ណោះ ដែល​នៅ​វគ្គ​ទី​៣ នេះ អ្នកឈ្នះ នឹង​បាន​ឡើង ទៅ​ប្រកួត​បន្ត វគ្គ​ពាក់កណ្ដាល​ផ្ដាច់ព្រ័ត្រ ។​

​ឡុង បេន​លឿន បាន​ប្រកួត​ឈ្នះ អ្នក​ប្រដាល់​ជើង​ខ្លាំង ជំនាន់​ក្រោយ អេ​លី​ត ភក្ដី ក្លិប​ប៉ែន​កាក់​គុន​ខ្មែរ ដោយ​ពិន្ទុ ។ ស្ថានភាព នៃ​ការប្រកួត ពិតជា​តឹងតែង​មែន ដោយសារតែ​ទាំងសងខាង សុទ្ធតែ​ត្រូវកា​ឈ្នះ ដើម្បី​ឡើងទៅ​ប្រកួត​បន្ត នៅ​ជុំ​ទី​៣ រូ​ម​គ្នា ។ ទោះជា​ខិតខំ​យ៉ាងណា ក៏​បន្ទាប់ពី​ប្រកួត​ចប់​ទឹក​ទី​៣ ឡុង បេន​លឿន បាន​ក្លាយជា​ម្ចាស់​កៅអី សម្រាប់​ប្រកួត​ជម្រុះ នៅ​ជុំ​ទី​៣ ។ ចំពោះ អេ​លី​ត ភក្ដី ហាលអាវ មិនមាន​សំណាង ឡើងទៅ​ប្រ​កួ​បន្ត នៅ​ជុំ​ទី​៣ ទៀតឡើយ​។​

អ្នកឈ្នះ​ចុងក្រោយ​នៃ​ជុំ​ទី​២

​ចំពោះ ពុ​យ វណ្ណៈ វិញ បាន​ប្រកួត​ឈ្នះ អ្នក​ប្រដាល់ សូត្រ ខេ​វិ​ន ក្លិប​បក្សី​ស្លាប​ដែក ដោយ​ពិន្ទុ ។ សម្រាប់​អ្នក​ប្រដាល់​ទាំង ២ រូបនេះ សុទ្ធតែជា​អ្នកខ្លាំង​ដូចគ្នា មិនតែប៉ុណ្ណោះ ខេ​វិ​ន ខ្ពស់ជាង វណ្ណៈ ទៀតផង ។ ខេ​វិ​ន ជា​អ្នក​ប្រដាល់ ដែល​តែងតែ​ប្រើ​ជង្គង់ និង​កែង វាយប្រហារ​គូប្រកួត តែ​គេ​មិនសូវមាន ភាពវាងវៃ​ប៉ុន្មាន​ឡើយ ព្រោះ​គេ​ប្រើតែ​ស្នៀត ដដែលៗ ទោះបី​ស្នៀត​នោះ មិនអាច​ស៊ី​គូប្រកួត​បាន​ក៏ដោយ ។ វណ្ណៈ ទាប​ក៏ពិតមែន តែ​គេ​ការពារ​បានល្អ ពិសេស​គេ​មិន​វ៉ៃ​ស្នៀត ច្រំ​ដែលៗ​នោះទេ ។​

​វណ្ណៈ បាន​ផ្លាស់ប្ដូរ​ឥរិយាបទ​វ៉ៃ​ភ្លាមៗ ប្រសិនបើ​ស្នៀត ដែល​គេ​កំពុង​ប្រើ​នេះ មិនអាច​ឆ្លង​ផុត ប្រព័ន្ធ​ការពារ​របស់​គូប្រកួត ។ មិនតែប៉ុណ្ណោះ វណ្ណៈ គេ​ចល័ត​ចេញ ពី​ការវាយប្រហារ របស់​គូប្រកួត​បាន​លឿន និង​វ៉ៃ​សង​វិញ បាន​រហ័ស ។ ទោះបីយ៉ាងណា ក៏​ការប្រកួត​នេះ ស្ថិតក្នុង​ស្ថានភាព​តឹងតែង​គ្រាន់បើ​។​ ពុ​យ វណ្ណៈ ត្រៀមខ្លួន​ប្រកួត​ជម្រុះ​ជុំ​ទី​៣ ជាមួយ ឡុង បេន​លឿន ។ ចំពោះ សូត្រ ខេ​វិ​ន ខ្ទាត​ចេញពី​ការប្រកួត ត្រឹម​នេះហើយៗ នៅ​ជុំ​ទី​៣ នរណា ក៏មាន​ជំនឿ​ចិត្ត​ថា វណ្ណៈ នឹង​ឆ្លង​ផុត​ដែរ ។​

អ្នកឈ្នះ​ចុងក្រោយ​នៃ​ជុំ​ទី​២

​ចំពោះ​ការប្រកួត​ជា​មិត្តភាព ជាមួយ​អ្នក​ប្រដាល់​ថៃ វិញ​នោះ អ្នក​ប្រដាល់ ដែលមាន​រហស្សនាម​ថា អ្នកលេង​ជួរ​ភ្នំ​ដងរែក បាន​យកឈ្នះ អ្នក​ប្រដា​ល់វ័យ​ចំណាស់​ថៃ ប្រា វីត (Pra Vith) ដោយ​ពិន្ទុ ។ អ្នក​ប្រដាល់​ទាំង ២ រូបនេះ ប្រកួត​គ្នា​ពេញ​ទាំង ៥ ទឹក ។ ប្រា វីត ចាស់​ហើយ តែ​គេ​ក៏បាន​ធ្វើ​ឲ្យ សំអាត វេទនា មិនតិច​ដែរ​ទេ តែ​អ្នក​ប្រដាល់​ថៃ​រូបនេះ ក៏​ឈឺ​សាច់ ដោយសារ​សំអាត មិន​ស្ទើរ​ដែរ​ទេ ។​

​ការប្រកួត​រវាង​អ្នក​ប្រដាល់​រួម​ជាតិ ក្រៅ​ព្រឹត្តិការណ៍​ពានរង្វាន់ វិញ​នោះ សឿន ឆ្នើម ក្លិប​ទ័ព​ឆ័​ត្រ​យោង​៩១១ ប្រកួត​ចាញ់​អ្នក​ប្រដាល់ អ៊ុំ កំសត់ ក្លិប​ព្រឺ​ទទឹង​កីឡា ដោយ​ពិន្ទុ ។ ពួកគេ​មាន​របួស​ដូចគ្នា នៅ​ទឹក​ទី​៤ តែ​របួស​នោះ មិន​ធ្ងន់ធ្ងរ​នោះទេ គឺ​គេ​អាច​ប្រកួត​បន្តបាន រហូត​ចប់​ទឹក​ទី​៥ ។ អ្នក​ប្រដាល់​ទាំង ២ រូបនេះ ចាប់ផ្ដើម​ប្ដូរ​កែង​ជាមួយគ្នា តាំងពី​ទឹក​ទី​១ មកម្ល៉េះ ៕v

ទីតាំងផ្សាយពាណិជ្ជកម្ម

- Advertisment -

Most Popular

ជនសង្ស័យ​ម្នាក់ រួម​នឹង​វ...

​ដោ​យៈ រិ​ទ្ធិ​សែន / ពោធិ...

ប្រកាស​បិទ​ផ្សាយ ឯកសារ​កា...

​ដោយៈ ទេ​ពក​ង្រី / កំពង់ឆ...

​អនុគណៈកម្មការ​សុវត្ថិភាព...

​ដោយៈ ទេ​ពក​ង្រី / កំពង់ឆ...

​បុរស​ម្នាក់ រងរបួស​ធ្ងន់...

​ដោយៈ សម្បត្តិ / ភ្នំពេញៈ...